Morgunblaðið - 16.10.1992, Blaðsíða 7

MORGUNBLAÐIÐ FÖSTUDAGUR 16. OKTÓBER 1992
7
Rúmlega 3,6
mfflj. í Dalveg
BÆJARRÁÐ Kópavogs hefur
samþykkt að taka 3.689.400 kr.
tilboði lægstbjóðanda, Klæðning-
ar hf., í gatnagerð á Dalvegi.
Þrjú tilboð bárust í verkið og er
kostnaðaráætlun 5.765.900 krónur.
Næstlægsta boð átti Slitlag hf., sem
bauð 72% af kostnaðaráætlun en
Borgarverk hf. bauð 107% af kostn-
aðaráætlun.
Lögreglumenn í
verkfall ef ekki
semst á næstunni
„VIÐ áskiljum okkur allan rétt
til að taka okkur verkfallsrétt,
ef ekkert gengur I samningavið-
ræðum. Samningar okkar hafa
verið lausir frá 1. september í
fyrra og aðildarfélög okkar vilja
sjá árangur fyrir miðjan nóvem-
ber,“ sagði Jónas Magnússon,
formaður Landssambands lög-
reglumanna, í samtali við Morg-
unblaðið.
Formenn aðildarfélaga Lands-
sambandsins funduðu á mánudag
og sendu frá sér ályktun um kjara-
mál, þar sem stjórnvöld eru átalin
fyrir að hafa ekki staðið við sam-
komulag við lögreglumenn, sem
gert var árið 1986, en um leið
misstu lögreglumenn verkfallsrétt
sinn. Þá er bent á, að byrjunarlaun
lögreglumana séu aðeins rúm 51
þúsund krónur á mánuði, en til sam-
anburðar séu byrjunarlaun lög-
reglumanna í Svíþjóð þrisvar sinn-
um hærri.
Jónas Magnússon segir að lög-
reglumenn hafi ekki lagt fram fast-
mótaða kröfugerð um laun. „Það
er hins vegar vert að benda á að
undanfarin tvö ár hafa heildarlaun
lögreglumanna lækkað að raungildi
um 20-30%, vegna mikillar skerð-
ingar á yfirvinnu og um leið hefur
álagið auðvitað aukist. Þá eru rétt-
inda- og tryggingamál lögreglu-
manna í ólestri, því bótaréttar-
ákvæði samkomulagsins frá 1986
voru ekki virt gagnvart lögreglu-
mönnum þegar slysabætur hækk-
uðu almennt hjá ríkisstarfsmönnum
árið 1990.“
Jónas sagði að lögreglumenn
hefðu óskað eftir fundi með dóms-
málaráðherra og fjármálaráðherra
og biðu svara frá þeim. „Lögreglu-
mönnum er full alvara og aðildarfé-
lögin sækja það stíft að einhver
árangur verði kominn í ljós fyrir
miðjan næsta mánuð. Ég veit hins
vegar ekki hvort stjórnvöld taka
okkur alvarlega, þegar við tölum
um verkfall, en það verður þá að
koma í ljós,“ sagði Jónas Magnús-
son, formaður Landssambands lög-
reglumanna.
Morgunblaðið/Róbert Schmidt
Sparkvöllurinn er staðsettur við hafnargarðinn í kauptúninu.
Foreldrar
gera völl
Bíldudal.
FORELDRAR barna sem eru í
íþróttafélagi Bílddælinga hafa
unnið hörðum höndum undanfarið
við gerð sparkvallar í kauptúninu.
Völlurinn, sem er 25 metrar á
breidd og 30 metrar á lengd, er ætl-
aður til að auka áhuga og bæta að-
stöðu boltaunnenda á boltaíþróttum.
Settar verða körfur og mörk á völl-
inn og hann girtur af. Hugsanlega
verður hægt að nota hann sem
skautasvell yfír vetrarmánuðina.
Áætlað er að ljúka framkvæmdum í
þesum mánuði.
R. Schmidt.
I dag höfum við þjónað
Islendingum í 90 ár
Kópavogur
Með þjónustu og framfarir í öndvegi
ST. JÓSEFSSPÍTALI
LANDAKOTI
4Ip02 -19924
Hreingerningar
Góð reynsla
af einka-
væðingunni
HVERAGERÐI er fyrsta
sveitarfélagið sem einkavæðir
hreingemingar á sínum veg-
um í hagræðingarskyni og
segir Hallgrímur Guðmunds-
son bæjarsljóri að þessi ráð-
stöfun og fleiri, sem gripið
hefur verið til, hafi reynst
vel. Hann vill þó ekki nefna
upphæðir sem sparast hafa,
en segir að ýmsar tilfæringar
í mannahaldi bæjarins spari
bæði peninga og fyrirhöfn.
„Hveragerði hefur átt við fjár-
hagsvanda að etja og við reynd-
um að finna leiðir til að létta
rekstur bæjarfélagins,“ segir
Hallgrímur. „Hreingerningar
bæjarins voru eitt af því sem
okkur fannst vert að breyta. Við
könnuðum markaðinn og sömd-
um í sumar við Securitas um
að annast ræstingarnar. Starfs-
fólk við þær er þó að miklu leyti
það sama.“