Tíminn - 28.10.1965, Blaðsíða 2

2
Minningarsjóður
Ásmundar
Jónssonar
Blaðiuu hefur borizt skipulags-
skrá tjnpr- minningarsjóð þann,
sem síofnaður hefur verið um
Ásmund Jónsson skáld frá Skúfs-
stöðum, og fer hún hér á eftir .
1.
Sjóðurinn heitir „Minningar-
sjóður Ásmundar Jónssonar
skálds frá Skúfsstöðum" og er
stofnaður af ekkju hans frú Irmu
Weile Jónsson í tilefni af 65 ára
afmælisdegi hans, hinn 8. júlí
1964.
Stofnfé sjóðsins eru tekjur af
viðhafnarútgáfu kvæðisins „Hólar
í Hjaltadal“ og nemur kr. 48.400.
00 — fjörutíu og átta þúsund og
fjögur hundruð krónur.
2.
Tilgangur sjóðsins er að styrkja
framúrskarandi nemendur, sem
útskrifast úr Bændaskólanum á
Hólum, til að leita sér frekari
þekkingar og mennta, einkum
með dvöl erlendis.
3.
Stjóm sjóðsins skipa ekkja
skáldsins, sýslumaðurinn í Skaga-
fjarðarsýslu, skólastjóri Bænda-
skólans á Hólum og eru þessi
þrjú sjálfkjörin, og auk þeirra
tveir menn tilnefndir af landbún-
aðarráðuneytinu, Árni G. Eylands
og dr. Kristján Eldjám, sem einn
ig tilnefnir stjórnarmann eftir
dag ekkjunnar og skal hann vera
jettingi Ásmundar Jónssonar í
föðurætt, búsettur í Skagafirði.
Stjórnin ávaxtar fé sjóðsins og
veitir úr honum styrki eftir því
sem efni standa til hverju sinni.
Stofnfé sjóðsins má þó aldrei
skerða meir en svo, að sjóðurinn
nemi kr. 5.000.00 hið minnsta.
4.
Leita skal staðfestingar forseta
íslands á skipulagsskrá þessari.
(Skipulagsskráin var samþykkt
sama dag).
Spjöll unnin á
stöðumælu m
HS—Akureyri, miðvikudag
Aðfaranótt s.l. mánud. voru unn
in allmikil spellvirki hér í bæ,
fjöldi stöðumæla vom skemmdir,
brotizt inn í bíl og reynt að stela
honum og einnig var brotizt inn
í gamla báta, sem lágu í höfnínni.
Hér virðist hafa verið um
skemmdarsjúkan mann að ræða,
og bersýnilegt, að hann hefur haft
einhver áhöld í hendi. Hann hefur
ráðizt á 14 stöðumæla, sem standa
nálægt hver öðram, og brotið í
þeim glerin og skemmt Þá að
fleiru leyti, en engu stolið úr
þeím. Þá var sömu nóttina brotin
rúða í bíl, sem stóð á bak við
Flóru, og farið inn í hann. Engu
var stolið úr honum, en bersýni
lega reynt að tengja saman í bíln
um, en án árangurs. Þá var einn
ig brotizt inn í lúkara á tveim
gömlum síldveiðibátum, -sem
liggja hér í höfninni, og í þessum
skipum voru brotin tveggja
tommu þykk gler í kýraugum. Er
sennilegt að sami maðurinn, eða
sömu mennirnir, hafi verið á
ferðinni í öll skiptín.
Skora á alþingi
Á fundi sem haldinn var í fél-
aginu Menningar og friðarsamtök
íslenzkra kvenna, miðviknHqeinn
29. sept. 1965, var sampykkt að
skora á hið háa Alþingi, að
banna allar framkvæmdir her
námsliðsins í Hvalfirði. Beinir
fundurinn því til allra félagsam-
taka á landinu, að taka undir
þessa áskorun og senda Alþingi.
