Morgunblaðið - 25.11.1989, Page 29

MORGUNBLAÐIÐ LAUGARDAGUR 25. NOVEMBER 1989
29
Axel V. Magnús-
son - Kveðjuorð
Fyrrverandi starfsbróðir minn,
Axel V. Magnússon, er horfinn af
vettvangi lífsins og starfsins. Hann
lést þann 14. þ.m. og verður jarð-
sunginn í dag frá Langholtskirkju.
Með örfáum fátæklegum orðum
langar mig til þess að minnast
hans. Við áttum samleið og störfuð-
um saman í 25 ár, sem að vísu
var ekki samfellt tímabil.
Axel hóf ungur að stunda verk-
lega garðyrkju. Síðan fór hann í
Ga'rðyrkjuskóla ríkisins og lauk
þar garðyrkjufræðingsnámi árið
1943, en hann var nemandi í öðrum
árgangi hins nýstofnaða skóla.
Axel hélt verkstörfum í garðyrkju
áfram hér heima uns hann hvarf
til Danmerkur 1947 og bætti þar
við sig nokkurri verkþekkingu um
hríð. Innritaðist síðan í Búnaðarhá-
skólann í Kaupmannahöfn og lauk
þaðan kandidatsprófi vorið 1950,
en á þeim tíma var krafist margra
ára verknámsundirbúnings af þeim,
sem hugðust stunda nám við um-
ræddan skóla. Strax að loknu námi
kom Axel heim og fékk starf sem
kennari við Garðyrkjuskólann. Því
starfi gegndi hann til 1966 er hann
fór utan á ný í eitt ár og dvaldi þá
bæði í Danmörku og Þýskalandi,
þar sem hann starfaði við tilraunir
og jarðvegsrannsóknir, en á síðara
sviðinu hafði hann unnið að jarð-
vegsefnagreiningum fyrir garð-
yrkjubændur frá því 1954 og leið-
beint þeim í áburðarmálum.
Slóðir okkar Axels lágu fyrst
saman árið 1950, en haustið 1949
gerðist ég kennari við Garðyrkju-
skólann. Kennslufyrirkomulag í
skólanum var þá frábrugðið því
sem er í dag. Skólanámið stóð í
tvö ár, nemendur nutu verknáms-
kennslu á sumrin og bóknáms á
veturna. Axel sá að mestu leyti um
verknámskennsluna í gróðurhúsum,
en ég annaðist þáttinn utan dyra
og í gróðurreitum. I bóknáminu
féllu flest undirstöðunámskeiðin í
hlut Axels. Aftur á móti skiptust
önnur námskeið að mestu á milli
mín og skólastjóra.
Námsbókakostur var í þá daga
nær enginn, því fór' mikill tími í
það hjá nemendum að skrifa hjá
sér eftir okkur kennurunum. Man
ég iðulega eftir því, að sumir kvört-
uðu undan hraða Axels þegar hann
lét nemendur festa minnispunkta á
blað, en Axel var kappsfullur, hafði
vanist vinnusemi og þoldi ekkert
hangs.
Leiðir okkar Axels skildu um
skeið er ég hvarf að störfum sem
garðyrkjuráðunautur hjá Búnaðar-
félagi Islands sumarið 1957 en
samstarf okkar hófst aftur 10 árum
síðar,árið 1967, en þá hafði leið-
beiningarstarfið vaxið mér yfir
höfuð. Var ég feginn því að fá
Axel til liðs við mig og það
reyndist mikið lán fyrir Búnaðarfé-
lagið. Axel var ekki aðeins hörku-
duglegur og ósérhlífinn, hann var
einnig mjög skýr og minnugur svo
af bar. Að ósk stjórnar Búnaðarfé-
lagsins skiptum við með okkur
verkum. Axel sá um að annast leið-
beiningar í gróðurhúsaræktinni,
sem síðar færðist yfir í að nefnast
ylrækt, en ég annaðist alla aðra
garðræktarþætti. En þótt þetta
væri þannig útfært á pappírum, þá
FESTINGARJÁRN FYRIR BURÐARVIRKI
H.ÞDRERlMSSON&CO
ÁRMÚLA29, SlMI 38640
Úrrals
amerískt
sinnep
með frönskuivaH
Eitt það alira besta
Heildsölubirgðir:
KARL K. KARLSSON&CO.
Skúlatúni 4, Reykjavík, sími 62 32 32
fór oft svo að við liðsinntum garð-
yrkjubændum nokkuð sitt á hvað.
Ósjaldan hljóp Axel undir bagga
með mér ef meira lá við á mínum
vettvangi en ég gat annað. Einkum
í fundahöldum á vorin, við heimilis-
garðræktina úti á landsbyggðinni.
Garðyrkjan, og þá sér í lagi ylrækt
un í gróðurhúsum, var að færast í
örari vöxt en áður hafði þekkst um
það leyti er Axel fluttist til Búnað-
arfélags íslands. Eins var tækni-
væðing að byrja að hefja innreið
sína. Fyrir utan almennar ræktun-
arleiðbeiningar, fólust verkefni
Axels mikið í því að veita ylræktar-
bændum margvíslega tækniaðstoð.
Hann teiknaði gróðurhús fyrir
bændur, gerði áætlanir fyrir þá um
efni, efniskaup og tækjabúnað og
sá jafnvel um pantanir ef þess var
óskað. Að eðlisfari var Axel atorku-
samur og lagði rækt við að fylgjast
ætíð mjög vel með árangri rann-
sókna á víðum vettvangi og öllum
nýjungum sem litu dagsins ljós.
Hann skoðaði hlutina af raunsæi
og mat vandlega hugsanlegan
ávinning af þeim fyrir bændur, áður
en hann gaf ráð.
Á síðari árum átti Axel við mikla
vanheilsu að stríða sem að lokum
yfirbugaði hann. Kjarkinn brast þó
aldrei og athafnasemin í starfi sat
ætíð í fyrirrúmi á meðan hann gat
komið því við.
Ég kveð nú minn gamla starfs-
félaga og þakka honum samfylgd-
ina. Eftirlifandi eiginkonu, börnum
og öði'um skyldmennum, votta ég
mína dýpstu samúð. Blessuð veri
minning þessa góða drengs.
Oli Valur Hansson,
fyrrv. ráðunautur.
NAGLAR
TÓM TJARA!
|i| gatnamAlastjöri
MITSUBISHI
SÖLUHÆSTA BIFREIDATEGUNDIN AISLANDI
SÝNUM ALLAR GERDIR
MITSUBISHI
PÝSKU KOSTAGRIPIRNIR - GOLF, jmA, PASSAT, 0G AUDI
I íyrsta sinn á íslandi
V.W. Polo
Ódýr íjölskyldubíll
í háum gœóaflokki.
verö frá kr. 749.000.-
SEAT IBIZA
Bíll með suðrænt útlit.
Nú með sérbúnað
fyrir norðlægar slóðir.
verö frá kr. 577.000.-
SÉRSTÖK KYNNING
I HEKLUBÍLASALNUM
LAUGAVEGI 170-174
10-14 06 SUNNUDAG KL. 13-17
HF
Laugavegi 170-174 Simi 695500