Morgunblaðið - 20.11.1994, Blaðsíða 48
UORGUNBLAÐIÐ, KRINGLAN 1 103 REYKJAVÍK
SÍMI 691100, SÍMBRÉF 691181, PÖSTHÓLF 3040 / AKUREYRI: HAFNARSTRÆTI 85
SUNNUDAGUR 20. NÓVEMBER 1994
VERÐ í LAUSASÖLU 125 KR. MEÐ VSK
Sprengt í
Breiðadals-
göngunum
SPRENGINGAR í Breiðadals-
göngum eru að hefjast um helg-
ina að austanverðu, það er Skut-
ulsfjarðarmegin, eftir flutning
tækjanna sem unnið hafði verið
með Önundarfjarðarmegin í
sumar. Notuðu bormenn tæki-
færið til að láta fara fram við-
hald á tækjunum.
Jarðgöngin i gegnum Breiða-
dals- og Botnsheiði eru þriggja
arma, Tungudalsgöng úr Skut-
ulsfirði, Botnsdalsgöng úr Súg-
andafirði og Breiðadalsgöng úr
Önundarfirði. Mætast þau í
gatnamótum undir Botnsheiði.
Búið er að grafa út Tungudals-
göng sem eru tæpir tveir kíló-
metrar og Botnsdalsgöng sem
eru tæpir 2,8 km. Breiðadals-
göngin eru lengst, tæpir fjórir
kílómetrar, og eru aðeins 900
metrar eftir af þeim. Samkvæmt
upplýsingum Björgvins Guðjóns-
sonar, jarðfræðings hjá Vega-
gerðinni, er áætlað að borinn
fari þar í gegn í mars.
Umferð hleypt á í vetur
_ Morgunblaðið/RAX
KRISTJAN Pálsson og Gunnar Þór Björnsson voru að lagfæra loftræstistokk í Breiðadalsgöngum, áður en hafist var handa við síðasta
áfanga sprengivinnunnar. Stokkurinn blæs fersku lofti inn að stafninum, sem síðan þrýstir reykmettuðu sprengiloftinu út eftir göngunum.
Vesturís er með alla sína að-
stöðu í Tungudal og Dagverðar-
dal i Skutulsfirði. I sumar var
þó borað Önundarfjarðarmegin
og þjónustan sótt yfir heiðina.
Það gengur ekki öllu lengur og
voru tækin því flutt yfir fyrir
viku og byijað aftur að austan-
verðu um helgina.
Framkvæmdir hafa gengið vel
í sumar að sögn Björgvins Guð-
jónssonar. Vatnrennsli hefur
ekki tafið fyrir eins og stundum
áður.
Reynt verður að hleypa tíma-
bundið á umferð á Tungudals- og
Botnsdalsgöng í vetur svo fólk
komist milli Suðureyrar og Isa-
fjarðar þegar heiðin er ófær.
Göngin verða tekin í notkun
næsta haust þó malbikun og ýms-
um frágangi verði ekki lokið og
verklok verða síðan haustið 1996.
Jafnframt hefur í sumar verið
unnið að vegagerð í öllum dölun-
um og byggingu vegskála við
munnana.
Umræða í bæjarráði Akureyrar um íslenskar sjávarafurðir hf.
Höfuðstöðvar ÍS verði
fluttar til Akureyrar
JAKOB Bjömsson, bæjarstjóri á Akureyri, kynnti þá hugmynd í bæjarráði
Akureyrar á fundi ráðsins sl. fimmtudag að íslenskar sjávarafurðir hf. flytji
höfuðstöðvar sínar norður til Akureyrar gegn því að Útgerðarfélag Akur-
eyringa gangi í fyrirtækið og segi sig þar með úr Sölumiðstöð hraðfrystihús-
anna. Þessi hugmynd er samkvæmt upplýsingum Morgunblaðsins komin
upp vegna þess að líklega verða íslenskar sjávarafurðir hf. húsnæðislausar
innan skamms þegar og ef samningar takast á milli aðila um sölu á Sam-
bandshúsinu. Því hefur verið rætt um að ekki væri óskynsamlegt að fyrir-
tækið setti upp höfuðstöðvar á Norðurlandi, þar sem svo stór hluti viðskipta-
vina þess er, svo sem á Sauðárkróki, Dalvík, Húsavík og Þórshöfn.
LUÐVIK JOSEPSSON LATINN
EINN helsti forystumaður ís-
lenskra sósíalista um áratuga
skeið, Lúðvík Jósepsson, fyrrum
sjávarútvegsráðherra, lést á
sjúkrahúsi í Reykjavík á föstu-
dagskvöld eftir skamma legu.
Hann var 80 ára að aldri.
Hann barðist ötullega fyrir út-
færslu íslenskrar fiskveiðilögsögu
og var sjávarútvegsráðherra þegar
hún var færð út í 50 mílur 1972.
Hann var fulltrúi flokks síns á
Hafréttarráðstefnunni í Genf.