TÍgViBMM
FIMMTUDAGUR 28. október 1965
Sunnudagskaffi Rauða
krossins á Hótel Sögu
Savannatríóið skemmtir í Sunnudagskaffinu.
FB-Reykjavík, miðvikudag.
Á sunnudaginn kemur, held-
ur Rauði krossinn svokallað
Sunnudagskaffi að Hótel Sögu.
Þar verður á boðstólnum kaffi,
gosdrykkir og heimabakaðar
kökur, og einnig koma fram
ýmsir kunnir listamenn eins
og t. d. Þorsteinn Ö. Stephen-
sen, Savanna tríóið og fleiri.
Skemmtunin hefst kl. 15.
Fyrir þessu sunnudagskaffi
Rauða krossins standa nokkr-
ar áhugasamar konur úr
Reykjavíkurdeild R. K. í. og
hafa þær bakað hinar ljúffeng-
ustu kökur, sem þarna verða
á boðstólum. Allur ágóði renn-
ur til hjálparstarfs Rauða
krossins.
Sunnudagskaffið er hugsað
sem skemmtun fyrir alla fjöl-
skylduna, en þarna skemmta
ýmsir listamenn kaffigestum
með atriðum fyrir fólk á öll-
um aldri. Stúlkur úr Tízku-
skóla Andreu munu sýna
gamla búninga og grímubún-
inga, sem frú Þóra Borg hefur
lánað í þessum tilgangi. Þær
Þóra og Andrea hafa undir-
búið sýninguna, en undirleik-
ari verður Gunnar Axelsson,
píanóleikari. Savannatríóið
kemur fram með nýtt pró-
gramm, m. a. lög af nýútkom
inni plötu sinni. Ungir nem-
endur úr dansskóla Hermanns
Ragnars sýna dans og að lok-
um má nefna að Þorsteinn Ö.
Stephensen leikar mun
skemmta með upplestri.
Gjöf til Vopnafjarðarkirkju.
Vopnafjarðarkirkju hefur bor-
izt rausnarleg gjöf, tveir fagrir
messuhöklar, grænn og hvítur.
Eru þeir gefnir til minningar um
Hansínu Hansen og Sigfús Jóns-
son, ennfremur um Matthildi
Sveinsdóttur og Sigurð Sigurðs-
son, sem öll voru til heimilis í
Vopnafirði.
Gefendur .þessarar minningar-
gjafar era Hildur Sigfúsdóttir,
Norðurgötu 28, Akureyri, Sigfús
Hansen. s.st., Sigurður Sigfússon,
Garði, Vopnafirði og Stefanía Sig
urðardóttir, s.st.
Innilegar þakkir færum við gef-
endum fyrir þessa ágætu gjöf og
hlýjan hug til kirkjunnar.
Sóknarnefnd Vopnafjarðarsóknar.
Fundur hljómlistarmanna
í byrjun þessarar viku var
haldinn hér í Reykjavík fundur
í Sambandi Norrænna Hljómlist-
armanna en aðild að því eiga fé-
lög hljómlistarmanna á Norður-
löndum.
Fundinn sátu forseti sambands-
ins, Freddy Anderson frá Svíþjóð
ásamt framkvæmdastjóra þess
Sven Blommé. Frá Noregi kom
Sigurd Lönseth, frá Danmörku
Willy Pries og frá Finnlandi
Eero Linnala. Hafliði Jónsson,
gjaldkeri Fél. ísl. hljómlistar-
manna sat og fundinn semiStjórn
armeðlimur í sambandinu. Einn-
ig var stjórn Fél. ísl. hljómlist-
armanna viðstödd fundarhöldin.
Tekin voru til umræðu og af-
greidd samningsleg hagsmunamái
hljómlistarmanna á Norðurlönd-
um. Ofarlega á baugi var réttur
hljómlistarmanna varðandi opin-
beran flutning á hljómplötum.
