Morgunblaðið - 24.07.1988, Qupperneq 29

MORGUNBLAÐIÐ, SUNNUDAGUR 24. JÚLÍ 1988
B 29
Hættið að senda hver öðrum tóninn
Ábending til ráð-
herranna
Til Velvakanda.
Háttvirta ríkisstjórn íslands.
Hættið að senda hver öðrum tón-
inn í fj'ölmiðlum. Vandamálin fá
eðlilegustu og áhrifaríkustu af-
greiðslu á einkafundum ríkisstjórn-
arinnar. Mér er alveg ljóst að verk-
efni ykkar eru vandleyst, en stapp-
ið í ykkur stálinu og finnið skárstu
úrlausnirnar og ég tel að þjóðin í
heild muni þakka ykkur og að þið
fáið fleiri atkvæði en þið kunnið að
tapa, ef þið sýnið fulla ábyrgð.
Það er augljóst mál, að aðgerð-
irnar hljóta að koma illa við all-
flesta borgara þessa lands. En það
er margt til vinnandi til að ná niður
verðbólgunni og þar með hinum
svokölluðu okurvöxtum, en þeir
hverfa um leið og verðbólgan er
komin niður í það sem kalla má
eðlilegt, eða á það stig sem gerist
í okkar helstu viðskiptalöndum.
Mér finnst alveg augljóst, að
verkalýðurinn skilur nauðsyn þess
að komið var í veg fýrir verkföll,
sem hefðu leitt til öngþveitis. Það
er að sjálfsögðu rétt að það var
sorglegt að þurfa að afnema verk-
fallsréttinn, en nauðsyn brýtur lög
í þessu máli. Samningsrétturinn var
ekki afnuminn en bundinn við 10%.
Verkfallsrétturinn kemur afturþeg-
ar markmiði um verðbólguna hefur
verið náð og 10% markið kemur í
veg fyrir að sérlqarahópamir geti
vaðið fram með margfaldar launa-
kröfur og misrétti. Það Veit ég að
verkalýðsforystan skilur.
Hins ber að gæta, að við velflest
viljum aðhald í verslunarmálum og
að verslunareigendur geti ekki
mokað upp óeðlilegum ágóða á
kostnað neytenda. Þar ber stjóm-
völdum að hafa sterka hönd í
bagga.
Vissir aðilar hafa hagað sér á
þann hátt, að manni hefur dottið í
hug hvort það væri ekki betra að
fá þeim skóflu í hönd til að moka
sandi, heldur en láta þá óhindrað
valda gífurlegum viðskiptahalla
með eyðsluframkvæmdum, sem
ekki gefa arð. Þriggja til fjögurra
milljarða framkvæmdir í byggingu
verslunarhúsnæðis á tveggja ára
tímabili, algerlega að óþörfu (nóg
var fyrir), hafa varla minnkað verð-
bólguvandann. Þjóðin í heild þarf
að ná áttum og athuga að það er
vænlegra að eyða í hófi en óhófi.
Jón Eiríksson.
Virðingarleysi sólarlandafarþega
Til Velvakanda
Sólarlandaferðir hafa aldrei verið
vinsælli en einmitt núna, sem er á
skjön við þær upplýsingar sem
vísindamenn keppast við að koma
á framfæri um óhollustu sólbaða
fyrir hömndsljósa norðanmenn.
Þynning ósonlagsins virðist ekki
valda fólki áhyggjum svo nokkru
nemi. Raunar er mér alveg sama
um þá sem vilja flatmaga á sóla-
strönd og drekka í sig útfjólubláa,
krabbameinsvaldandi geisla. Það er
annað sem fer í taugamar á mér.
Það er almennt virðingarleysi sólar-
landafarþega við íbúa og menningu
miðj arðarhafsl anda.
Eg hef dvalið nokkuð mikið á
Spáni og þekki þar best til af mið-
jarðarhafslöndunum. Ég dvaldist
þar meginhluta síðasta vetrar og
undir lok dvalarinnar átti ég leið
um nokkra helstu dvalarstaði sól-
þyrstra norðurálfubúa, Marbella,
Benidorm og Mallorca. Þótt eiginleg
ferðamannavertíð væri ekki hafin
fyrir alvöru blöskraði mér það virð-
ingarleysi, sem Spánveijum er sýnt.
Þegar ekið er eftir suðurströnd-
inni frá vestri til austurs má sjá
endalausan frumskóg auglýsinga-
skilta meðfram vegunum, þar sem
fasteignir, golfklúbbar og önnur
hægindi fyrir efnað fólk er auglýst.
í sjálfu sér væri ekkert við það að
athuga ef textinn væri ekki á ensku
og þýsku með stóru letri gegnum-
sneitt, en neðanmáls á spænsku.
Þetta var fyrsta áfallið þegar tók
að nálgast ferðamannastaðina. Svo
þegar þangað er komið má sjá
samskonar áletranir. En það sem
verra er þá eru sumar verslanir sem
auglýsa að þær séu í eigu Englend-
inga, Þjóðveija eða annarra, eins
og til aðgreiningar frá verslunum í
eigu Spánveija. Auðvitað er hér
verið að ýja að því að Spánveijum
sé ekki treystandi, sem er svívirði-
legt athæfi, ekki síst þar sem gest-
gjafamir eru Spánveijar! Telja
‘ mætti upp ótölulegan fjölda svip-
aðra dæma, eins og útvarp á ensku,
sem alls staðar glumdi á Marbella.
Hvemig litist íslendingum á ef suð-
urströnd landsins fylltist af „ferða-
mönnum", sem létu sem þeir ættu
landið og lítilsvirtu okkur og menn-
ingu okkar?
