Morgunblaðið - 02.03.1990, Qupperneq 5

MORGUNBLAÐIÐ FÖSTUDAGUR 2. MARZ 1990
Snjóflóðið í Neskaupstað:
Atvinnulíf komið
í samt horf á ný
ATVINNULÍFIÐ í Neskaupstað er nú komið í eðlilegan gang eftir raf-
magns- og vatnsleysi i kjölfar snjóflóðsins, sem féll á bæinn Þrastalund
síðastliðinn þriðjudag. Flóðið sleit raflínuna fyrir sveitina innan við
kaupstaðinn, en aðallínan til bæjarins hékk uppi rétt ofan við snjóinn.
Vegna raftnagnsleysis í sveitinni skorti vatn í bænum og féll því fisk-
vinnsla að mestu niður í þrjá daga, nema í loðnubræðslunni. Þar var
unnið óslitið allan tímann. Snjóflóðahættu hefiir verið aflýst og hefur
fólk fengið að fara aftur i hús sín,
um, næsta bæ innan Þrastalundar,
Asgeir Magnússon, bæjarstjóri í
Neskaupstað, segir að þarna hafi
verið um svokallað þurrflóð eða
flekaflóð að ræða. Snjórinn í fjallinu
sé í tveimur lögum. Hið neðra sé
gamalt hjarn en hið efra þykkt lag
af lausamjöll, sem oft á tíðum skríði
til ofan á neðra laginu. Töluvert var
um smærri flóð í fjallinu ofan við
innanverðan bæinn, en þau voru smá
og náðu ekki niður að byggð, Hann
sagði að mönnum hafi komið á óvart
að þarna skyldi falla flóð, enda hefði
svæðið til þessa verið talið nokkuð
öruggt og meira að segja rætt um
svæðið við Þrastalund sem framtíðar
byggingarsvæði bæjarins. Þessi stað-
reynd breytti reyndar litlu um það,
sem áður hefði verið gert hvað varð-
aði rannsóknir á mögulegum snjó-
flóðum og hugsanlegar vamir við
þeim. Krafturinn í snjóflóðum væri
svo mikill að þau gæti enginn mann-
legur máttur stöðvað, féllu þau af
stað á annað borð. Norðfirðingar
væru vanir að búa við ótryggt ástand
í þessum efnum og tækju því með ró.
„Það vom miklar vökur þessa
daga enda mikið að gera. Ekki
hvarflaði að mér nokkur hugsun um
snjóflóðin 1974, enda datt mér fyrst
í stað ekki í hug að snjóðflóð hefði
valdið straumrofinu. Eg fann því
ekki til neinna ónota, þegar við fórum
inn á flóðið daginn eftir til að athuga
skemmdirnar," sagði Stefán Pálma-
son, rafveitustjóri í Neskaupstað.
en um tíma voru hús frá Ormstöð-
og austur að Mána rýmd.
„Það var klukkan hálf íjögur á
sprengidag að rafmagn fór af öllum
bænum. Við vissum ekkert hvað um
var að vera og settum allt í gang í
rafstöðinni hjá okkur. Þá komu boð
frá gröfumanni, sem var að vinna
þama inn frá, að flóð hefði fallið á
Þrastalund. Það hefði brotið niður
staurastæðu í aðallínunni fyrir bæinn
og aðra stæðu í sveitarlínunni. Raf-
magnsleysi hér i bænum varði í
skamman tíma, mest þijá tíma, en
stöðin hér dugir tæpast fyrir allan
bæinn. Það fór mikill tími í að kanna
aðstæður, en að því loknu kom í ljós,
að aðallínan hafði dregizt niður eftir
hlíðinni með flóðinu. Staurbrotið
hékk í henni í um eins metra hæð
yfir snjónum. Það var því tekið til
þess bragðs að hleypa straumi á
hana að nýju. Sveitarlínan var hins
vegar í sundur og ekki mögulegt að
skeyta henni saman strax. Því gátu
bændur ekki mjólkað og vatnsdælur
fyrir bæinn fengu ekki straum. Það
var ekki fyrr en á miðvikudag, sem
okkur auðnaðist að tengja línuna
saman, en við urðum að sleppa
staurnum í bili og var hafíð því um
300 metrar. Á fimmtudagsmorgun
var kominn vinnuflokkur frá RARIK
á staðinn. Þeir settu upp nýja staura
og lauk viðgerðinni upp úr miðjum
degi. Á meðan á viðgerð stóð, fékk
loðnubræðslan eitt fískvinnslufyrir-
tækja rafmagn enda er mikilvægt
að þar verði ekki uppihald í vinnslu,"
sagði Stefán Pálmason.
Séð upp að Þrastalundi en flóðið þeytti vélageymslunni tugi metra.
Morgunblaðið/Þorkell

RARIK-menn vinna að lagfæringu raflínunnar.
í
4
f
1
{
SÖLUFÉLAG GARÐYRKJUMANNA FLYTUR
VERSLUNINA ÚR SKÓGARHLÍÐ 6 AÐ
SMIÐJUVEGI 5 KÓPAVOGI.
í NÝRRI 0G BJARTARI VERSLUN MUNUM VIÐ
KAPPKOSTA AÐ HAFA MIKIÐ VÖRUÚRVAL 0G VEITA
ALLA ÞJÓNUSTU TENGDA GARÐ- OG GRÓÐUR-
RÆKT. AÐKOMAN ER AUÐVELD 0G FJÖLDI
BÍLASTÆÐA. KYNNTU ÞÉR LEIÐINA TIL OKKAR OG
KOMDU í HEIMSÓKN.
REYNSLA - RÁÐGJÖF - ÞJÓNUSTA
T m R Bf-
Uu X
SÖLUFELAG GARÐYRKJUMANNA
SMIÐJUVEGI 5, 200 KÓPAVOGUR, SÍMI 43211