Morgunblaðið - 12.09.1992, Page 14

14
MORGUNBLAÐIÐ LAUGARDAGUR 12. SEPTEMBER 1992
Geysileg aukning í starfsemi getrauna á íslandi
Fyrsti vinningur í Eurotips
getur gefið 50 milljónir króna
SALA er hafin á fyrsta seðli
nýrrar knattspyrnugetraunar,
Eurotips. Að Eurotips standa
fjórar þjóðir, Austurríkismenn,
Danir, Svíar og Islendingar.
Aætlað er að 1. vinningur verði
á bilinu 30-50 miiyónir og er
því til mikils að vinna. A get-
raunaseðlinum eru 14 leikir,
einum fleiri en á hinum viku-
lega seðli Islendinga og Svía.
Möguleikinn á að fá 14 leiki
rétta er einn á móti 4,782.969
og því eru miklir möguleikar
að einn tippari hreppi þann
stóra. A fyrsta seðli Eurotips
eru leikir í Evrópukeppninni,
sem fram fara miðvikudaginn
16. september. Þar á meðal er
leikur Víkings og ZSKA
Moskvu og er þetta í fyrsta
skipti sem íslenzkt lið er á seðli
í alþjóðlegum getraunum.
Undirbúningur að Eurotips
hófst í fyrravor. Fyrrnefndar fjór-
ar þjóðir hafa frá upphafi staðið
að undirbúningnum. Þær eru
tæknivæddastar á sviði getrauna
en beinlínutengt sölukerfi er for-
senda þátttöku í getraunum Eu-
rotips. Mikill áhuga er í mörgum
öðrum Evrópulöndum á því að
koma inn í Eurotips og fyrir ligg-
ur að Þýzkaland og Sviss komi inn
í samstarfið strax næsta haust.
Noregur og Finnland eru einnig
að undirbúa þátttöku og eftir
nokkur á verða væntanlega flest-
ar Evrópuþjóðimar með.
Fjórir seðlar verða gefnir út í
Eurotips í haust og verða ein-
göngu Evópuleikir á þeim. Þess
er að vænta að fyrstu árin verði
eingöngu Evrópuleikir og jafnvel
landsleikir á seðlum Eurotips en
hugmyndir eru uppi um að stofna
Evrópudeild, sem spiluð yrði í
miðri viku, og verða leikir hennar
þá væntanlega notaðir. Helgar-
leikir koma ekki til greina á seðla
Eurotips.
íslendingar í fararbroddi í
tæknimálum
Sem fyrr segir er beinlínutengt
söiukerfí forsenda fyrir þátttöku
í Eurotips. íslenzkar getraunir
hafa frá upphafí verið í farar-
broddi í tæknimálum. Er nú svo
komið að hin erlendu getraunafyr-
irtæki hafa ísland sem fyrirmynd
Um 100 blaðamenn voru viðstaddir í Vínarborg nýlega þegar
Eurotips var-kynnt.
-■
Sigurður Baldursson fram-
kvæmdastjóri íslenzkra get-
rauna.
í þessum efnum. Að sögn Sigurð-
ar Baldurssonar framkvæmda-
stjóra íslenzkra getrauna má
rekja það til stofnunar íslenzka
lottósins, sem byijaði í nóvember
1986. „Lottóið tók strax mikil
viðskipti frá getraununum," segir
Sigurður. „Við settumst niður til
að skoða stöðuna og sáum að til
þess að geta lifað af samkeppnina
þyrftum við að hafa sams konar
kerfi og lottóið. Niðurstaðan varð
sú að gera samstarfssamning við
lottóið um að selja getraunaseðla
í lottókössunum. Það var svo í
nóvember 1988 að sala hófst í
gegnum beinlínutengda kassa
lottósins og urðum við þar með
fyrsta þjóðin í heiminum sem tók
upp beinlínutengda sölu getrauna-
seðla.“
125 aðilar tengdir beint við
Getraunir
Fleiri þjóðir hafa síðan fylgt í
kjölfarið, t.d. allar Norðurlanda-
þjóðirnar. Þær hafa allar notað
gamla kerfið samhliða en hér á
landi var það lagt niður um leið
og beinlínkerfíð var tekið í notk-
un. Nýja kerfíð var mikið framfa-
raspor fyrir alla aðila. Tipparar á
landsbyggðinni geta tippað fram
að lokun sölukassanna á laugar-
dögum en þurftu áður að skila
seðlunum á miðvikudögum. ís-
lenzkar getraunir hafa síðan þró-
að tölvukerfí sitt og núna eru 125
aðilar tengdir fyrirtækinu beint.
