Morgunblaðið - 25.04.1989, Blaðsíða 17

MORGUNBLAÐIÐ ÞRIÐJUDAGUR 25. APRÍL 1989
17
hvers skips og hver samanlögð
sóknargeta fiskiskipastólsins er.
Þannig þjónar þetta þeim tilgangi
að handhægar upplýsingar geti
jafnan verið fyrir hendi þegar tii
þarf að taka við stjórn fiskveiða.
— Þarf ekki fleira að koma til
við stjórn fískveiða en þú hefir
hér vikið að?
Að sjálfsögðu. Stjórn fiskveiða
er margslungið mál. Þannig getur
verið að ekki verði hjá því komist
að beita almennum tímabundnum
veiðibönnum. Það á að vera í stöð-
ugt minnkandi mæli eftir því sem
fiskiskipastóllinn leitar jafnvægis
við veiðiþol fiskstofnanna. Það er
mælikvarði á góða fiskveiðistjórn
að skipin þurfi ekki að vera bundin
við landfestar langtímum saman og
fjárfesting í þessum framleiðslu-
tækjum megi verða sem arðbærust.
Hins vegar verður að gæta hags-
muna fiskvinnslunnar eftir því sem
þörf krefur með því að beita sóknar-
banni eftir veiðitímabilum til að
stuðla að sem jafnastri hráefnisöfl-
un og vinnslu fyrirtækjanna. Slíkt
stjórnunarkerfi hefur stoð í gildandi
lögum, en er óháð kvótakerfinu sem
svarar ekki þessum þörfum. Þá er
aldrei of mikil áhersla lögð á þann
þátt fiskveiðistjórnar sem varðar
beinar ráðstafanir til verndar og
friðunar hrygningar- og uppeldis-
stöðva með svæðisbundnum og
tímabundnum veiðibönnum.
— Áttu von á að útgerðarmenn
séu fylgjandi þessu frumvarpi?
Það er stutt síðan frumvarpið
kom fram. Þeir útgerðarmenn sem
ég hefi rætt við um málið eru því
jákvæðir. Ég vil mega vona að út-
gerðarmenn, og raunar ekki síður
sjómenn, taki frumvarpinu vel. Hér
er á ferðinni mikið hagsmunamál
fyrir sjávarútveginn. Með kvóta-
kerfinu er snúist gegn of mikilli
sóknargetu fiskiskipastólsins með
því að takmarka veiði hvers skips.
Með frumvarpinu er í staðinn frek-
ar farin sú leið að takmarka stærð
fiskiskipastólsins og stefna að því
að fjárfesting þjóðarinnar í fiski-
skipum nýtist sem best með því að
takmarka ekki notin af skipunum.
Þetta bætir rekstrargrundvöll út-
gerðarinnar og hag sjómanna.
Þetta á að geta stuðlað að Iægra
hráefnisverði hjá fiskvinnslunni og
bættum hag vinnslufyrirtækjanna.
Þetta bætir stöðu sjávarútvegsins
í heild, undirstöðuatvinnuvegs þjóð-
arinnar. Þetta mál varðar hagsmuni
þjóðarinnar í heild. Það er mál allra
landsmanna.
— Hver verður málsmeðferðin
á Alþingi?
Það er ekki gert ráð fyrir af-
greiðslu frumvarpsins á þessu þingi.
Það er nú lagt fram til sýnis, til
að mæla fyrir því og koma til nefnd-
ar. Það er innlegg í umræðuna um
fiskveiðistefnuna. Það er annar val-
kostur en kvótakerfíð. í stað stjóm-
ar með veiðileyfum kemur stjórn á
stærð fiskiskipastólsins. Málið verð-
ur til athugunar og bíður næsta
þings.
Ný stjórn í
íslensk-ít-
alska félagínu
AÐALFUNDUR íslensk-ítalska
félagsins, Ítalíu, var haldinn 26.
febrúar sl. Þar var félaginu kjör-
in ný stjórn. I henni eru Jóhanna
G. Möller formaður, Birna
Bjarnadóttir varaformaður,
Björgvin Pálsson, Friðrik Brekk-
an, Karl Steingrímsson, Magnús
Skúlason og Sigurður Demetz
meðstjórnendur.
Félagið Ítalía áformar að setja
upp sýningu um ítalska sæfarann
Christopher Columbus í Sjóminja-
safni íslands í Hafnarfirði í byijun
maímánaðar.
Hin nýja stjóm hefur ákveðið að
halda matar- og skemmtikvöld
mánaðarlega, fyrsta föstudag hvers
mánaðar á Hallveigarstöðum við
Túngötu. Fyrsta skemmtikvöldið
verður haldið föstudaginn 5. maí
nk. kl. 20.00.
Bókasaftisfræðingar á rann-
sóknastofiiunum — hvað gera þeir?
eftir Guðrúnu Páls-
dóttur og Pálínu
Héðinsdóttur
Mikillar fáfræði virðist gæta í
þjóðfélaginu um störf bókasafns-
fræðinga. Flestir sjá fyrir sér
roskna konu sem vill helst ekki að
aðrir komi nálægt bókunum hennar
en lánar þó heimavinnandi hús-
mæðmm reyfara eftir Ib Henrik
Cavling og Barböru Cartland.
Þessi ímynd ætti að heyra fortíð-
inni til enda á hún ekkert skylt með
þeim störfum sem bókasafnsfræð-
ingar vinna. Þeirra starf er fyrst
og fremst í því fólgið að miðla þekk-
ingu og fróðleik sem oftast er
geymdur í rituðum heimildum en
hefur á undanförnum árum í sí-
auknum mæii birst í formi annarra
miðla, t.d. myndbanda og leysi-
diska, sem söfnin hafa þá bætt við
safnkost sinn.
