Morgunblaðið - 25.04.1989, Blaðsíða 47
MORGUNBLAÐIÐ ÞRIÐJUDAGUR 25. APRÍL 1989
47
Berit
óperusöngkona.
Lars G. Frederiksson píanóleikari.
Ljóðatónleikar í
Norræna húsinu
SÆNSKA óperusöngkonan Berit
Hallqvist heldur tónleika í Nor-
ræna húsinu í dag, þriðjudaginn
25. apríl kl. 20.30. Með henni leik-
ur Lars G. Fredriksson á píanó. Á
efhisskránni eru verk eftir B.
Linde, Ture Rangström, R.
Strauss, J. Sibelius, E. Sjögren,
C. Debussy og J. Rodrigo.
Berit Hallquist er ein af þekktustu
söngkonum Svía og hefur haldið tón-
leika víða í Evrópu og í ísrael og
Bandaríkjunum. Hún hefur einnig
sungið í útvarp og sjónvarp.
Berit Hallqvist er fædd í Stokk-
hólmi og hefur stundað söngnám hjá
Folke Sállström, Isa Quensel, Göran
Gentele og Lars af Malmborg. Þá
hefur hún sótt tíma hjá Wilhelm
Freud, Erik Werba, Gerald Moore
og Daniel Ferro. Hún hefur frum-
fiutt verk eftir m.a. Gunnar De
Frumerie, Leif Segerstam og Olav
Thommesen. Auk þess að syngja
opinberlega kennir hún einsöng við
Tónlistarháskólann í Stokkhólmi.
Berit Hall heldur námskeið í Tón-
listarskólanum meðan dvöl hennar
stendur hér á landi.
Lars G. Fredriksson píanóleikari
er fæddur 1964. Hann hefur stundað
nám í kirkjutónlist við Tónlistar-
háskólann í Stokkhólmi og lýkur
námi með burtfarartónleikum vorið
1990 er hann leikur orgelkonsert
eftir Duprés með Fílharmoníuhljóm-
sveitinni í Stokkhólmi. Hann er orgel-
leikari við Markúsarkirkjuna i Stokk-
hólmi, en heldur auk þess einleiks-
tónleika víða í Svíþjóð og leikur und-
ir.
Baráttufundur BHMR
BHMR-félögin sem eru í verk-
falli halda baráttufund í dag,
þriðjudaginn 25. apríl, kl. 13.00—
14.00 í Bíóborginni, Austurbæj-
arbíói.
Ávörp á fundinum flytja Wincie
Jóhannsdóttir, varaformaður BHMR
og formaður HÍK, Laura Scheving
Thorsteinsson, formaður Félags há-
skólamenntaðra hjúkrunarfræðinga,
Magnús Guðjónsson, formaður Dýra-
læknafélags íslands, Margrét Hein-
reksdóttir, formaður stéttarfélags
lögfræðinga í ríkisþjónustu. Fundar-
stjóri verður Gunnlaugur Ástgeirsson
kennari.
Skoplegu hliðinni verður einnig
sinnt og meðal annars verður flutt
framhald þáttarins Kjararaunir og
nýir söngtextar úr baráttunni.
Bandalag háskólamenntaðra ríkis-
starfsmanna mun beita öllum kröft-
um sínum til þess að fá ríkið til að
meta menntun að verðleikum.
(Fréttatilkynning)
Næg atvinna í fisk-
vinnslunni á Suðureyri'
Morgunblaðið/Róbert Schmidt
Kögurás hf., fyrirtæki smábátaeigenda á staðnum.
Suðureyri
MEÐ hækkandi sól, batnandi tíð
og komu vorfúglanna hefúr at-
vinnulífið hér á staðnum tekið
góðan kipp og mega heima-
menn nú vel við una því næg
er atvinnan.
Vetrarvertíð línubátanna hefur
ekki verið sem skyldi en mars og
apríl hafa gefið ágætis afla úr sjó.
Steinbítsvertíðin er nú í fullum
gangi og senn fer allur hand-
færaflotinn af stað í þorskinn. Hér
em tvö fiskvinnslufyrirtæki starf-
andi, það er Fiskiðjan Freyja og
Kögurás hf., fyrirtæki smábáta-
eigenda. Freyja er stærsti atvinnu-
rekandinn í byggðarlaginu og
starfa þar um eitthundrað manns.
Erlendir verkamenn eru sextán
talsins frá alls sex löndum, eða frá
Svíþjóð, Grænlandi, írlandi, Bret-
landi, Skotlandi og Suður-Afríku.
