Morgunblaðið - 20.01.1993, Page 31

bogi hefði laumað sér inn í þennan
hátíðardans ljóssins. Það var létt
að ímynda sér, að einhvers staðar
á bak við þetta allt væri sjálfur
tónsmiður himinsins að leika á
hljómborðið sitt okkur til heiðurs.
í þessari minningu skynja ég sterkt
návist Ingerar er hún stóð við hlið
mér í snjónum og við horfðum
uppávið í ljósflæði himinsins.
Guð blessi minningu hennar.
Svava Jakobsdóttir.
Inger Einarsdótir var fædd 23.
ágúst 1952 og lést 10. janúar síð-
astliðinn, aðeins fertug að aldri,
eftir harða baráttu við erfiðan sjúk-
dóm. í þeirri baráttu skiptust á
skin og skúrir. Fram á síðustu stund
neitaði Inger að gefast upp fyrir
sjúkdóminum. Hún vildi aldrei við-
urkenna annað en að von væri um
bata og við það miðaði hún starf
sitt. Hún sinnti starfi sínu fram að
jólafríi og var það aðdáunarvert að
sjá hversu dugleg hún var í sínum
veikindum og ég veit að ég þar
tala fyrir munn allra samkennara
hennar.
Inger og sonur hennar Einar
tveggja ára fluttust hingað í Bisk-
upstungur síðsumars 1991, er Inger
kom til starfa hér við Reykholts-
skóla í Biskupstungum. Hún tók
við 3. og 4. bekk í skólanum og var
þá umsjónarkennari. Henni tókst
betur til í kennslu en mörgum öðr-
um, sem ég hef þekkt í gegnum
tíðina, að stilla saman dugnað og
greind, og var það greinilega henn-
ar vöggugjöf að miðla þekkingu og
fá aðra til að vinna, hugsa og greina
vandamálin.
Á þeim stutta tíma sem Inger
átti heima hér í Biskupstungum
eignaðist hún marga kunningja og
vini, sem nú sakna vinar í stað. Hér
í Biskupstungum vildi hún eiga
heima og hér leið henni vel. Hún
var búin að fá úthlutað kaupleigu-
íbúð, sem verið er að byggja hér í
Reykholti og verður tekin í notkun
snemma á næsta ári. Það var leiðin-
legt að þessi draumur hennar um
það að fá að setjast að hér í þess-
ari fallegu og friðsælu sveit skyldi
ekki fá að rætast. Það er von mín
að sú sveit sem hún flyst nú í sé
bæði sólríkari og fegurri en sú sveit,
sem fékk ekki að njóta hæfileika
hennar og dugnaðar nema í svo
skamman tíma sem raun varð á.
Sérstakar samúðarkveðjur sendi
ég Einari litla við fráfall móður
hans. Einar, þú átt samúð mína
alla. Foreldrum Ingerar og bræðr-
um sendi ég líka mínar bestu sam-
úðarkveðjur.
Ég er glaður yfir því að hafa
fengið að kynnast Inger og fengið
að starfa með henni í Reykholts-
skóla í Biskupstungum. Fjölskyldan
í skólastjórabústaðnum man hana
ELbnr^LFHRinn
Vesturgötu 4
Blóm, kransar,
skreytingar
simi 622707.
Erfidrykkjur
Glæsileg kaili-
lilaðborð íallegir
Síilir og mjög
gcSð |)jónustíu
Upplýsingar
ísíma22322
FLUGLEIDIR
Hðm LOFTLEIIIR
MORGUNBLAÐIÐ MIÐVIKUDAGUR 20. JANÚAR 1993
31
sem góðan vin og þakkar henni
samfylgdina.
Unnar Þór Böðvarsson
skólastjóri, Reykholts-
skóla, Biskupstungum.
Yndisfögur kona í blóma lífsins
er látin. Eins og liljublóm, undur-
fögur, en viðkvæm og brothætt.
Inger Laxdal Einarsdóttir fædd-
ist 23. ágúst 1952 í Roskilde í
Danmörku. Hún var dóttir hjónanna
Einars Pálssonar rithöfundar og
skólastjóra og Birgitte Laxdal. For-
eldrar Einars voru Páll ísólfsson
tónskáld og orgelleikari og fyrri
eiginkona hans Kristín Norðmann.
Foreldrar Birgittu voru þau Jón
Laxdal kaupmaður og tónskáld og
þriðja eiginkona hans Inger Laxdal.
Inger var yngst bama þeirra Ein-
ars og Birgittu. Bræður hennar
tveir eru Páll bæjarritari í Vest-
mannaeyjum, f. 1949, og Þorsteinn
Gunnar deildarstjóri í Búnaðar-
bankanum, f. 1951. Einkadóttirin
var skírð fullu nafni móðurömmu
sinnar, frú Inger Laxdal, sem bjó
í Töllöse í Danmörku allt frá því
að maður hennar, Jón Laxdal, lést.