Eru það helstu tipparar landsins,
25 íþróttafélög og 100 einstakl-
ingar og hópar. Þessir aðilar tippa
á PC-tölvur og senda raðirnar
beint inn í tölvu íslenzkra get-
rauna.
Til þess að tengjast þannig
beint inn í kerfið þurfa menn að
eiga tölvu og mótald. íslenzkar
getraunir útvega mönnum forrit.
Fyrirtækið gerir síðan samning
við viðkomandi aðila og hann fær
aðgang að kerfinu þegar greiðsla
hefur verið tryggð í gegnum
greiðslukortafyrirtækin. Auk þess
geta viðskiptavinirnir fengið
margvíslegar upplýsingar hjá
tölvu Getrauna, t.d. er þar að
finna öll úrslit í ensku knattspyrn-
unni frá árinu 1979 til dagsins í
dag.
Miklir tekjumöguleikar fyrir
íþróttafélögin
Sigurður Baldursson segir að
það hafi virkað sem vítamín-
sprauta á getraunastarfíð þegar
beinlínukerfið var tekið upp. „En
sá galli fylgdi gjöf Njarðar að
samskiptin við íþróttafélögin urðu
miklu minni en áður. En eftir að
félögin tengdust okkur beint í
gegnum PC-tölvur sínar hafa
samskiptin orðið meiri og betri.
Og það er stefna okkar að stækka
þennan hóp. Það er enda til mik-
ils að vinna fyrir íþróttafélögin
og er Golfklúbbur Akureyrar
bezta dæmið um það. Klúbburinn
skuldaði mikla peninga og for-
ráðamenn hans sáu fram á að
erfítt yrði að afla peninga hjá
atvinnulífinu, því þar var allt á
niðurleið. Þeir settust því niður
og hugsuðu sitt ráð. Niðurstaðan
var að hóa saman hópi manna til
þess að taka þátt í getraunum.
Þeir byrjuðu á fullu um síðustu
áramót og þetta hefur gengið svo
vel hjá þeim að í maí fékk GA t.d
1269 þúsund krónur í áheit og
sölulaun. Nýlega var GA með 80
þúsund raðir eina vikuna sem var
18% af heildarsölu í landinu. Sölu-
laun og áheit voru 225 þúsund
þá viku. Forrráðamenn klúbbsins
sjá fram á að hann verði skuld-
laus orðinn eftir rúmlega tvö ár
ef þeim tekst að halda áfram af
sama kraftinum." Sigurður segir
að nokkur íþróttafélög fjármagni
mikinn hluta starfsins með get-
raunasölu. Þannig fengu Fram og
Fylkir 4,3 milljónir hvort félag frá
Getraunum á síðasta starfsári.
„Við viljum fá fleiri félög í hópinn
því þetta er borðliggjandi tekju-
lind fyrir þau,“ segir Sigurður
Baldursson. Hann nefnir sem
dæmi að eftir að samstarf hófst
við Svía um helgargetraunir hafi
ársvelta Getrauna aukist úr 125
milljónum í 343 milljónir og
greiðslur til íþróttafélaganna
hækkað úr 14 í 70 milljónir króna.
íslendingar getspakir
„Á síðasta starfsári fengu ís-
lenzkir tipparar 205 milljónir í
vinninga sem er 47 milljónum
meira en þeir settu í pottinn. Þetta
sýnir einfaldlega að við erum betri
tipparar en Svíar. Það góða við
getraunirnar er að hver röð á
sama möguleika hvort sem hún
er keypt á Stokkseyri eða í Stokk-
hólmi." Sigurður segir að það
hafi komið á óvart hve tölvuvaldir
seðlar hafi gefið góða vinninga.
Hann segir að tölfræðin segi að
1-2 mjög stórir vinningar, allt að
30 milljónir, komi árlega á tölvu-
valda seðla á íslandi, auk annara
stórra vinninga. Hann nefnir sem
dæmi að í febrúar hafí 80 ára
•gamall maður fengið 10,3 milljón-
ir í gegnum tölvuval á miða sem
hann borgaði 500 krónur fyrir.