Það er til prýðileg bók um Spán
og Spánveija nútímans, sem því
miður hefur ekki verið íslenskuð,
sem ber heitið „The Spaniards" og
er eftir John Hooper. Mig langar
til að hvetja þá sem geta að lesa
þessa bók áður en þeir halda til
Spánar, þeirra sjálfra og ekki síður
gestgjafanna vegna. Þar kemur
margt forvitnilegt fram sem of fáir
vita um. Fyrir um þijátiu ámm
síðan var strandlengja Spánar verð-
laust land, sem enginn hirti um.
En svo kom túrisminn! Slegist var
um landið og peningar fóm að
streyma inn í laiidið í þeim mæli,
sem innfæddir þekktu aðeins af
afspurn. Viðbrigðin fyrir unga
Spánveija í atvinnuleit, sem flykkt-
ust til strandar til að þjónusta ferða-
mennina, vom slík, að geðsjúkrahús
fylltust af fólki, sem þjáðist af
þunglyndi, sem átti rætur sínar að
rekja til „menningarárásar“. Og
þessi geðsjúkdómur fékk sér nafn.
Ég efast líka um að margar ungar
stúlkur, sem striplast um strend-
umar berbijósta viti hvaða áhrif
þetta hefur á sálarlíf spænskra
stúlkna. Spánn er rammkaþólskt
land og siðferðisvitundin eftir því.
Það er ekki sjálfsagt mál að spæn-
skir foreldrar Hti það björtum aug-
um ef dætur þeirra hegðuðu sér
með svipuðum hætti. Striplist heima
hjá ykkur, þar sem það er talið sjálf-
sagt, en virðið þær siðferðisreglur,
sem gilda í landi gestgjafanna.
Sem betur fer hefur sjálfstraust
spænsku þjóðarinnar styrkst á und-
anfömum áram, sérstaklega eftir
endurreisn lýðræðis í landinu. Það
má til dæmis sjá á því, að veitinga-
staðir heita nú frekar „Casa Man-
olo“ eða „Los hermanos" en „Tex-
as“ eða „Paris", eins og algengt
var áður. Þannig að þótt þeir taki
fegins hendi þeim tekjum, sem af
ferðamönnum er að hafa, þá er
ekki víst að þeir líði framkomu
margra sólardýrkenda öllu lengur.
Íslendingar gera helst þá kröfu
til útlendinga, sem sækja fsland
heim, að þeir hafi lesið allar íslend-
ingasögumar, þekki Gullfoss og
Geysi af myndum og þekki sögu
okkar í stómm dráttum. Ef lág-
marksþekking í þessa verana er
ekki fyrir hendi móðgast margir.
Það minnsta sem við íslendingar
getum gert þegar við sækjum aðrar
þjóðir heim er að virða íbúana, sögu
þeirra og menningu. Þannig virðum
við okkur sjálf mest.
Spánarvinur.
Þessir hringdu ..
Forsetakosn-
ingarnar
Ingibjörghringdi:
„Ég er þakklát dr. Gunnlaugi
Þórðársyni, sen skrifaði pistil um
forsetakosningamar fyrir nokkm
síðan. Þetta var eins og talað út
úr mínu hjarta og ég held að það
sem hann skrifaði hafi verið það
sewm flestum hafi þótt um þessar
kosningar."
Orðabók í óskilum
Ensk-íslensk orðabók var skilin
eftir í gistihúsinu Langholti á
Snæfellsnesi. Eigandinn getur
haft sambannd við Langholt í
síma 93-56789.
Blöðunum fleygt á
bílaplanið
Ólafur • Ingimundarson-
hringdi:
„Ég rek sölutum í Garðabæn-
um á Garðaflöt 16-18. Sendibíl-
stjóramir, sem koma með Morg-
unblaðið til mín, fleygja alltaf
blöðunum á bílaplanið fyrir utan
og oft er búið að aka yfir þau
þegar ég sæki þau. Bílstjórar frá
öðmm blöðum koma yfirleitt
mepð þau inn. Ég hef gert athuga-
semd við þetta, en engin breyting
hefur orðið á þessu. Mér finnst
þetta vera óvirðing við blaðið og
mér þætti leiðinlegt að þurfa að
hætta að selja það af þessari
ástæðu.“
PASSA-
MY
fyrir þá
sem er
alveg sama
BERIÐ SAMAN VERÐ
LJuSMYNDASTOFA
GUÐMUNDUR KR JÓHANNESSON
LAUGAVEGI178 SlMI689220
Vönduð vinna og góð þjónusta skiptir máli.
Háskóli íslands - Endurmenntunarnefnd
(Námskeið haldið í samvinnu við menntamálaráðuneytið)
Notkun tölva við kennslu
Námskeið í hönnun
kennsluhugbúnaðar
8.-12. ágúst 1988
Fyrir hverja: Þetta námskeið er sér-
staklega ætlað framhaldsskólakenn-
urum, grunnskólakennurum, sér-
kennurum og námsefnishöfundum.
Ekki er nauðsynlegt að hafa unnið
við tölvu.
Lýsing: Þetta námskeið verður sniðið eftir norrænum
aðferðum í hönnun kennsluhugbúnaðar og fyrirlesarar
koma frá Noregi. Kennt verður hvernig ganga á frá
hugmyndum um tölvustutt námsefni þannig að forritari
geti tekið við. Ekki þarf neina forritunarkunnáttu til að
sækja þetta námskeið.
Leiðbeinendur: Borre Stenseth og Ivar Minken.
Námskeiöiö veröur haldið í Verslunarskóla íslands.
Skráning er á aðalskrifstofu Háskóla fslands í síma
694306.
/\ John Drummond
Golfskálanum Grafarholti sími 82815.