Eins og staðan er í dag vantar
fólk í vinnu og er von á einu pari
fljótlega til viðbótar þeim sextán
sem fyrir eru. Togarinn Elín Þor-
bjamardóttir ÍS 700 hefur landað
hjá fyrirtækinu frá áramótum alls
um 1.097.405 kg og af því var
sett í ijóra gáma. Elín er á sóknar-
marki og frá maí til ágúst hefur
hún aðeins sjötíu sóknardaga. Af
þessum fjórum mánuðum eru
fimmtíu dagar í stopp, og má því
segja að togarinn gæti verið á sjó
annan hvern dag, sem kæmi nátt-
úrulega aldrei til greina. Freyja
hefur einnig gert mb. Sigurvon IS
500 út, en hún hefur verið frá
veiðum frá því í apríl á síðasta
ári. Ný vél var sett í skipið og það
tekið rækilega í gegn. Þessa dag-
ana er verið að prufukeyra og má
búast við henni innan tíðar. Hugs-
anlega fer hún á dragnótaveiðar
í sumar og hjálpar það vonandi til
við hráefnisöflun á meðan togar-
inn verður í landi þessa fyrr-
greindu stoppdaga. Um 300 tonn
af línufiski hafa borist á land til
vinnslu í Freyju frá áramótum sem
þrír litlir bátar hafa fiskað.
Hitt fyrirtækið, Kögurás hf., er
á fullu í steinbítsvinnslu og sagði
Sveinbjöm Jónsson framkvæmda-
stjóri fyrirtækisins að helst vildu
þeir vinna við steinbítinn út maí-
mánuð. Alls leggi fjórir línubátar
upp hjá fyrirtækinu og nú em
handfærabátamir famir að róa,
að vísu fáir bátar enn sem komið
er. „Aflinn af þeim er seldur til
ísafjarðar því við einbeitum okkur
aðeins að steinbítnum þessar vik-
umar. Handfærabátamir verða
nokkuð margir í sumar ef aflast
vel, annars ræðst það með tíman-
um,“sagði Sveinbjöm.
„Fimmtán manns starfa hjá
okkur, þar af em þrír Englending-
ar. Hér er allur steinbítur hand-
flakaður og frystur og fer síðan
beint á Frakkland. Nýting við
handflökun er 2—3% betri heldur
en við vélflökun og með átta góða
flakara er hægt að vinna rúmlega
tíu tonn á dag sem er góður
vinnsluhraði og afköst. Fyrirhugað
er að fjárfesta í flökunarvél fyrir
suniarið sem mun auðvelda alla
vinnslu þegar trillumar fara að
fiska. Þannig að það er næg at-
vinna framundan hjá okkur og
með betri tíð og áframhaldandi
góðan afla á þetta allt að bless-
ast,“ sagði Sveinbjöm Jónsson að
lokum og vatt sér í slorgallann og
snaraðist inn í vinnslusal að flök-
unarborðunum og hóf að flaka
eins og fagmanm sæmir.
- R. Schmidt
NVSV:
Eyjar á
Kollafirði
skoðaðar
EF GOTT verður veður stendur
Náttúruverndarfélag Suðvest-
urlands fyrir náttúruskoðunar-
og söguferðum út í eyjar á
Kollafirði næstu kvöld með
leyfi landeigenda og umsjónar-
manna eyjanna.
Þátttakendur verða fluttir út
að eyjunum með farþegabátnum
Hafrúnu og Björgunarsveitin Ing-
ólfur mun sjá um að flytja fólk í
land og til baka í Hafrúnu.
Fyrsta ferðin verður út í Engey
í kvöld, þriðjudag 25. apríl. Farið
verður frá Grófarbryggju neðan
við Hafnarhúsið. Eftir landtöku í
gömlu vömnum sunnan á eyjunni
verður gengið um hana alla í fylgd
Baldurs Hafstað kennara, en
Baldur hefur kynnt sér sögu eyj-
unnar og staðsett ömefni hennar.
Margar forvitnilegar minjar er að
sjá á eyjunni, þær nýjustu em frá
stríðsámnum. Við náttúmskoðun
verður hugað að fjörulífi, fuglum
og gróðri á landi. Komið verður
til baka að Grófarbryggju um kl.
22.00.
Á miðvikudag er áætlað að fara
út í Akurey, á fimmtudag út í
Lundey og á föstudag út í Þern-
ey. Brottför verður í allar ferðim-
ar kl. 19.00 og farið frá Grófar-
bryggju neðan við Hafnarhúsið.