Hann var forystumaður sósíalista
í Neskaupstað þar sem þeir hafa
haft meirihluta í um hálfa öld og
þingmaður Austfírðinga um langt
skeið. Lúðvík Jósepsson var vin-
sæll maður og vel látinn og hafði
mikil áhrif innan vinstri hreyfingar
hér á landi. Síðasta áratug hafði
hann lítil afskipti af þjóðmálum
en fylgdist þó vel með og var full-
trúi fiokks síns í bankaráði Lands-
banka Islands.
Lúðvík Jósepsson var fæddur í
Neskaupstað 16. júní 1914. For-
eldrar hans voru
Þórstína Þorsteins-
dóttir og Jósep B.
Gestsson.
Lúðvík lauk gagn-
fræðaprófí á Akur-
eyri 1933 og var
kennari við gagn-
fræðaskólann í Nes-
kaupstað 1934-
1943. Hann starfaði
við útgerð í heimabæ
sínum 1944-1948,
var um langt árabil
formaður Samvinnu-
félags útvegsmanna í
Neskaupstað og for-
stjóri Bæjarútgerðar Neskaup-
staðar frá 1948 til 1952.
Lúðvík sat í bæjarstjórn Nes-
kaupstaðar frá 1938-1970 og var
forseti bæjarstjórnar 1942-1943
og frá 1946-1956.
Hann sat á Alþingi fyrir Sósíal-
istaflokkinn og síðar Alþýðu-
bandalagið frá 1942-1979, ýmist
sem landskjörinn þingmaður eða
sem þingmaður S-
Múlasýslu, og, frá
1959, Austurlands-
kjördæmis. Frá
1956-1958 og frá
1971-1974 varLúð-
vík Jósepsson ráð-
herra sjávarútvegs-
og viðskiptamála.
Hann var formað-
ur Alþýðubandalags-
ins 1977-1980 og
formaður þingflokks
* Alþýðubandalagsins
1961-1971 og frá
1975-1979.
Lúðvík Jósepsson
sat í stjórn Fiskimálasjóðs 1947-
1953, stjórn Framkvæmdasjóðs
1966-1968 og í bankaráði Út-
vegsbankans 1957-1971.
1 bankaráði Landsbanka ís-
lands sat hann frá 1980 til dauða-
dags.
Lúðvík Jósepsson lætur eftir sig
eiginkonu, Fjólu Steinsdóttur, og
son.
Ef félagið fengi ÚA til liðs við sig
væri um stórkostlega aukningu við-
skipta að ræða, en ÚA er lang-
stærsti eigandi Sölumiðstöðvar
hraðfrystihúsanna með á milli 12%
og 13% eignarhlut.
Bærinn meirihlutaeigandi í ÚA
Samkvæmt upplýsingum Morg-
unblaðsins mun bæjarstjóri Akur-
eyrar hafa lagt áherslu á það, er
hann kynnti ofangreindar hugmynd-
ir, að ekki kæmi til þess að bæjarráð
eða bæjarstjóm myndi knýja fram
ákvörðun í þessa veru ef stjórn ÚA
væri hugmyndinni andvíg. Akur-
eyrarbær á 53% hlut í Útgerðarfé-
lagi Akureyringa og KEA á nálægt
10%.
Andstaða í stjórn
Morgunblaðið hefur upplýsingar
um að meirihluti stjórnar UA telji
þennan möguleika ekki aðgengileg-
an þar sem fyrirtækið eigi svo mik-
illa hagsmuna að gæta með við-
skiptum sínum í gegnum dótturfyr-
irtæki SH í Bandaríkjunum, Cold-
water.
Stjórnin telji ekki að hagsmuna
ÚA verði gætt með sama hætti ef
viðskiptunum verði beint í gegnum
dótturfyrirtæki ÍS í Bandaríkjunum,
Icelknd Seafood.
Ríkisendurskoðun
Einkavæðingar-
skýrsla væntanleg
FYRIR áramót eru væntanlegar
nokkrai’ skýrslur frá Ríkisendur-
skoðun. Á næstu grösum er t.d.
ítarleg skýrsla um einkavæðingu á
starfstíma ríkisstjórnarinnar, sem
Ríkisendurskoðun hefur unnið að
eigin frumkvæði.
í liðinni viku sendi Ríkisendur-
skoðun frá sér stjórnsýsluendur-
skoðun á Heyrnar- og talmeinastöð
íslands, þar sem talið er rétt að
leggja hana niður og sameina háls-,
nef- og eyrnadeild Borgarspítalans,
og spara með því 8-9 milljónir á ári.
Ríkisendurskoðandi, Sigurður
Þórðarson, telur í viðtali við blaðið,
að ákveðin tímamót séu að verða
og hér eftir muni Alþingi og fram-
kvæmdavald horfa enn frekar til
þeirra athugasemda sem stofnun
eins og Ríkisendurskoðun gerir við
stjórnsýsluna. í þessum málum sé
því ákveðinn vendipunktur nú. Enn-
fremur kemur fram, að frá því hann
fyrir 25 árum hóf störf hjá ríkis-
kerfinu hafi slaknað á aðhaldi emb-
ættismanna. Telur hann vanta sam-
ræmdar reglur.
■ Tímamót/14