Næsti stjórnarfundur verður
haldinn í Stokkhólmi að vori, en
á miðju sumri verður haldið upp
á fimmtíu ára afmæli Sambands
norrænna hljómlistarmanna.
Fara þau hátíðahöld fram í Kaup-
mannahöfn.
Bækur frá Menningarsjóði
GE-Reykjavík, miðvikudag.
Bókaútgáfa Menningarsjóðs
hefur nú sent frá sér nokkrar
bækur. Ber fyrst að telja ljóða-
bók eftir Jón úr Vör og nefnist
hún Maurildaskógur. Þá er smá-
sagnasafn eftir Einar Kristjáns-
son, rithöfund, sem ber nafnið
Blóm afþökkuð. Kominn er og út
sjötti árgangur af tímaritinu ís-
lenzk tunga, og bók, er nefnist
Spekiritin. Er það ný þýðing eftir
Ásgeir Magnússon á ýmsum rit-
um biblíunnar.
Pappas syngur nú með
Sinfóníuhljómsveitinni
FB-Reykjavík
H§§ miðvikudag.
Gríska mezzo-
K sópransöngkonan
tí Vnnnnnln Papp-
syngur ein-
tónleik
um Sinfóníu-
hljómsveitarinn-
'f \ innar í Háskóla-
bíói á morgun,
fimmtudag, en
Pappas þetta er í annað
skipti sem söng-
konan kemur hingað til lands, hér
söng hún í Ríkisútvarpið á síðasta
ári.
Á tónleikunum á morgun syng
ur Pappas Kindartontenlieder eft
ir Mahler og E1 amor buajo eftir j
De Faila. Önnur verk á efnisskrá
eru Tilbrigði við stef eftir Frank
Bridge eftir Brítten og Invocation
og dans eftir Creston. Stjórnandi
er Bohdan Wodiczko.
Yannula Pappas er fædd í Grikk
landi og stundaði söngnám og tón
listarnám í Búkarest í Rúmeníu,
og á árunum 1950 til 1959 söng
hún við óperuna í Búkarest og var
fyrsta hlutverk hennar þar Lola
í Cavelleria Rustikana Til Banda
ríkjanna fluttist ungfrú Pappas
árið 1961 og hélt tónleika víðs veg
ar í Bandaríkjunum á vegum Col
umbía Atrists Management. í
New York söng hún í fvrsta sinn
árið 1964 og hlaut afburða góða
dóma fyrir söng sinn
Pappas hefur sungið í ýmsum
borgum Evrópu. og nú er hún ein
mitt á leiðinm til Portúgal þar
sem hún mun syngja i útvarpi og
sjónvarpi. í Madrid. á Spáni mun
hún einnig koma fram á næstunni,
og sömu leiðis i Baden Baden í
Þvzkaiandi og á nokkrum stöðum
í ísrael.
Maurildaskógur, ljóðabók Jóns
úr Vör, skiptist í fimm kafla. Eru
þrír kaflarnir framsamdir, en hin-
ir tveir hafa að geyma þýðingar
á ljóðum eftir Harry Martinson
og Olof Lagercrantz. Bókin er
hundrað blaðsíður, og káputeikn-
ingu hefur Hörður Ágústsson list-
málari gert.
Blóm afþökkuð er 19. smábók
bókaútgáfu Menningarsjóðs. í
henni eru átta smásögur, samdar
á árunum 1961-64. Bókin er
prýdd myndum eftir Kjartan
Guðjónsson, en Hörður Ágústsson
hefur gert kápuuppsetningu.
Tímaritið íslenzk tunga eða
Lingua Islandica er gefið út af
Menningarsjóði í samvinnu við
Félag íslenzkra fræða. Ritstjóri
þess er Hreinn Benediktsson pró-
fessor. í ritið skrifa margir is-
lenzkir og erlendir málfræðingar,
og í ritinu er ítarleg skrá um
bækur og tímarit um íslenzka og
fornnorræna málfræði.
