Morgunblaðið - 14.10.1988, Qupperneq 7

MORGUNBLAÐIÐ, FÖSTUDAGUR 14 OKTÓBER 1988
MYIMDBÖND
Sæbjörn Valdimarsson
Óhollur slæðingur
hrollvekja
Flökkuverur - Nomads ★ ★
Leikstjóri og handritshöfundur
John McTiernan. Tónlist Bill
Conti. Aðalleikendur Lesley-Ann
Down, Pierce Brosnan, Anna-
Maria Montecelli, Adam Ant,
Mary Woronov. Bandarísk. Cin-
ema 7/PSO 1986. CBS Fox/Stein-
ar 1988. 90 mín. Hi-Fi. Bönnuð
yngri en 16 ára.
Mannfræðingurinn Pierce hefur
ekki búið lengi í Los Angeles er
hann fer að vekja eftirtekt ógæfu-
legum flokki pönkara. Hann tekur
að rannsaka hagi þeirra, líkt og um
sér þjóðflokk sé að ræða og kemst
þá fljótlega á snoðir um að hér eru
á ferðinni illvígir skrattar og morð-
óðir, ófriðlegir andar norðan af
heimskautatúndrunni. Minna mátti
ekki gagn gera.
Þeir vinna á mannfræðingnum,
en minni hans tekur sér þá bólfestu
í hjúkrunarkonuunni Down. Hún
upplifír því sér til mikillar hrellingar
raunir mannsins, og smám saman
hefur pönkslæðingurinn uppá
henni.
Myndin er byggð á prýðilegri
hugmynd að hryllingi, illir andar
inúka, komnir um langan veg til
að hnekkja á Los Angeles-búum,
íklæddir slitnum gallabuxum og
tættum leðuijökkum með spring-
hnífa og steríógræjur að vopni. En
útkoman er óljóst sambland draums
og veruleika - einkum eftir að Down
kemur til sögunnar. Niðurstaðan
er meðalmynd með forvitnilegum
köflum sem koma ekki á óvart því
hér er um að ræða fyrsta leikstjóm-
arverkefni McTieman sem gerði
hörkuþrillerinn Predator og eina
mestu spennumynd þessa árs, Die
Hard.
stríðsminningar
drama
Hope and Glory ★ ★ ★,/2
Leikstjóri og handritshöfundur
Jolin Boorman. Kvikmyndatöku-
stjóri Philippe Rousselot. Tónlist
Peter Martin. Búningar Shirley
Russell. Sviðsmynd Anthony
Pratt. Aðalleikendur Sarah Mil-
es, David Hayman, Derrick
O’Connor, Sammi Davis, Ian
Bannen og Sebastian Rice Ed-
wards sem Bill. Bresk. Columb-
ia/Goldcrest 1987. Skífan 1988.
Hi-Fi. 108 mín. Bönnuð yngri en
12 ára.
í þessari nosturslegu og
skemmtilegu mynd fáum við að sjá
stríð á nýjan og óvæntan hátt sem
tæpast er til í hugskoti þeirra sem
ekki hafa upplifað hörmungamar
sjálfír í æsku. Boorman veitir okkur
nefnilega innsýn í sín eigin upp-
vaxtarár, í stríðshijáðri London
seinna stríðs. Og þetta er sko aldeil-
is ekki tóm pína! Sprengjunum rign-
ir - en þær og skíðlogandi borgar-
hlutarnir lýsa upp himinhvolfið dýr-
legar en nokkrar áramótabrennur
eða rakettur. Og afleiðingamar,
ijúkandi brunarústir em stórkost-
legri en nokkur leikvöliur. Hér má
lengi finna ýmislegt eftirsóknarvert
góss, svo sem skartgripi, byssukúl-
ur, sprengjur, sprengjubrot.
Áhyggjur gamla fólksins eru
nálægar en skipta ekki svo miklu
máli. Reyndar er pabbi í stríðinu,
mamma vansæl og hrædd og stóra-
systir ólétt. Og þegar kviknar svo
loksins í bemskuheimilinu tekur
aðeins betra við; lystilegt sumarfrí
hjá afa í sveitinni. Toppurinn á öllu
er þó haustið þegar skólinn á að
hefjast, en verður fyrir sprengju svo
allir gfeta haldið alsælir heim.
Þetta em í grófum dráttum hinar
sérstöku og spaugilegu minningar
Boormans Um hildarleikinn, en al-
varan er engu að síður alltaf í bak-
gmnninum og tilfinningin sterk á
báða bóga. Persónumar standa ljós-
lifandi fyrir sjónum manns. Hér
fara vel valdir úrvalsleikarar með
skýran og furðu oft fyndinn texta.
Rammi þeirra Russeíls og Pratts
er sannur og eftirminnilegur einsog
þessi meiriháttar mynd Boormans
og félaga í heild. Besta myndband
sem komið hefur út um langt skeið.
Arthur á túr
gamanmynd
Leikstjóri og handritshöfundur
Steve Gordon. Tónlist Burt Bacli-
arach. Aðalleikendur Dudley
Moore, Liza Minelli, Sir John
Gielgnd, JiII Eikenberry.
Bandarísk. Warner Bros .1981.
Steinar 1988. 97 mín. Öllum
leyfð.