Inger varð yndi og eftirlæti ömmu
sinnar í Töllöse og dvaldi löngum
hjá henni á sumrin sem barn og
unglingur.
Inger ólst upp á menningarheim-
ili þar sem fagurt mannlíf og sið-
fágun voru samgróin heimilislífínu.
Hún bjó við ástúð foreldra og fjöl-
skyldu og naut þess einnig að móð-
ir hennar, sem var að mestu alin
upp í Danmörku, flutti með sér
danskar hefðir og siðvenjur og
dönsk tunga varð Inger jafntöm og
íslensk. Hún var einnig afar næm
og átti gott með nám og var feikna
vel lesin. Hún hlaut í vögggjöf allar
þær gjafír sem verðmætastar eru:
óvenjuleg fegurð, sérstaka greind
og næmi, góðvild, hlýju og glatt
geð. En enginn má sköpum renna
og á henni sannaðist að ekki fylgj-
ast alltaf að gæfa og gjörvileiki.
Þegar Inger var rétt 17 ára hófu
örlögin að spinna sinn vef um líf
hennar og segja má að þrjú næstu
ár hafí mótað þá stefnu sem lífs-
hlaup hennar tók. Við sem stóðum
henni næst fylgdumst með hetju-
legri baráttu hennar og manndómi
við að mæta hveq'u áfallinu á fætur
öðru.
Eftir stúdentspróf dvaldi hún um
tíma við nám bæði í Frakklandi og
Danmörku. Hún var sérlega næm
á tungumál og var frábær kennari.
Hún kenndi um árabil útlendingum
íslensku við Málaskólann Mími og
einnig starfaði hún nokkuð við al-
menna kennslu. Hún vann um tíma
í Útvegsbankanum og einnig nokk-
ur ár í heilbrigðisráðuneytinu.
Fyrir flórum árum innritaðist hún
í Kennaraháskóla íslands, en það
var langþráður draumur hennar að
ljúka kennaraprófi. Um sama leyti
átti hún von á sinu fyrsta barni og
þrátt fyrir þungt áfall skömmu áður
þá var þessi tími einn sá besti í
hennar lífi. Hún beinlínis geislaði
af hamingju yfir því að eignast sitt
fyrsta barn og hafði yndi af náminu.
Um vorið fæddi hún fallegan
dreng sem var skírður Einar eftir
föður hennar. Loksins virtist ham-
ingjan brosa við henni og framtíðar-
áætlanir voru fullar af bjartsýni.
En ekki liðu nema tæpir fjórir mán-
uðir frá fæðingu Einars litla þar til
aftur dró ský fyrir sólu. Hún greind-
ist með krabbamein. En Inger ætl-
aði að vinna bug á sjúkdómnum.
Hún þráði að sjá son sinn vaxa úr
grasi og barðist hetjulega við sjúk-
dóminn. Hún þurfti að hægja á
náminu og réð sig haustið 1991 til
kennslu í Reykholtsskóla í Biskups-
tungum. Þar leið henni og Einari
litla afar vel og verður skólastjóra,
kennara og vinum hennar fyrir
austan seint fullþökkuð öll sú góð-
vild og hjálpsemi sem þau sýndu
henni. Hún ætlaði að ljúka náminu
við Kennaraháskólann með fjar-
námi sem átti að hefjast í janúar,
en hún fór aðra leið.
Það er sárara en tárum taki að
horfa upp á þessa fallegu, gáfuðu
og hlýju konu þurfa að lúta í lægra
haldi fyrir banvænum sjúkdómi
þegar hún loksins leit fram á veginn
með von og tilhlökkun.
Inger var tengd foreldrum sínum
og bræðrum sterkum böndum. Þau
veittu henni skjól og öryggi og stóðu
ævinlega vörð um velferð hennar.
Nú annast þau sólargeislann henn-
ar, Einar litla. Ég bið guð að blessa
Einar bróður minn og elskulega
mágkonu mína Bessie og bræður
hennar og íjölskyldur þeirra, og
gefa þeim öllum styrk til að bera
þessa sorg.
Ég og börnin mín kveðjum Inger
með sárum söknuði og þakklæti
fyrir tryggð og einstaka vináttu.
Hvíli hún í friði.
Þuríður Pálsdóttir.
t
Öllum þeim, er sýndu okkur hlýhug og heiðruðu minningu elsku-
legs föður okkar, tengdaföður, afa og langafa,
ARNÞÓRS JENSENS
fyrrv. pöntunarfélagsstjóra
Eskifirði,
sendum við hjartanlegar kveðjur og þakkir.