Bókasafnsfræðingar vinna m.a.
á öllum helstu rannsóknastofnunum
landsins með öðrum sérfræðingum
á sviði tækni, læknavísinda, hag-
fræði, verkfræði og náttúrufræði,
svo eitthvað sé nefnt. í fiestum til-
fellum er um einn starfandi bóka-
safnsfræðing að ræða þar sem
rannsóknastofnanir hérlendis eru
fáar og fátækar. Verksvið bóka-
safnsfræðinga á þessum stofnunum
er því mjög fjölbreytt og samvinna
hans og annarra sérfræðinga mikil.
Helstu verkþættir á bókasöfnum
þessara stofnana eru eftirfarandi:
Innkaup á bókum
og tímaritum
Mikil áhersla er lögð á að hafa
fjölbreytt fagtímarit á rannsókna-
stofnunum þar sem þau éru nauð-
synleg hveijum þeim vísindamanni
sem vill fýlgjast með því nýjasta
sem er að gerast á hans fræðasviði
í heiminum. Bókasafnsfræðingar
annast þessi innkaup í samráði við
aðra starfsmenn og sjá um skrán-
ingu og frágang ritanna. Jafnframt
sjá þeir um að kaupa bækur og þá
í langflestum tilvikum frá erlendum
útgefendum og dreifingaraðilum.
Heimildaleitir
Þær geta verið tvenns konar;
annars vegar er leitað í bókfræðirit-
um sem til eru í söfnun hérlendis
og hins vegar er leitað með aðstoð
tölvu í geysistórum og fjölþættum
SNYRTIVÖRU-I
l$YNNING
A MORGUN
miövikud. 26. apríl
kl. 10-12
\ij
&
JdtAyj
PARIS
SNYRTIVÖRUR
SEM FAGFOLKIÐ VELUR
+ ■■
OLOF
snyrtistofa
SELFOSSI
„Bókasafiisfræðingar
vinna m.a. á öllum
helstu rannsóknastofn-
unum landsins með öðr-
um sérfræðingum á
sviði tækni, læknavís-
inda, hagfræði, verk-
fræði og náttúrufræði,
svo eitthvað sé neftit.“
erlendum gagnagrunnum þar sem
sérstakri leitartækni er beitt. Skil-
virkar heimildaleitir eru oft for-
senda þess að vísindamaður geti
unnið að rannsóknum.
Millisafhalán
Þótt mikil áhersla sé lögð á að
hafa helstu fagtímarit og bækur
hverrar vísindagreinar til á bóka-
söfnunum verður þó alltaf að leita
út fyrir stofnanirnar til að afla
heimilda. Bókasöfn um allan heim
hafa með sér samvinnu og senda
hvert öðru ljósrit af vísindagreinum.
Hér sem annars staðar skipta söfn-
in oft milli sín kaupum á dýrum
tímaritum vegna þess hversu sam-
vinna safnanna um millisafnalán
er góð og fljótvirk. Rannsóknaraðil-
ar á sviði bókasafns- og upplýsinga-
fræði telja að hver vísindamaður
þurfi að meðaltali að fá 25 greinar
í millisafnaláni á ári hveiju. Isiensk
bókasöfn leita mjög mikið til er-
lendra safna um millisafnalán auk
Guðrún Pálsdóttir
þess sem samvinna innlendra safna
fer stöðugt vaxandi.
Arvekniþjónusta
Það er heiti á þeim þætti starf-
seminnar sem felst í því að fylgjast
með ákveðnu efni sem berst á safn-
ið og koma því á framfæri við við-
komandi sérfræðing eða notanda
utan safns, en söfnin eru öllum
opin þótt þjónusta þeirra sé fyrst
og fremst miðuð við starfsemi rann-
sóknastofnunarinnar.
Auk þess sem nefnt er hér að
framan sjá bókasafnsfræðingar
mjög oft um ritaskipti, ritstjórn,
prófarkalestur, uppsetningu heim-
ildaskráa og fleira tengt útgáfumál-
Pálína Héðinsdóttir
um. Víða sjá þeir einnig um vistun
og frágang skjala.
Á undanförnum árum hefur eftir-
spurn eftir bókasafnsfræðingum í
þjóðfélaginu aukist mjög mikið og
hafa hvergi nærri nógu margir út-
skrifast úr Háskóla íslands. Má
rekja það til þeirra launakjara sem
bókasafnsfræðingum bjóðast en
þau eru alls ekki í samræmi við þá
ábyrgð sem bókasafnsfræðingar
bera og þær kröfur sem til þeirra
eru gerðar í starfi.
Höfundar eru bókasafnsfræðing-
ar hjá Rannsóknastofnun land-
búnaðarins og Náttúrufræðistofn■
un íslands.
Nýju Wonder rafhlöðurnar,
Green Power, eru algerlega
kvikasilfurslausar. Þær eru því hlaðnar
„hreinni" orku og valda engri
umhverfismengun. Þess vegna má að
skaðlausu henda þeim að notkun lokinni.
Lífrænt efni hefur nú komið í stað
kvikasilfurs.
Green Power rafhlöðurnar eru lekafríar og
endast lengur en venjulegar rafhlöður.
Stuðlum að hreinu umhverfi - notum
Green Power rafhlöður.

Heildsala og smásala:
3
Olíufélagið hf
SUÐURLANDSBRAUT 18
Sfn/ll 681100