Hjá hinum hugljúfa, moldríka
Arthur, (Moore), hefur lífið verið
ein dýrðarinnar svallveisla, en á
lygnu brennivínshafi framtíðarinn-
ar er þó eitt sker að finna, náung-
inn verður að kvænast sinni ámóta
auðugu kæmstu, annars verður
tappinn settur í, kauði gerður arf-
laus. Þetta er því verra þar sem
Arthur hefur nánast ógeð á döm-
unni og allt virðist stefna í kalda-
kol er hann verður svo yfir sig ást-
fanginn af vesælum búðaþjófí!
Það er ekki svo illa til fundið að
vekja þennan hvitflibbaróna upp frá
gleymsku, þar sem framhaldsmynd
um hann var gerð í sumar og naut
talsverðra vinsælda. Hin mikla að-
sókn að Arthur vakti nokkra at-
hygli á sínum tíma. Efnið er heldur
klént, e.k. kampavínsbleytt útgáfa
af Öskubusku. En Dudley Moore
var einhver geðugasti róni sem sést
hefur á hvíta tjaldinu og myndinni
fór ekki að hraka fyrr en flaskan
var tekin af honum. Það er hinsveg-
ar gamli senuþjófurinn, leikjöfurinn
sir John Gielgud, sem rænir mynd-
inni, hann er óborganlegur í hlut-
verki hins hábreska, snobbaða bötl-
ers sem frystir allt í kringum sig
með nístandi háði og orðheppni.
Þeir sem ekki þekkja þetta kostu-
léga par geta því gert margt verra
en að sjá þessa meðan beðið er eft-
ir Arthur í annað sinn.
Oargadyr í átökum
spennumynd
Rándýrið - Predator ★ ★ ★
Leikstjóri John McTiernan.
Handrit James og Jim Thomas.
Tónlist Alan Silvestri. Kvik-
myndatökustjóri Donald McAlp-
ine. Aðalleikendur Arnold
Schwarzenegger, Carl Weathers,
Elpidia Garrillo, Bill Duke, R.G.
Armstrong. Bandarísk. 20th
Century Fox. 1987. CBS
Fox/Steinar 1988. Hi-Fi. 90 mín.
Bönnuð .ungri en 16 ára.
Einsmannshersveitir og vöðva-
fjöll beijast ekki við venjulegt fólk,
reyndar situr her manna sveittyr
vestur í Hollywood við að skapa
annaðhvort nógu hábölvuð úrhrök
og mannskepnur, eða þá ófénað
utanúr geimnum til að glíma við
Schwarzenegger og co. á hvíta
tjaldinu. Og alltaf verða þijótar
næstu myndar að vera agalegri,
B 7
átökin svæsnari og hetjumar til-
komumeiri.
Hér er allt þetta að finna, sem
gerir það að verkum að Predator
er einfaldlega vél heppnaður þrilier
um mennsk og ómennsk óargadýr.
Keyrslan er feykigóð frá upphafí
til enda, brellumar með því besta
sem maður hefur séð á því sviði -
rándýrið er tæknilegt meistaraverk
- takan og tæknin snilld sem ein-
göngu er að fínna í Hollywood.
Leikstjórinn á heiður skilinn, Pred-
ator er einstök á sínu sviði. Ef
menn vilja hraða, spennandi og
nokkuð fyndna afþreyingu, stút-
fulla af átökum og tæknibrellum,
er hún góður valkostur.
Samtök íslenskra myndbandaleiga:
VINSÆLUSTU MYNDBÖNDIN
1. (1) BlackWidow ......................... (Steinar)
2. ( 2) Dragnet ...................... (Laugarásbíó)
3. ( 3) No Man’s Land ............... (Háskólabíó)
4. ( 5) Boss’sWife ...................... (Steinar)
5. (—) ThePredator ........................ (Steinar)
6. (20) NlghtOnTheTown ................. (Bergvík)
7. ( 7) BorninEastLA ............... (Laugarásbíó)
8. (-—). TheBelivers ..................... (Skífan)
9. ( 6) Hentu mömmu af lestlnni ..... (Háskólabíó)
10. ( 4) Princess Bride .............. (J.B. Heildsala)
11. ( 8) Summer School .................... (Háskólabíó)
11. (12) KæriSáli ......................... (Háskólabíó)
13. ( 9) QuletCoo! ............................ (Skífan)
14. (—-) Raw .............................. (Háskólabíó)
15. (16) CrossMyHeart .................... (Laugarásbíó)
16. (-—) Nomads .............................. (Steinar)
17. (★) Nerds 2 ............................. (Steinar)
18. (14) Nornirnarfrá Eastwick ............... (Steinar)
19. (—-) Amazing Stories 6 ................ (Laugarásbíó)
20. (15) TigerWarsaw .......................... (Skífan)
í svigunum er það sæti sem myndbandið var í vikunni á undan, (—-)
merkir að myndbandiö er nýtt á listanum og (★) merkir að mynd- '
bandiö er að koma aftur inn á listann.
10% KYNNINGAR ^S, BYGGINGAVÖRUVERSUIN
■■ AFSLATTUR sSp SAMBANDSINS
KRÓKHÁLSI 7 SÍMI 8 20 33