Morgunblaðið - 11.08.1992, Page 7

MORGUNBLAÐIÐ Q89 BARCELONA ’92 ÞRIÐJUDAGUR 11. ÁGÚST 1992
C 7
Einbeiting!
Morgunblaðið/RAX
Sigurður Einarsson er einbeittur á svip þar sem hann gerir sig klárann fyrir eitt kasta sinna. Hann náði lengsta kasti sínu í síðustu umferð og tiyggði sér þar með fimmta sæti sem er besti árangur
sem íslendingur hefur náð í spjótkasti á Ólympíuleikum.
Besta sem ég hef gert
- sagði Sigurður Einarsson sem varð ífimmta sæti í spjótkasti á Ólympíuleikunum
„ÉG er mjög ánægður með sætið en vegalengdin er kannski
ekkert sérstök. Fyrsta kastið var gott, ég hugsaði um að vanda
mig en svo varð ég fljótt svo afvatnaður. Það var mjög heitt í
dag og ég svitnaði mikið. Reyndi náttúrlega að drekka vatn eins
og ég gat en það eru takmörk fyrir því sem maður getur drukk-
ið,“ sagði Sigurður Einarsson eftir að hann varð fimmti í spjót-
kastskeppni Ólympíuleikanna á laugardagskvöldið. Sigurður
kastaði lengst 80,34 metra, en Ólympíumeistari varð Tékkinn Jan
Zelezny, sem gerði sér lítið fyrir og kastaði 89,66 metra strax í
fyrstu umferð og setti þar með nýtt Ólympíumet.
Skapti
Hallgrímsson
skrífar frá
Barcetona
Sigurður var fyrstur í kaströð-
inni og byijaði á því að kasta
79,52 m. Og þegar fyrstu umferð
lauk var það þriðja
besta kastið; aðeins
Ólympíumetskast
Zeleznys og 82,44 m
kast Bretans Back-
leys voru lengri. Sigurður kastaði
75,02 í annarri umferð og 77,96 m
í þriðju. Þá var keppendum fækk-
að, fjórir slökustu hættu og átta
stóðu eftir. Sigurður var vitaskuld
þar á meðal, var þá kominn í fimmta
sætið sem hann hélt.
Setti allt í botn
Sigurður gerði ógilt í fjórðu og
fimmtu tilraun, „en svo setti ég allt
í botn í síðasta kastinu og það var
aðeins lengra en það fyrsta,“ sagði
hann — 80,34 m.
Zelezny vann sem fyrr segir, og
sagðist reyndar á eftir hafa verið
algjörlega sannfærður um að sigur-
inn væri í höfn þegar hann setti
Ólympíumetið í byrjun. Finninn
Seppo Raty varð annar með 86,60
m og Bretinn Steve Backley þriðji
með 83,38 m. Finninn Kimmo Kinn-
unen varð fjórði, kastaði 82,62 í
annarri umferð en gerði öll hin
köstin fimm ógild.
Sigurður var spurður hvemig
mönnum hefði liðið eftir að Zelezny
setti Ólympíumet strax í fyrsta
kasti. Hvemig stemmningin í hópn-
um hefði verið.
„Þetta var ofsalega krítískt. Var
eins og á heimsmeistaramótinu í
fyrra, hann slær menn svolítið út
af laginu. En það var náttúrlega
frábært hjá Zelezny að hitta á þetta
í fyrsta kasti.“
Verður að kveikja og slökkva
Og Sigurður sagði það sem sér-
stakt væri við þessu tvö stóru mót,
Ólympíuleika og heimsmeistara-
mót, væri hin langa bið milli kasta.
„Það eru sirka tuttugu mínútur á
milli kasta og þess vegna er þetta
mjög erfitt. Þú getur ekki haldið
þeir heitum allan tímann, getur
ekki haldið adrenalíninu gangandi.
Verður að kveikja og slökkva á
sjálfum þér eins og vél og stilla inn
á rétta augnablikið. Og það er
kannski það sem margir af þessum
góðu kösturum, sem hafa kastað
lengra en ég, hafa ekki stillt sig inn
á. Eg hef gert það á æfíngum, tek-
ið langar pásur á milli kasta, og
það virðist virka.“
Sigurður sagði fyrst og fremst
hugsað um sæti á mótum sem
þessu, en menn litu ekki sérstaklega
á vegalengdir.
Get kastað miklu lengra
-Þú varst í þriðja sæti eftir fyrstu
umferð — hvemig leið þér þá? Hvað
varstu að hugsa?
„Ég bjóst við því að þeir færu
nokkrir fram úr mér. Ég var ekki
orðinn ánægður með neitt, langt frá
því. En ég er þokkalega ánægður
núna. Þetta er það besta sem ég
hef gert, betra en ég gerði í fyrra.
Þetta eru náttúrlega Olympíuleikar
og einu sæti betra [en á HM í fyrr].
