Morgunblaðið - 14.06.1994, Blaðsíða 7

MORGUNBLAÐIÐ
ÞRIÐJUDAGUR 14. JÚNÍ 1994 B 7
ÍÞRÓTTIR
Morgunblaðið/Gunnlaugur Rögnvaldsson
íina í lokaþrautinni, óð í gegnum mýri hraðast allra keppenda og var aðeins annar
»igurbraut
Búið spil
\RALDUR Pétursson ók vel í keppninni, leiddi hana annað slagið í sérútbúna flokknum.
inn missti af sigurmöguleikanum í drullupytt, festist fljótiega í lokaþrautinni.
Allt á hvolfi
AKUREYRINGURINN Einar Gunnlaugsson náði sér ekki á strik fyrr en undir
lokin. í fyrstu þraut tók hann þessa kollsteypu, en ók vel seinni hluta keppninn-
ar og náði í bronsverðlaunin.
Fimmti sigur
Schumachers
óðverjinn Michael Schumacher
vann sinn fimmta sigur á árinu
í Formula 1 kappakstri á sunnudag-
inn. Þá kom hann fyrstur í mark í
kanadíska kappakstrinum á Benetton
Ford keppnisbíl, en Bretinn Damon
Hill á Williams varð annar. Þriðja
sæti náði Frakkinn Jean Alesi á Ferr-
ari, rétt á undan Austurríkismannin-
um Gerhard Berger, sesnl einnig ók
Ferrari.
Schumacher leiddi keppnina frá
byijun og skildi keppinauta sína eft-
ir. Lengi vel hélt Jean Alesi öðru
sæti, en Damon Hill skaust þó fram-
úr honum á aflmeiri bílnum. Undir
lokin átti Alesi í vandræðum með
gírskiptinguna og bíll hans festist í
öðrum gír. Hann komst þó í enda-
mark, en félagi hans hjá Ferrari,
Gerhard Berger hafði þá saxað veru-
lega á forskot hans. Þeir félagar fá
nýhannaðan keppnisbíl í franska
kappakstrinum og vonast eftir enn
betri árangri, en mörg ár eru síðan
Ferrari hefur látið að sér kveða í
Formula 1. David Coulthard náði
fjórða sæti á Williams-bíl, en hann
tók sæti Brasilíumannsins Ayrtons
Senna í liðinu, en hann lést í San
Marino kappakstrinum. Nú er spurn-
ing hvort hann missir sæti sitt hjá
liðinu, því talsverðar umræður eru
nú um að Bretinn Nigel Mansell keppi
aftur fyrir liðið. Mansell hefur keppt
í Indy-kappakstri í Bandaríkjunum
og varð meistari í fyrra. Hann vann
um helgina Detroit-kappaksturinn,
sem er liður í Indy-meistarakeppn-
inni. Varð talsvert á undan Banda-
ríkjamanninum A1 Únser jr.
„Ég fagna því ef Nigel Mansell
mætir aftur í Formula 1 kappakstur.
Við erum hér til að beijast, Mansell
er góður og það væri gaman að kljást
við hann eins og aðra góða öku-
menn,“ sagði Michael Schumacher
eftir sigurinn í Kanada. Hann leiðir
nú heimsmeistarakeppnina með 56
stig, Damon Hill hefur 23. Munurinn
er því mikill og Williams leitar til
Mansell til að auka einnig möguleika
liðsins í keppni framleiðenda. Þar
hefur liðið 25 stig, Ferrari 32 og
Benetton 56.
Liðið vantar tilfinnanlega toppöku-
mann eftir fráfall Senna, um tíma
reyndi Frank Williams að fá heims-
meistarann Alain Prost til liðs við
sig, en það gekk ekki eftir. Hvorki
fyrir keppnistímabilið né eftir dauða
Senna. Mansell er sá eini sem gæti
haldið merki liðsins á lofti það sem
eftir lifir keppnistímabilsins. Mansell
hætti í Formula 1 árið 1992 eftir
frábæra frammistöðu, kvaðst þreytt-
ur á öllu umstanginu, slúðrinu og
álaginu sem fylgir því að keppa í
þessum hraðasta kappakstri heims.
Nú virðist hann tilbúinn að koma
aftur, enda miklir peningar i boði.
