Morgunblaðið - 24.07.1992, Qupperneq 12

12 B
MORGUNBLAÐIÐ FÖSTUDAGUR 24. JÚLÍ 1992
Tugir pallbíla
lengdir árlega
ÞRJU bílaumboð á höfuðborgarsvæðinu hafa undanfarna mánuði
boðið viðskiptavinum sínum upp á að lengja skúffur 5 manna
pallbíla þannig að virðisaukaskattur af bílunum falli niður. Reglu-
gerðarákvæði gerir ráð fyrir niðurfellingu skattsins sé bíll skráð-
ur sendibíll, þ.e. farmrými sé lengra en fólksrými eða pallur 1,70
sm að lengd, og hann sé notaður til skattskylds atvinnurekstrar.
Kostnaður við lengingu bílanna er á bilinu 140.-160.000 þús. kr.
en misjafnt er hvort bætt er aftan á pallinn eða í hann miðjan.
Birgir Hákonarson, deildarstjóri í tæknideild Bifreiðaskoðunar,
telur lengingu ekki hafa áhrif á öryggi bílanna.
Bjarni Ólafsson, deildarstjóri í
söludeild Jötuns, sagði að fyrirtæk-
ið lengdi 20-30 Isuzu Crew Cab-
pallbíla á hveiju ári eða um fjórð-
ung af seldum bílum af þessari teg-
und. Pallarnir væru lengdir úr 1,50
sm í 1,70 sm og væri kostnaðurinn
við lenginguna 140.-150.000 þús.
kr. Þannig sagði hann að verð bíls-
ins lækkaði um nálægt 150.000
þúsund krónur.
Reynir Jónsson, verkefnastjóri
hjá Toyota, sagði að af 300-400
seldum Toyota Double Cab-pallbíl-
um hefðu a.m.k. 30-40 verið lengd-
ir fyrir viðskiptavini. Lengingin
næmi 30 sm, pallurinn lengdist úr
1,40 sm í 1,70 sm, og væri kostnað-
ur við lenginguna um 160.000 þús.
kr. með ryðvörn. Verð bílsins sagði
hann að lækkaði um 175.000 þús.
kr.
Finnbogi Eyjólfsson, blaðafull-
trúi Heklu, sagði að af um það bil
100 seldum Mitsubishi L 200 hefðu
90% verið lengdir. Pallurinn væri
lengdur úr 1,45 sm í 1,70 sm og
væri kostnaðurinn á bilinu
140.-150.000 þús. kr.
, Rúnar Hannesson, fulltrúi í fjár-
málaráðuneytinu, sagði að bifreiðar
þyrftu að uppfylla tvenns konar
skilyrði til að ekki þyrfti að borga
virðisaukaskatt af þeim. Annars
vegar væri um formkröfur að ræða
og hins vegar huglæg skilyrði, þ.e.
að bíllinn væri eingöngu notaður
til skattskylds atvinnurekstrar. Að-
spurður sagðist hann ekki telja það
gera til þótt menn Iengdu bíla í því
skyni að uppfylla formkröfur ef
þeir teldu slíkt borga sig og bif-
reiðaeftirlitið teldi bíllinn jafn ör-
uggan eftir sem áður. Hann sagði
að tilgangslaust væri að banna
mönnum að lengja bíla því þá
myndu þeir einfaldlega kaupa lengri
bíla.
Birgir Hákonarson, deildarstjóri
í tæknideild Bifreiðaeftirlits ís-
lands, segir að ýmist sé bætt aftan
við palla pallbíla eða inn í þá. Ef
síðari kosturinn væri valinn væri
það aðeins leyfilegt samkvæmt for-
skrift framleiðanda bílsins. Að-
spurður kvaðst hann ekki gera ráð
fyrir því að Iengingin, ef hún væri
rétt framkvæmd, hefði áhrif á ör-
yggi bílsins. ■
Anna G. Ólafsdóttir
8 7 Tíöni hálsáverka í umferðarslysum á höfuðborgarsvæðinu 1974-1991 Árleg tíöni miöaö viö 100.000 I hverjum aldursflokki

6 c t\ f \ Konur
1 \ • \
A ÍA \
Q l/\ l/ \ Ssv
9 N. \
J Karlar
0 o á
1 1 1 i H é T" 1 1 1 1' "1" ■ i 1 I 1 4 10-14 20-24 30-34 40-44 50-54 60-64 70-74 80 ára ra ára óra ára ára ára óra ára og eldri
Hálshnykksáverkar
algengari hjá konum
KONUR leita oftar til lækna
vegna hálshnykksáverka en
karlar eftir því sem segir í
skýrslu Slysavarnaráðs íslands
um áverka af þessu tagi, tíðni,
orsakir og aðgerðir gegn þeim.
