Morgunblaðið - 25.04.1989, Blaðsíða 3

MORGUNBLAÐIÐ ÞRIÐJUDAGUR 25. APRIL 1989
3
Sókn gerir svipaða samninga og BSRB:
Bezti samningnr sem
fékkst miðað við aðstæður
- segir Þórunn Sveinbjörnsdóttir, formaður Sóknar
Starfsmannafélagið Sókn hefur gert kjarasamning við viðsemj-
endur sína; ríki og Reykjavíkurborg, auk nokkurra sjálfseignar-
stofhana. Samningurinn fylgir í öllum meginatriðum kjarasamn-
ingi þeim, er aðildarfélög BSRB gerðu við ríki og sveitarféiög,
en Sókn er fyrsta aðildarfélag ASI sem skrifar undir kjarasamn-
inga.
Að sögn Þórunnar Sveinbjörns-
dóttur, formanns Sóknar, er meg-
inuppistaða samningsins sömu
lífaldursreglur og í samningi
BSRB, sama orlofsuppbót í júní
og sama breyting á desemberupp-
bót. Auk þess var gerð bókun um
breytingu á námskeiðum. Auk
Sóknarkvenna hjá ríki og borg
vinna nokkur hundruð Sóknarkon-
ur hjá Elliheimilinu Grund, Hrafn-
istu, Landakoti, Sjálfsbjörg og
Reykjalundi og fleirum.
Þórunn sagðist vera nokkuð
ánægð með samningana. „Þetta
voru beztu samningar, sem hægt
var að ná við núverandi aðstæður.
Það er alveg ljóst að félagar okkar
í ASÍ eru að fara í hart til þess
að ná þessum samningum. Miðað'
við stöðu okkar núna er ekkert
annað að hafa. Við reyndum að
ná ýmsum fleiri atriðum inn, en
róðurinn var ekki léttur. BSRB var
líka sannarlega búið að leggja
ýmislegt á sig fyrir þennan samn-
ing,“ sagði Þórunn. Hún sagðist
telja 2.000 króna hækkun viðun-
andi við núverandi aðstæður, hún
lyfti mest hinum lægst launuðu
og væri í takt við stefnu láglauna-
félaga.
„Við erum mjög ánægðir að
hafa lokið þessum samningi,"
sagði Jón G. Kristjánsson, starfs-
mannastjóri Reykjavíkurborgar.
„Þetta er í takt við það sem við
sömdum um við starfsmannafélag
borgarinnar. Línan var dregin þeg-
ar BSRB-félögin gerðu samninga,
og það eru þær hækkanir, sem við
höfum viljað ræða við önnur félög.
Sókn var á því að það væri rétt
mat hjá okkur. Sóknarkonur eru
í ASÍ, og þær þekkja viðbrögð
vinnuveitenda við kröfum Alþýðu-
sambandsins.“
Samningur Sóknar verður bor-
inn undir atkvæði félagskvenna á
félagsfundi kl. 20 á miðvikudags-
kvöld. Um 2.000 konur hafa at-
kvæðisrétt.
Sinubrunar
í Reykjavík
SLÖKKVILIÐIÐ í Reykjavík var
kallað út yfir 10 sinnum í gær
til að slökkva eld í sinu. Bannað
er að kveikja í sinu í borgar-
landinu, en á hverju vori skapast
hætta vegna sinubruna.
Bergsveinn Alfonsson, varðstjóri
hjá slökkviliðinu, sagði að slökkvi-
liðið reyndi að sinna öllum slíkum
útköllum, en það væri áhyggjuefni
ef slökkviliðsmenn væru önnum
kafnir við að fást við sinubruna
þegar eldur kæmi upp annars stað-
ar. Oftast voru slökkviliðsmenn
kallaðir í Fossvoginn í gær, þar sem
börn höfðu kveikt eld í sinu. „Ég
vil hvetja foreldra til að brýna fyrir
börnum sínum að kveikja ekki eld
í sinu,“ sagði Bergsveinn. „Eldurinn
getur valdið miklum skemmdum á
gróðri og skapað stórhættu."
Hafskipsmál:
Frávísunar-
kröfum
haftiað
SAKADÓMUR Reykjavíkur
synjaði í gær frávísunarkröfum
lögmanna 11 þeirra einstakl-
inga sem ákærðir eru í Haf-
skips- og Útvegsbankamálum.
Verjendurnir Iýstu því yfir þeg-
ar úrskurðurinn var kveðinn
upp að þeir myndu kæra hann
til Hæstaréttar.
Þegar úrskurðurinn hafði verið
kveðinn upp og afstaða veijenda
lá fyrir lýsti Sverrir Einarsson
dómsformaður því yfir að merferð
málsins yrði frestað til 25. septem-
ber næstkomandi en þá mundu
hefjast yfirheyrslur yfir hinum
ákærðu. Fyrstur mun koma fyrir
dóminn Björgúlfur Guðmunddson
fyrrum framkvæmdastjóri Haf-
skips og síðan hver hinna ákærðu
af öðrum. Af máli dómsformanns-
ins mátti ráða að hann vænti þess
að vitnaleiðslur og yfirheyrslur
stæðu yfir í nokkrar vikur.

'

MITSUBiSHM
ahm 'mmr hhhhhb^
\ / /—- / /—J r
f I ' -
m Jg
„__J____/
•M
/ / 1
.... / / v
\ j
Bíllinn, sem sæmdur var GULLNA STYRINU i ár
VERÐ FRÁ KR. 798.000
8»

1

m

Ém
Akærður fyr-
ir nauðgun
GEFIN hefur verið út ákæra á
hendur 28 ára gömlum Reyk-
víkingi sem nýlega var kærður
fyrir nauðgun, tæpum sólar-
hring eftir að hann hafði fengið
reynslulausn úr fangelsi þar
sem hann hafði afþlánað tvo
þriðju hluta 30 mánaða refsing-
ar fyrir sams konar brot. Málið
var þingfest í sakadómi á föstu-
dag og var maðurinn þá jafh-
framt úrskurðaður í gæsluvarð-
hald fram að dómsuppsögu en
þó ekki lengur en til júniloka.
Hann kærði þann úrskurð til
Hæstaréttar.
Maðurinn hefur neitað sakar-
giftum og er því ekki unnt að láta
hann afplána 345 daga eftirstöðv-
ar á refsingu þeirri sem honum
var veitt reynslulausn á.
Atburður þessi átti sér stað í
fjölbýlishúsi í Austurbænum. Tals-
verðir áverkar sáust á konunni
sem lagði fram kæru á hendur
manninum. Hún hefur gert bó-
takröfu í refsimálinu. Maðurinn
var handtekinn í annarri íbúð í
húsinu og hefur síðan setið í
gæsluvarðhaldi. Hæstiréttur mun
taka afstöðu til kæru hans vegna
gæsluvarðhaldsins á næstunni.
^Apglýsinga-
síminn er 2 24 80
i-i.ii