En ég býst við að geta kastað miklu
lengra."
Sigurður sagði aðstæður hafa
verið þokkalegar þegar spjótkasts-
keppnin fór fram. „Það var mjög
heitt og vindurinn var sveiflukennd-
ur. Það var mótvindur sem ekki er
talið hagstætt með þessu spjóti, og
það sýnir hvað það er frábært hjá
Zelezny að kasta 89,66.“
Hrífaitdi áhrif
-Þú þurftir að bíða fyrir eitt kast-
ið meðan verið var að spila bartda-
ríska þjóðsönginn og afhenda verð-
laun fyrir 4x100 m boðhlaupið —
hvemig áhrif hefur það á menn?
„Það hafði hrífandi áhrif á mig.
Maður er alltaf stoltur af þessum
mönnum sem vinna verðlaunin.
Yeit hvernig þeim líður innst inni.
Ég hef ekki alveg náð þessari til-
finningu ennþá, ekki á svona móti;
En kannski er stutt í það. Ég er
bjartsýnn á það.“
Sigurður og Einar Vilhjálmsson
kasta báðir á móti í Mónakó í kvöld,
og eftir fáeina daga verða þeir báð:
ir í eldlínunni er Bikarkeppni FRÍ
fer fram í Laugardal. „Það verður
gaman. Ég hlakka rosalega til að
kasta á nýja vellinum í Laugardal.
Þetta er frábær aðstaða sem er
komin þarna. Og vonandi verður
Einar sterkur líka. Ég veit hann
vill hefna sín á mér vegna þess
hvemig fór hér á Ólympíuleikunum.
Hann var óheppinn. Þetta er nánast
eins og spilavíti þegar maður er að
keppa í undanriðlinum," sagði Sig-
urður, því heppni skiptir svo miklu
máli.
Sigurður sagði að endingu að
erfítt væri að standa í því að stunda
alfarið íþrótt sína, en „ég hef notið
stuðnings afreksmannasjóðs, Visa-
ísland og Landsbankans, og langar
að koma á framfæri þökkum til
þessara aðila, sem og allra annarra
sem hafa stutt mig í gegnum tíð-
ina.“
Mótmæli gegn heimsmeti
hvöttu Zelezny til dáða
Tékkinn Jan Zelezny vann loks
titil af þeirri stærðargráðu sem 1
hann hefur sótst eftir svo lengi á
sama tíma og hann hefur sett hvert
heimsmetið af öðru í spjótkasti.
Það sem æsti hann hvað mest upp
til þess að vinna gullið í Barcelona
voru upplýsingar um að hugsanlega
yrði nýjasta metið hans ekki viður-
kennt. Það setti hann í Osló í síð-
asta mánuði er hann kastaði 94,74
metra en álitamál mun vera hvort
spjótið standist reglur.
Zelezny missti naumlega af gull-
verðlaunum í Seoul og einu verðlaun
hans á öðrum stórmótum er brons á
HM 1987. Að þessu sinni sýndi þessi
26 ára ofursti í tékkneska hernum
þó algjöra yfirburði. í fyrstu umferð
náði hann risakasti og átökin voru
þvílík að mittisól sem hann hafði
girt sig rifnaði af. Kastið mældist
89,66 metrar, nýtt Ólympíumet.
Heimsmetið í Osló á dögunum
setti Zelezny með nýju spjóti sem
Ungveijinn Miklos Nemeth, Ólymp-
íumeistari í Montreal, hannaði.
Reuter
Jan Zelezny hafði mikla yfírburði
í spjótkastinu.
Spjótið fékk hann ekki að nota í
Barcelona, til þess hefði það þurft
að vera komið í framleiðslu fyrir um
tveimur árum.
Finnar hafa mótmælt notkun nýja
spjótsins og lagt til að metið í Osló
verði ekki viðurkennt. Stjóm Al-
þjóðafijálsíþróttasambandsins hefur
frestað ákvörðun en Zelezny sagðist
hafa fengið upplýsingar rétt fyrir
úrslitakeppnina á laugardag að met-
ið yrði ekki viðurkennt.
„Við þessar fréttir æstist ég upp
og það eina sem komst að hjá mér
var að reyna setja nýtt heimsmet í
úrslitunu,“ sagði Téickinn. „Ég vil
þakka þeim sem mótmæltu heims-
metinu því mótmæli þeirra eggjuðu
mig til sigurs í dag,“ bætti hann við.
Zelezny gerði sér grein fyrir því
að spjótið myndi svífa langt í fyrsta
kastinu því hann lyfti höndum af
fögnuði áður en það lenti handan
línunnar sem markaði Ólympíumet-
ið. Einn harðasti keppinautur
Zelezny um dagana, Bretinn Steve
Backley, hrósaði honum og sagði:
„Hann er í góðri æfingu, það er al-
veg sérstakt að kasta 90 metra í
dag, sama með hvaða spjóti".