Morgunblaðið - 20.05.1993, Blaðsíða 10
(jio^c
• 'MORGUNBLAÐIÐ FIMMTUDACIJK 20. MÁf 199H
HVERSDAGSLEIKARNIR
Askorun til allra
um hreyfingu
Hversdagsleikarnir, eða Challenge Day International eins og þeir
nefnast á ensku, verða haldnir þann 26. maí nk. Þetta er í fyrsta
skipti sem Islendingar taka þátt í leikunum, sem hafa verið haldnir
frá því 1983, en hugmyndina að leikunum, eða svokölluðum áskor-
endadegi, fékk Kanadamaðurinn Rus Kirsby fyrir tuttugu árum.
Kirsby er áhugamaður um al-
menningsíþróttir og Hvers-
dagsleikamir em í raun áskorunar-
dagur í almenningsíþróttum með
það að markmiði að fá sem flesta
til að hreyfa sig á einn eða annan
máta. Má segja að hugmyndin hafi
heldur betur fengið hljómgmnn og
það víða um heim.
Fyrstu leikarnir voru einungis
haldnir í Kanada, þar sem Kirsby
fékk íbúa tveggja byggðarlaga til
að taka þátt með því að hreyfa sig
í meira en 15 mínútur á tilteknum
degi og sigraði það bæjarfélag sem
hafði fleiri þátttakendur. Áhuginn
hefur svo heldur betur vaxið og
hugmyndin fengið hljómgrunn víða
um heim, því að á Hversdagsleikun-
um á síðasta ári er talið að 20 millj-
ónir manna hafi tekið áskomn um
hreyfingu og útivist.
Hversdagsleikamir em ekki
íþróttakeppni í venjulegum skilningi
þess orðs, heidur ákveða bæir og
borgir þátttöku og er dregið um við
hvaða annan bæ eða borg hver
keppir og í raun er keppt um fjölda
þátttakenda. Sá staður sigrar sem
hefur fleiri þátttakendur.
Þátttakendur geta verið allir þeir
sem staddir em innan bæjarmark-
anna á Hversdagsleikadeginum og
skiptir þá einu hvort það em íbúar,
gestir, þeir sem sækja vinnu til stað-
arins eða skrappu bara þangað í
verslunarleiðangur.
Þátttöku þarf að skrá, en að því
loknu er hverjum þátttakenda
frjálst að hreyfa sig á þann hátt
sem hann sjálfur kýs, hvort heldur
með því að vera þátttakandi í ein-
hverri íþróttagrein, leik eða hreyf-
ingu alment, svo framarlega sem
hann hreyfir sig í minnst 15 mínút-
ur samfleytt.
Víða erlendis em þess dæmi að
hópar og fyrirtæki hafi skipulagt
sérstakar og oft á tíðum all frum-
legar uppákomur sem hafa beint
athyglinni að fyrirtækinu sjálfu og
starfsfólki þess sem hefur tekið
þátt í Hversdagsleikunum og al-
mennt hefur þátttakan vaxið jafnt
og þétt.
Hér á landi eru það Reykjavík
og Akureyri sem taka þátt í Hvers-
dagsleikunum. Reykjavík keppir við
skoska héraðið Nitsdale, en Akur-
eyringar keppa við ísraelska bæinn
Askelon. Það er því tímabært fyrir
þá sem verða staddir innan marka
Reykjavíkur eða Akureyrar að huga
að þvi með hvaða móti þeir vilja
taka þátt í leikunum, hvort þeir
ætla að hjóla, ganga, skokka,
synda, dansa, sippa, leika knatt-
spyrnu, körfubolta, handbolta, gera
æfingar eða hvaðeina annað sem
flokkast undir góða og holla hreyf-
ingu.
Svo er bara að skrá sig og taka
þátt með sínu móti þann 26. maí.
Skráning í Reykjavík er í síma
687123 eða með símbréfi 693678
og á Akureyri í símum 22722,
12098 og 27599. Sá staður sem
tapar flaggar svo fána sigurvegar-
anna næstu viku á eftir við ráðhús
sitt.
DAGSKRÁIN í REYKJAVÍK
Hversdagsleikarnir í Reylqavík
eru haldnir í samvinnu IFA og
íþrótta- og tómstundaráðs
borgarinnar, en Reykvíkingar
keppa við íbúa skoska héraðs-
ins Nitsdale, sem er um 60.000
manna samfélag.