Eins og fram hefur komið verð-
ur hálshnykkur oftast við aftan-
ákeyrslu.
A kynningarfundi um skýrsluna
kom fram að ein af aðalskýringun-
um er talin vera sú að konur sitji
oftar í farþegasæti en karlar og
séu þannig oftar óviðbúnari því
að bifreið sé stöðvuð.
Þessi skýring vegur hins vegar
ekki þungt þegar leitað er skýr-
inga á því að tvöfalt fleiri stúlkur
þjást af hálsmeiðslum en drengir
eins og kemur fram í umferðar-
slysakönnun Umferðarnefndar
Reykjavíkur. Engin ein skýring
virðist vera á þessu en þegar leit-
að var til slysadeildar um ástæður
þessa var meðal annars bent á að
konur leituðu almennt oftar til
heilbrigðiskerfisins en karlar. „Það
er vegna þess að konur eru ekki
alveg jafn vitlausar og karlar.
Þeir geta verið með verk og ónot
einhvers staðar, og beðið fram í
rauðan dauðann til að ná sér í
hjálp eftir því,“ sagði læknir á
slysadeildinni m.a. Hann benti líka
á að stelpur væru, eftir allt sam-
an, ekki alveg eins og strákar!
IB
SUMARLEYFID
Hjá Tækjamiðlun íslands fæst pallbílahús sem þetta. Hér er það á Toyota Hilux með tvöföldu húsi.
Þarna er húsið í lægstu stöðu og hækkar það síðan um nærri hálfan metra þegar staðnæmst er til
að sofa í húsinu.
Tjaldvagnar og
pallbílahús
Morgunblaðið/Bjarni
Gísli Jónsson býður ýmsar gerðir tjaldvagna sem kosta á bilinu 250 til
500 þúsund krónur eftir því hversu mikinn búnað menn vilja.
TJALDVAGNAR, hjól-
hýsi, ferðabílar og pall-
bilahús — allt eru þetta
möguleikar sem bíleigend-
ur notfæra sér þegar
ferðalög eru annars végar.
Hver möguleiki hefur sína
kosti og galla og þeir kosta
mismunandi mikið. Við
kynnum hér tvö þeirra,
tjaldvagna og pallbílahús
en í sumar hefur verið Iíf-
leg sala á þessum tækjum.
Þeir eru líka ódýrustu
möguleikarnir — fyrir
utan tjaldið að sjálfsögðu.
Tjaldvagnar
Tjaldvagnar hafa átt vax-
andi vinsældum að fagna og
stunda nokkrir innflutning á
þeim. Tjaldvagn er eiginlega
pallur á hjólum sem hengdur
er aftan í bílinn og á pallin-
um er samanbrotið tjald
ásamt ýmsum búnaði. Þar
má einnig koma fyrir sængurfatn-
aði og öðrum farangri. Tjaldvagn-
ar kosta yfirleitt á bilinum 250
til 500 þúsund kr. og þeir vega
200 til 400 kg. Svefnpláss er oft-
ast fyrir 4 á pallinum sjálfum og
í sumum má einnig sofa í fortjald-
inu. Þá er fylgibúnaður mismikill
og helst í hendur við verðið. Dýr-
ari tjaldvögnunum fylgir allur
helsti eldunarbúnaður, vaskur og
vatnstankur og þeir eru oft með
rúmgóðu fortjaldi eða forstofu þar
sem menn geta eldað.