Guðný Anna Arnþórsdóttir, Hjálmar Kjartansson,
Gauti Arnþórsson, Sólrún Sveinsdóttir,
Hlíf Christensen, Bent Cristensen,
Sigríður Ólafsdóttir,
barnabörn og barnabarnabörn.
t
Maðurinn minn, faðir og sonur okkar,
ÁGÚST PÁLSSON
skipasmiður,
lést af slysförum í Fredericia 17. janúar.
Útför hans verður gerð frá Bústaðakirkju mánudaginn 25. janúar
kl. 15.00.
Elín Marta Pétursdóttir,
Pétur Þór Ágústsson,
Gunnþórunn Oddsdóttir,
Páll Jónsson.
t
Maðurinn minn og bróðir okkar,
ÁRNI JÓN PÁLMASON
sérkennari,
verður jarðsunginn frá Langholtskirkju föstudaginn 22. janúar
kl. 15.00.
Eva J. Júlíusdóttir,
Elfn Pálmadóttir, Pétur Pálmason,
Sólveig Pálmadóttir, Helga Pálmadóttir.
t
Ástkær eiginkona, móðir, tengdamóðir, amma og langamma,
FANNEY DAGMAR KRISTJÁNSDÓTTIR
frá Álfsnesi,
Grettisgötu 94,
verður jarðsungin frá Bústaðakirkju fimmtudaginn 21. janúar
kl. 13.30.
Þeim, sem vildu minnast hennar, er vinsamlegast bent á
Hjartavernd.
Friðrik G. Jónsson,
Baldur Friðriksson, Selma Jónsdóttir,
Sigurður Kr. Friðriksson, Unnur Færseth,
Hildur Jóna Friðriksdóttir, Sigfús Örn Árnason,
barnabörn og barnabarnabörn.
t
Minningarathöfn um móður okkar,
GÍSLNÝJU JÓHANNSDÓTTUR
frá Vestmannaeyjum,
Maríubakka 10,
Reykjavík,
fer fram frá Fossvogskirkju fimmtudaginn 21. janúar kl. 13.30.
Jarðsett verður frá Landakirkju í Vestmannaeyjum laugardaginn
23. janúar kl. 14.00.
Börn, tengdabörn, barnabörn
og barnabarnabörn.
t
Innilegar þakkir til allra, sem sýndu okkur samúð og vinarhug við
andlát og útför sonar míns, fóstursonar, bróður okkar, mágs og
frænda,
GUÐNA VIGNIS GUÐMUNDSSONAR,
Hverfisgötu 54.
Sigrún Guðlaugsdóttir, Einar Magnússon,
Þórunn Guðmundsdóttir, Tryggvi Guðmundsson,
Þorbjörg Guðmundsdóttir, Birgir Ævarsson,
Guðmundur Guðmundsson, Lára Einarsdóttir,
Harpa Böövarsdóttir
og aðrir aðstandendur.
t
Móðir okkar, tengdamóðir, amma og langamma,
HELGA SIGURÐARDÓTTIR
frá Höfn,
Hornafirði,
lést á hjúkrunarheimilinu Sunnuhlíð, Kópavogi, 4. janúar.
Útförin hefur farið fram f kyrrþey að ósk hinnar látnu.
Jarðað var frá Kópavogskirkju 14. janúar.
Innilegar þakkir til allra, sem sýndu okkur samúð við andlát og
útför hinnar látnu.
Sérstakar þakkir til starfsfólks Sunnuhlíðar fyrir góða aðhlynningu.
Hildur Kjartansdóttir, Óli P.H. Þorbergsson,
Sigurður Kjartansson, Arnhildur Jónsdóttir,
Baldur Kjartansson, Soffia Richter,
barnabörn og barnabarnabörn.
t
Eiginmaður minn, faðir okkar, tengdafaðir og afi,
INGVI BJÖRN ANTONSSON
frá Hrísum,
Hjarðarslóð 4e,
Dalvík,
andaðist á heimili sínu 16. janúar.
Jarðsett verður frá Dalvíkurkirkju laugardaginn 23. janúar kl. 11.00.
Valgerður Guðmundsdóttir,
börn, tengdadóttir og barnabörn.
t
Móðurbróðir minn,
JAKOB ÞORSTEINSSON,
Austurgötu 34,
Hafnarfirði,
andaðist í Landspítalanum að morgni 18. janúar.
Fyrir hönd systkina,
Eyrún Hafsteinsdóttir.
t
Innilegar þakkir til allra, sem sýndu okkur samúð og vinarhug við
andlát og útför bróður okkar,
JÓNASAR ÁSGEIRSSONAR,
Sérstakar þakkir sendum við starfsfólki Grundar fyrir góða
aðhlynningu.
Guðmunda Ásgeirsdótttir,
Einar Ásgeirsson.
-Jít'