Sem fyrr segir er sala hafin á
fyrsta seðli Eurotips. Hver röð
kostar 20 krónur. Sölustöðum
verður lokað kl. 12 miðvikudaginn
16. september kl. 12. FÖstudaginn
18. september verður byrjað að
borga út vinninga og auðvitað
vona allir að heppinn Islendingur
labbi þá inn á skrifstofur ís-
lenzkra getrauna og taki við 50
milljón króna ávísun.
-SS
Golfklúbbur Akureyrar
Um 5 milljónir kr. í tekjur af
sölu getraunaseðla á tæpu ári
TÆPT ÁR er frá því Goifklúbbur Akureyrar hóf sölu getrauna-
seðla, en á þeim tíma hefur klúbburinn haft tæplega 5 milljónir
króna í tekjur vegna sölunnar, sem þýðir að getraunaseðlar hafa
á þessu tímabili verið seldir fyrir um 20 milljónir króna. Yinning-
ar hafa á þessum tíma farið vel yfir 20 milljónir króna. Síðasta
vetur voru þátttakendur í getraunaleiknum um 200 talsins.
Smári Garðarsson vallarstjóri
hjá Golfklúbbi Akureyrar hefur
umsjón með getraunaleiknum fyr-
ir hönd klúbbsins og sagði hann
að upphafíð mætti rekja til þess
að hann og David Barnwell golf-
kennari hefðu tekið sig saman og
giskað með misjöfnum árangri. I
nóvember á síðasta ári hefðu þeir
óvænt fengið 11 rétta í tölvuvali
og upp úr því hefði áhuginn auk-
ist og þeir reynt að fá fleiri til
liðs við sig. „Ég hafði lengi rennt
hýru auga til þess að fá kassa
hingað uppeftir, maður sá tekj-
urnar sem sum félögin, eins og
t.d. Fylkir, voru að fá vegna get-
raunasölu, en þessi tekjuöflunar-
íeið hafði verið illa nýtt á Akur-
eyri, við vorum lægst yfir landið
hvað þátttöku varðar,“ sagði
Smári.
Eftir að Svíar bættust í hópinn
síðasta haust sagði Smári að
menn hefðu séð hvaða peninga-
upphæðir um væri að ræða í pott-
inum og um 10 manns í kringum
golfklúbbinn hefðu þá tekið þátt
í getraununum. „Fyrsta tólfan
kom á aðfangadagsmorgun,
þannig að þetta byijað ágætlega
hjá okkur,“ sagði Smári. I desem-
ber í fyrra hafði Golfklúbbur Ak-
ureyrar um 18 þúsund krónur í
tekjur vegna getraunasölunnar og
komst þá skyndilega á blað yfír
söluhæstu aðila, en reyndar ná-
lægt þrítugasta sæti. „Við settum
okkur það markmið að komast á
topp tíu og það tókst í febrúar
þegar við seldum 18 þúsund rað-
ir. Síðan höfum við verið að setja
okkur ný markmið og í maí vorum
við í fyrsta sæti, enda settum við
sölumet í þeim mánuði."
Stóri vinningurinn kom í febr-
úar, þegar golfklúbbsfélagar
fengu 10,6 milljónir króna í vinn-
ing, en þá voru 50 hlutar í pottin-
um.
„Þetta er sterkasta fjáröflunar-
leið okkar núna, en þar fyrir utan
er heilmikið félagslíf í kringum
þetta, fólk kemur hingað og spjall-
ar og þá höfum við nokkrir félag-
Morgunblaðið/Rúnar Þór
Smári Garðarsson við tölvu Golfklúbbs Akureyrar.
ar fest kaup á afruglara og korti
tii að geta fylgst með leikjum á
Sky sjónvarpsstöðinni. Við erum
alltaf með glóðvolgar fréttir úr
enska boltanum og fólki virðist
líka það vel. Það verður örugglega
mikið um að vera hjá okkur í
vetur og við vonust til að sjá sem
mest af fólki hjá okkur, en það
má geta þess að það eru ekki
bara Akureyringar sem tippa hér
heldur fólk af öllu landinu, við
erum með einn í Noregi og annan
í Englandi sem eru með okkur í
þessu og þá hafa sjómenn líka
sóst nokkuð eftir að taka þátt.
Það er mikil spenna í kringum
getraunirnar og ævilega líf og fjör
í kringum þetta allt saman,“ sagði
Smári.
\