Við val á tjaldvagni þarf að
hafa í huga að hann sé sterklegur
fyrir íslenska vegi og rykþéttur.
Tjaldvagnar eru skráningarskyld-
ir og fá sérstakt númer. Þeir verða
að hafa hemla- og stefnuljós og
þá verður að tengja við rafmagn
bílsins. Þess vegna er ekki nóg
að hafa dráttarkúluna, rafmagns-
tenging verður einnig að vera fyr-
ir hendi enda er það orðin skylda
að bílar hafí hvort tveggja. Að
vetrarlagi má reisa tjaldvagninn
upp á endann eða hliðina og koma
honum fyrir í bílskúr. Einnig hafa
söluaðilar stundum milligöngu um
útvegun geymslu sem kostað get-
ur kringum 15 þús. kr. fyrir vetur-
inn.
Kostur við tjaldvagn er kannski
helstur sá hversu meðfærilegur
og ódýr hann er. Segja má að
með tjaldvagni geti útilegan alltaf
verið skynidákvörðun, vagninn er
tilbúinn með öllum búnaði, aðeins
þarf að kaupa nesti. Allir venju-
legir bílar geta dregið tjaldvagn
og ökumenn eru fljótir að venjast
honum. Gæta verður þess að há-
markshraði með tjaldvagn er 70
km á klst. og á ósléttum vegum
geta vagnarnir hoppað dálítið. Því
skal fara með gát.
Pallbílahús
Pallbílahús eru annar og heldur
dýrari möguleiki en tjaldvagnar.
Þessi hús eru sett á pallbíla, oft-
ast jeppa og hefur einnig verið
vaxandi eftirspurn eftir þessum
húsum hér. Margir hafa kynnst
þeim erlendis og jafnvel flutt inn
sjálfir. Áður þóttu þessi hús vara-
söm því þau voru of há og breyttu
verulega þyngdarpunkti bílanna.
Nú eru húsin yfirleitt þannig að
hægt er að hækka þau og lækka
og taka þau mun minna á sig í
akstri þegar þau eru lækkuð.
Hægt er að fá þessi hús á alla
algengustu jeppana, bandaríska
sem japanska og hvort sem þeir
eru með einföldu eða tvöföldu
húsi. í þessum pallbílahúsum er
svefnrými fyrir fjóra til fimm,
fullkomin eldunarstaða og ýmis
annar búnaður, t.d. ísskápur sem
tengja má ýmist 12 volta raf-
magni bílsins eða gaskút, vatns-
tankur og dæla og hirslur fyrir
matvæli og búnað. Þau eru einnig
með sjálfvirkum hitastilli. Pall-
bílahúsin vega tæp 400 kg og
kosta hátt í 600 þús.kr.
Pallbílahúsin eru heldur meiri
fjárfesting en tjaldvagnar og þar
fá menn einnig nokkru meira fyr-
ir sinn snúð. Þau nýtast samt á
nokkuð svipaðan hátt. Auðvelt er
að setja þau á pallinn og taka þau
af, sérstakir tjakkar fylgja og tek-
ur aðeins 15 til 30 mín. að skella
því á pallinn. Því má nota bílinn
á venjulegan hátt á virkum dögum
en setja húsið á um helgar. Meðan
húsið er ekki í notkun er hægt
að geyma það á tjökkunum og
hafi menn bílskúr með nægilega
háum og breiðum dyrum (rúmlega
2 m) má jafnvel aka því þar inn
og aka svo undan húsinu. Pallbíla-
húsin eru ekki skráningarskyld,
aðeins verður að gæta þess að vel
sjáist á afturluktir bílsins.
Pallbílahús og tjaldvagnar eru
talsvert ódýrari möguleiki en hjól-
hýsi og sérbúnir ferðabílar og
sérstaklega má benda á góða nýt-
ingu bíls með húsi á pallinum sem
getur þannig ýmist verið ferðabíll
eða vinnubíll. En eins og minnst
var á í upphafi eru auðvitað til
ódýrari möguleikar, þ.e. tjaldið
sem kemst í skottið á hvaða bíl
sem er! ■
Jóhannes Tómasson