Fjórða bókin, Spekiritin, er
aðeins gefin út í þrjú hundruð
binda upplagi. Þetta er mjög fal-
leg bók, prentuð eftir eiginhand-
arriti Þýðandans. í henni eru
þýðingar úr Jobsþók, Davíðssálm-
um, Orðkviðum og Predikunum og
einnig athugasemdir og texta-
skýringar Bók þessi verður ekki
send til umþoðssala, en verður
aðeins fáanleg hjá Bókaútgáfu
Menningarsjóðs.
Einnig er komið út tveggja
binda ritsafn um Gest Pálsson
eftir Svein Skorra Höskuldsson,
en á það hefur áður verið minnzt
hér í balðinu
Fyrr á árinu hafa komið út hjá
Framh. á bls. 14
Jón Abraham Ólafs
son kosinn for-
maður Varðbergs
Aðalfundur Varðbergs, félags
ungra áhugamanna um vestræna
samvinnu, Reykjavík, var haldinn
fimmtudaginn 14. okt. Á fundin-
um var flutt skýrsla fráfarandi
stjórnar um starfsemi félagsins á
sl. starfsári og Stefán Jóh. Ste-
fánsson, fyrrverandi forsætisráð-
herra og .sendiherra sagði frá
ýmsum endurminningum sínum á
sviði utanríkismála.
Fundarstjóri aðalfundarins var
Heimir Hannesson lögfræðingur
og fundarritari Gunnar Gunnars-
son stud. oecon.
Formaður fráfarandi stjórnar,
Hörður Einarsson, stud jur.,
gerði síðan grein fyrir starfsemi
félagsins á liðnu starfsári, ráð-
stefnum, fundarhöldum og erinda
flutningi, kvikmyndasýningum,
kynnisferðum o. fl. — Að skýrslu
lokinni voru umræður um starf-
semina.
í stjórn Varðbergs-félagsins í
Reykjavík fyrir næsta starfsár
voru kjörnir: Frá ungum jafnað-
armönnum: Óttarr Yngvason,
stud. jur., Karl Steinar Guðnason,
kennari og Eyjólfur Sigurðsson,
prentsmiðjustj óVi.
Frá ungum Framsóknarmönn-
um: Ásgeir Sigurðsson, rafvirki,
Gunnar Hólmsteinsson, viðskipta-
fræðingur og Jón Abraham Ólafs-
son, fulltrúi yfirsakadómara.
Frá ungum sjálfstæðismönnum:
Gunnar Gunnarsson, stud. oecon.,
Hilmar Björgvinsson, stud jur. og
Hörður Sigurgestsson, viðskipta-
fræðingur.
í varastjórn hlutu kosningu:
Frá ungum jafnaðarmönnum: Ge-
org Tryggvason, stud. polyt., og
Sigurður Emilsson, fulltrúi.
Frá ungum framsóknarmönn-
um: Dagur Þorleífsson, blaða-
maður, og Hörður Helgason, blikk
smiður.
Frá ungum sjálfstæðismönnum:
Ellert B. Schram, stud. jur., og
Jóhann J. Ragnarsson, héraðs-
dómslögmaður.
Á fyrsta fundi sínum skipti
stjórnin þannig með sér verkum,
að formaður er Jón Abraham Ól-
afsson, varaformenn þeir Óttar
Yngvason og Hörður Sigurgests-
son. ritari Karl Steinar Guðnason
og gjaldkeri Hilmar Björgvinsson.
Fékk 260 þúsund
*fr«na sekt
IH—Seyðisfirði, miðvikudag
Skipstjórinn á brezka togaran
um St. Andronicus var í morgun
dæmdur á Seyðisfirðí fyrir land
helgisbrot. Fékk hann hina venju
legu sekt, 260 þúsund krónur og
afli og veiðarfæri voru gerð upp-
tæk og honum gert að greiða máls
kostnað. Aflinn var metinn á 60
þúsund krónur og veiðarfærin á
130 þúsund.