Eiginleg dagskrá Hversdags-
leikanna í Reykjavík hefst
kl. 7.30 þann 26. maí, þegar sund-
staðir opna, en þeir verða opnir
til kl. 21.00 og aðgangur ókeypis
fyrir alla. Hins vegar verður tekið
forskot á sæluna á miðnætti þann
25. maí, þegar unglingar í félags-
miðstöðum borgarinnar hefja leik-
ana með leik og dansi í Laugar-
dalslaug. En skipulögð dagskrá
er eftirfarandi:
0.00 Sundlaugaleikar félagsmið-
stöðvanna í Laugardal
7.30. Sundstaðir í Reykjavík
opnir almenningi til kl. 21.00
10.00 Skautasvellið í Laugardal.
Upplýsingar um hlaupaleiðir og
bað og búningsaðstaða fyrir'
trimmara opin til kl. 19.00
12.00 Leikfimi á Lækjartorgi
14.00 Samtök áhugafólks um
íþróttir aldraðra með sund í Sund-
höll Reykjavíkur
17.00 Æfingahlaup Heilsuhússins
og Bylgjunnar, ÍFA og FRÍ, frá
skautasvellinu í Laugardal
Auk þessarar skipulögðu dag-
skrár verður komið upp tennis-
netum og merktum völlum á eftir-
farandi skólalóðum: við Hlíða-
skóla, Breiðagerðisskóla og
íþróttahús Hagaskóla. Auk þess
verða tennisvellir á bílastæðinu
við gervigrasvöllinn í Laugardal.
Frá Skautasvellinu í Laugardal
verða merktar skokk- og göngu-
leiðir, en einnig má benda á Ell-
iðaárdalinn og Öskjuhlíðina til
slíkrar útivem. Á skólalóðum
verða ýmsir leikir s.s. körfu-
knattleikur, knattspyrna, reip-
tog, parís, brennó o.fl. og ÍTR
hvetur starfshópa fyrirtækja og
stofnana til sameiginlegrar þát-
töku í Hversdagsleikunum, s.s.
með fimmtán mínútna göngu-
ferðum í hádegi eða kaffitíma.
Þátttökuseðlar liggja frammi í
Ráðhúsinu, á sundstöðum borgar-
innar, í félagsmiðstöðvum, heilsu-
ræktarstöðvum, Perlunni og hjá
íþróttafélögum. Þeim þarf að skila
í þar til gerða kassa á sömu stöð-
um fýrir kl. 22.00 þann 25. maí,
en einnig verður skráð þáttaka á
Rás 2 og í síma 687123 eða með
símbréfi 693678.
Reglur
leikanna
■ 1. Þátttakendur geta verið allir
sem staddir em innan borgarmark-
anna í viðkomandi borgum/bæjum,
þar með taldir íbúar, fjölskyldur,
gestir, nemendur og þeir sem vinna
á staðnum.
■2. Til að taka þátt í Hversdags-
leikunum er nóg að vera þátttak-
andi í einhverri íþróttagrein, leik
eða hreyfmgu almennt í að minnsta
kosti 15 mínútur samfellt.
■3. Þátttaka er ekki bundinn við
ákveðna staði. Alls staðar innan
borgar/bæjarmarka er hægt að
hreyfa sig, hvort heldur er heima
við, í vinnunni, í leik, í íþróttamann-
virkjum, í skólum og á bamaheimil-
um, í æskulýðsmiðstöðvum, í görð-
um o.s.frv.
■4. Til að vera með í heildarskor-
inu þarf hver einstaklingur eða
hópur að skrá sig á næsta skráning-
arstað með því að hringja eða senda
inn þar til gerð skráningarskírteini.
Hver einstaklingur má aðeins skrá
sig einu sinni.
■ 5. Keppnin fer fram 26. maí, á
tímabilinu frá miðnætti 25. maí til
kl. 22.00 að kvöldi þess 26.
■6. Sigurvegari er sú borg eða sá
bær sem hefur hærra prósentuhlut-
fall þátttakenda miðað við íbúa-
§ölda.
■7. Stolt íbúanna er í veði, því sá
bær eða sú borg sem tapar skal
láta fána vinningsaðilanna blakta
við ráðhús sitt í heila viku.