(Fréttatilkynning)
Gítartónleikar
í Gerðubergi
KRISTINN H. Árnason gitar-
leikari heldur tónleika í menn-
ingarmiðstöðinni Gerðubergi
miðvikudaginn 26. apríl nk.
Tónleikarnir hefjast kl. 20.30.
Kristinn tók burtfararpróf frá
Tónskóla Sigursveins D. Kristins-
sonar árið 1983. Kennarar hans
þar vom Gunnar H. Jónsson og
Jóseph Fung. Árið 1987 lauk
Kristinn BM-gráðu frá Manhattan
School of Music í New York. Auk
þess hefur hann verið við nám
m.a. hjá José Tomas í Alicante á
Spáni. Hann hefur tekið þátt í
námskeiðum hjá Andrési Segovia
og Manuel Barrueco.
Á efnisskránni em verk eftir
John Dowland, J.S. Bach, Benj-
amin Britten, Manuel Ponce og
Isaac Albeniz.
Verk nemenda
frumflutt á
tónleikum
HINIR árlegu tónleikar tón-
fræðideildar Tónlistarskólans í
Reykjavík verða haldnir í dag,
þriðjudaginn 25. apríl á Kjar-
valsstöðum kl. 20.30.
Á tónleikunum verða framflutt
tónverk nemenda, þar á meðal
fyrir blásara, strengi, kór og slag-
verk.
Á vegum tónfræðideildar verð-
ur fyrirlestur á morgun, miðviku-
daginn 26. apríl kl. 17.00—19.00,
á Laugavegi 178. Neil B. Rolnick
Qallar um eigin verk og kynnir
bandaríska tölvutónlist.
* Aðgangur að tónleikunum og
fyrirlestrinum er ókeypis og allir
em velkomnir.
(Fréttatilkynning)
Fyrirlestur
um tölvur og
uppeldismál
Dr. Stefán Baldursson flytur
fyrirlestur á vegum Rannsókn-
arstofnunar uppeldis- og
menntamála i dag, þriðjudag-
inn 25. april.
Fyrirlesturinn nefnist Tækni,
tölvur og uppeldisfræði ritunar.
Hann verður haldinn í Kennara-
skólahúsinu við Laufásveg og
hefst kl. 16.30.
Öllum er heimill aðgangur.
(Fréttatilkynning)
Aðalleikararnir í kvikmyndinni
„Síðasta dansinum“ sem sýnd
er í Stjörnubíói.
Síðasti dansinn
í Stjörnubíói
Sljörnubíó hefúr hafið sýn-
ingar á kvikmyndinni „Síðasti
dansinn“ (Sweet Hearts Dance)
með Don Johnson, Susan Sar-
andon, Jeff Daniels, Elizabeth
Perkins og Dustin Henry í aðal-
hlutverkum.
Námskeið í
orkulækningum
NÁM-
SKEIÐ í
reiki, fornri
japanskri
lækninga-
aðferð,
verður
haldið hér á
landi helg-
ina 29. og
30. apríl nk.
Reiki er japanska og þýðir
alheimslífsorka. Mary McFayd-
en, leiðbeinandi á námskeiðinu,
kennir hvemig leiða má þessa
orku í gegnum hendumar til
þeirra líkamshluta sem era veik-
ir og hjálpa þannig líkamanum
að lækna sig sjálfur.
Sigrún O. Olsen og Þórir
Barðdal standa fýrir komu Mary
McFayden til íslands. í fréttatil-
kynningu frá þeim segir að allir
séu fæddir með hæfileika til að
iðka reiki. Það sem gera þurfi
sé að opna og örva rásir þær sem
em í líkamanum og muni Mary
gera það á hveijum og einum á
námskeiðinu.
Mary McFayden
Myndin segir frá Wiley Boon
(Don Johnson) sem skyndilega
sættir sig ekki við að vera eigin-
maður og faðir og tekur því til
sinna ráða. Tónlistin í kvikmynd-
inni er m.a. flutt af David Lee
Roth, Arethu Franklin, Johnny
Nash, Bobby Picket, Frankie
Lymon og Stevie Nicks.
(Fréttatilkynning)
Þá segir einnig að reiki hafi
verið iðkað um víða veröld með
góðum árangri og nú sé það orð-
ið viðurkennt sem óhefðbundin
lækningaaðferð í Þýskalandi og
víða í Bandaríkjunum.
Skráning á námskeiðið er hjá
Sigrúnu og Þóri og gefa þau
einnig allar nánari upplýsingar.