■ FINNUR Aðalbjörnsson,
margfaldur vélsleðameistari, fjár-
festi nýlega í 30 hestafla go-kart
keppnisbíl í Englandi. Hann er einn
margra sem hyggjast keppa í kapp-
akstri á go-kartbílum, en braut
hefur verið malbikuð við bílkross-
brautina í Hafnarfirði. Öflug starf- „
semi er í Kartklúbbnum í Fákafeni,
þar er braut fyrir go-kartbíla og
innan skamms verður opnuð braut
á skautasvellinu á Akureyri.
Keppnisbíll er til sýnis í Kartklúbbn-
um, en hann er aðeins íjórar sek-
úndur frá kyrrstöðu í hundrað km
hraða.
■ MICHAEL Doohan á Honda
NSR vann sinn fjórða sigur á árinu
í heimsmeistaramótinu í mótor-
hjólakappakstri á sunnudaginn.
Keppnin fór fram á Hockenheim
i Þýskalandi og leiddi Doohan frá
byijun til enda. Hann náði besta
tíma í öllum tímatökum og fór
fremstur af stað í rásmarkinu. T
■ KEVIN Schwantz hélt um
tímaí við Doohan, en um miðbik
keppninnar varð hann að gefa eft-
ir. Doohan hefur 28 stiga forskot
á Schwantz til heimsmeistara.
■ WAINE Rainey, fyrrverandi
heimsmeistari í mótorhjólakapp-
akstri, lamaðist fýrir neðan bijóst-
kassa í óhappi í keppni í fyrra.
Hann hefur þó ekki horfið frá kapp-
akstursbrautinni, heldur rekur hann
eigið Yamaha-lið í flokki 250cc
mótorhjóla. Sonur fyrrverandi
margfalds heimsmeistara, Kenny
Robei-ts, er aðalökumaður liðsins.
Hann ber sama nafn og faðir hans,
en hefur ekki getað keppt frá því
í vor vegna handleggsbrots.
H UNNAR Már Magnúson,
Karl Gunnlaugsson og Þorsteinn
Marel keppa í mótorhjólakapp-
akstri í Englandi um aðra heigi.
Þeir munu skiptast á um að aka
Honda CBR 600 í 800 km löngum
þolakstri, en hver munu aka 20-30
km spretti. Keppni af þessu tagi
er haldin tvívegis á ári í Englandi
og notuð af verksmiðjuliðum til að
prófa tækninýjungar í mótorhjólum.
■ RAGNARI SkúlasynA tor-
færukappa hefur gengið vel í mót-
um ársins, hann leiðir meistara-
keppnina í flokki götujeppa. Engu
að síður kveður hann jeppa sinn til
sölu fýrir rétt verð. Hann þráir að
taka sér hvíld frá amstrinu í kring-
um torfærumót, en segir á meðan
hann eigi jeppann, sé ekkert annað
að gera en keppa.
■ JÓN K. Jacobsen vann fyrsta
moto-kross mót ársins fyrir
skömmu. í mótinu kepptu tveir
þekktir vélsleðakappar Vilhelm
Vilhelmsson. og Gunnar Hákon-
arson íslandsmeistari í snjókrossi.
Sá síðarnefndi kvaðst aldrei hafa
upplifað aðra eins þrekraun og '
moto-kross á mótorhjóli. Hann stóð
á öndinni eftir barning í erfiðri
brautinni, en er engu að síður van-
ur erfiður vélsleðamótum. Moto-
kross er talinn en erfiðasta íþrótta-
grein sem hægt er að stunda og
krefst mikils styrks og úthalds.
Vélsleðakapparnir hyggjast keppa
í íslandsmótinu.
■ KARL Wendiinger, þýskur
Formula 1 ökumaður, sem slasað-
ist í keppni fyrir nokkrum vikum
liggur enn í dái á spítala. Hann er
einn margra ökumanna sem hafa
slasast á árinu. Margir hafa skadd-
ast á fótum hálsi og hrygg. Öku-
menn hafa stofnað með sér hags-
munasamtök, sem fyrrverandi
heimsmeistari, Nlki Lauda, er í
forsvari fyrir ásamt ökumanninum
Gerhard Berger. Þeir munu taka
út öryggi brauta og fylgjast með
reglubreytingum og koma með til- '
lögur frá ökumönnum til að auka
öryggi keppenda.