HEILSURÆKT
Að þykja vænl um
þennan eina líkama
„FÓLK sem er tilbúið að skuldbinda sig og trúir því að
það geti haldið um stjórnvölinn og tekist á við ögrandi
viðfangsefni, bregst oft við streituaðstæðum með gagnverk-
andi áhrifum — kynnir sér málin, leitar úrræða og lærir
af þeim. Einstaklingar með lítið streituþol og ráðleysisinn-
rætingu bregðast trúlega við með hörfun, veigra sér við
aðgerðum, telja sig ófæra um að breyta aðstæðum og því
er þeim ógnað af öllu sem ruggar lífsfleyinu. Það er þetta
fólk sem hættir helst til að veikjast við óvæntar aðstæður."
sinni Ræktaðu hugann og
heilsuna, sem gefin var út hér fyr-
ir síðustu jól. Og þetta eru orð að
sönnu, því hugarfar og viðhorf
geta skipta sköpum þegar kemur
að heilbrigði líkamans — þessa eina
sem við eignumst og sitjum uppi
með hvort sem okkur líkar betur
eða verr.
„Heilsuræktin verður að hefjast
í hugann ef hún á að koma að
gagni,“ segir Guðrún Bergmann,
sem vel þekkir til fræða Borysen-
kos. Guðrún, sem er framkvæmda-
stjóri Betra lífs og leiðbeinandi á
námskeiðum í sjálfsrækt, segist á
námskeiðunum verða áþreifanlega
vör við neikvætt hugarfar, sérstak-
lega kvenna, gagnvart líkömum
sínum.
„Ef ég bið konur að setja niður
á blað þau atriði sem þær era
ánægðar með hjá sér, þá er mjög
algengt að þær svari: augun, hend-
urnar, nefið, negiurnar og jafnvel
bakið. Þær eru aldrei ánægðar með
líkamann sem þeim var gefinn í
heildina. Af hveiju? Jú, það er
vegna þess að líkaminn er ekki
eins og forskriftin sem alls staðar
blasir við, það er ekki líkami ungl-
ingsstúlku á síðum tískutímarita.
Vegna þessarar óánægju em
margar konur með neikvæðar til-
finningar gagnvart eigin líkama
og neikvæðar tilfinningar draga
úr styrk og sjálfsöryggi.
Fari konur eða karlar að líta
neikvætt á þennan eina líkama sem
þau koma til með að eignast um
ævina þá er víst að honum verður
ekki sinnt af ást og álúð. Það verð-
ur farið verr með hann en heimilis-
bílinn, sem passað er upp á að
smyrja og skoða og þrífa. Samt
Við eigum bara einn
líkama sem við eigum
að vera þakklát fyrir
og- láta okkur þykja
vænt um. Því um hverja
hugsar maður betur en
þá sem manni þykir
vænt um?
er alltaf hægt að fá sér nýjan bíl.
Ég er viss um að ef ekki er
hugað að heilbrigði líkamans með
jákvæðu hugarfari af því að við-
komandi þykir vænt um sjálfan sig
og vænt um líkamann sinn, þá er
til lítils að taka ákvarðanir um
heilbrigðara líferni, mataræði og
hreyfíngu. Þá er einungis verið að
hreyfa sig eða borða hollari mat
vegna skilaboða frá utanaðkom-
andi aðilum. Ákvörðunin er ekki
tekin með heilum hug og gengur
aldrei til lengdar.
Maðurinn sem fer í megmn og
skokkar á morgnana vegna þess
að vinnufélagamir era farnir að
hafa orð á því hvað hann sé orðinn
feitur — hann hugsar ekki: Mikið
var gott að vakna svona snemma
og njóta útiverunnar. Mikið var
þetta góður matur sem ég borðaði
í hádeginu, eða mikið er ég gæfu-
samur að geta notið þess að lifa.
Nei, þessi maður hugsar sem svo
— ég missti af því að sofa út í
morgun, eða þá: ég missti af því
að fá mér súkkulaði með kaffinu.
Hugarástandið er allt á einn veg,
allt neikvætt gagnvart líkamanum
og einkennist af áhyggjum út af
einhveijum ímynduðum skorti.
Auðvitað gefst þessi maður mjög
fljótlega upp.
Við eigum bara einn líkama sem
við eigum að vera þakklát fyrir og
láta okkur þykja vænt um. Því um
hveija hugsar maður betur en þá
sem manni þykir vænt um?“