Morgunblaðið - 11.06.1996, Blaðsíða 4

Morgunblaðið - 11.06.1996, Blaðsíða 4
4 B ÞRIÐJUDAGUR 11. JÚNÍ 1996 MORGUNBLAÐIÐ IÞROTTIR KNATTSPYRNA Blikastúlkur einar á toppnum Edwin Rögnvaldsson skrifar BLIK ASTÚLKUR tóku á móti sessunautum sínum á toppi 1. deildar, Akurnesingum, á Kópavogsvelli ígærkvöldi og höfðu heimamenn sigur með tveimur mörkum gegn engu. Breiðablik hafði tögl og hagldir allan leikinn sem fór að mestu fram á vallarhelming ÍA. Með sigrinum er Kópavogsliðið eitt á toppi deildarinnar. Blikar voru ekki lengi að ná yfír- burðastöðu á vellinum og léku knettinum sín á milli við vítateig- sjaðar Skaga- stúlkna. Á 12. mín- útu myndaðist loks glufa í vörn ÍA er boltinn barst inn í miðjan teiginn til Katrínar Jónsdótt- ur sem renndi honum framhjá Steindóru Steinsdóttur, markverði ÍA. Eftir mark Blikanna reyndu Ak- urnesingar að færa síg framar á völlinn en sóknaraðgerðir þeirra voru stöðvaðar í fæðingu. Blika- stúlkur voru meira með boltann en tókst ekki að skapa sér nógu góð marktækifæri. í upphafi síðari hálfleiks komu stúlkurnar úr Breiðabliki ákveðnar til leiks og strax á 53. mínútu fékk Margrét Ólafsdóttir ágætt færi í miðjum vítateig ÍA en Steindóra Steinsdóttir varði. Kópavogsliðið hélt áfram að sækja en Akurnesing- ar héldu sig aftarlega og náðu að koma í veg fyrir frekari marktæki- færj Blika. Á 71. mínútu misstu Skagastúlk- urnar einbeitinguna í vörninni eitt augnablik er há sending kom inn á teiginn og Stojanka Nikolic lagði boltann viðstöðulaust í hægra markhornið og juku Blikastúlkur forystu sína í tvö mörk. Blikarnir létu ekki þar við sitja heldur sóttu enn frekar og áttu tvær heiðarlegar tilraunir til að auka forystu sína ennfrekar. Skagastúlkur náðu að þoka sér framar á völlinn og litlu munaði að þær næðu að minnka muninn þegar Áslaug Ákadóttir skaut föstu skoti sem stefndi út við stöng en Þóra Helgadóttir, varamarkvörður Blika, varði vel. Miðað við gang leiksins áttu Blikastúlkur góða möguleika á að bæta við mörkum en Vanda Sigur- geirsdóttir var sátt í leikslok enda var þremur stigum náð, „Það er mikilvægast að vinna, sama hversu stór sigurinn er." Morgunblaðið/Golli STOJANKA Nikolic tryggði Biikum sigyrinn er hún gerðl annað mark leiksins gegn ÍA. Hér sækir Laufey Sigurðardóttir að hennl. Glæsilegt sigurmark ÍBA á AÍcureyrarvelli Kvennalið ÍBA vann góðan 3:2 sigur á liði Stjörnunnar í 1. deild íslandsmótsins í knattspyrnu IBBH^B á Akureyrarvelli sl. Kristján ' sunnudag. Staðan í Krístjánsson hálfleik var 2:2 en skrifar Erna Lind Rögn- valdsdóttir tryggði ÍBA sigur með glæsilegu marki í upphafi síðari hálfleiks. „Ég er mjög ánægður með að stelpurnar skyldu ná að rífa sig upp þrátt fyrir að lenda tvívegis undir í leiknum. Það er ákveðinn karakter í liðinu, stelpurnar hafa tekið mikl- um framförum og við þurfum ekki að vera með neina minnimáttar- kennd gagnvart öðrum liðum," sagði Hinrik Þórhallsson, þjálfari ÍBA. Stjörnustúlkur náðu forystunni strax á 3. mínútu, er Lovísa Lind Sigurjónsdóttir skoraði en Rósa Sigbjörnsdóttir jafnaði fyrir ÍBA skömmu síðar. Rósa Dögg Jónsdótt- ir kom Stjörnunni yfir á ný á 12. mínútu en nafna hennar Sigbjörns- dóttir jafnaði aftur með sínu öðru marki og þannig var staðan í leik- hléi. Það var svo Erna Lind sem tryggði heimastúlkum sigur með viðstöðulausu skoti upp undir sam- skeytin á marki Stjörnunnar á 53. mínútu. ÍBA-liðið hefur byrjað íslands- mótið mjög vel og hlotið 6 stig að loknum þremur umferðum. Liðið lagði Aftureldingu að velli í fyrstu umferð 4:2 en tapaði 0:2 fyrir ÍA í annarri umferð. Tveir stórsigrar Valsstúlkur gerðu góða ferð í Mosfellsbæinn í gærvöldi og sigr- uðu Aftureldingu, 7:0, en sex stúlk- ur skoruðu í leiknum. í Vesturbæn- um tóku KR-ingar á móti ÍBV og sigruðu 6:1. Urslit/BIO Tveir horkuleikir á dagskrá Evrópukeppni landsliða á Englandi ídag Kanchelskis óhræddur |ikil eftirvænting ríkir fyrir leik ítala og Rússa, sem fram fer á Anfield Road í Liverpool í dag. Þjálfari ítala, Arrigo Sacchi, hefur sagt við sína menn að þeir megi alls ekki bíða lægri hlut fyrir Rússum ætli þeir sér að komast upp úr hinum svokallaða „dauðariðli". Þjóðverjar verða að teljast líklegir sigurvegarar riðilsins eftir sannfær- andi sigur á Tékkum sl. sunnudag og baráttan um annað sætið mun því að öllum líkindum standa milli Itala og Rússa. Athygli vekur að Sacchi hefur hvorki valið silfurrefínn, Fabrizio Ravanelli frá Juventus, né hinn unga og efnilega Enrico Chiesa frá Sampdoria í byrjunarliðið í dag, en í staðinn munu Pierluigi Casiraghi, Lazio, og Gianfranco Zola, Parma, byrja í framlínunni. „Ravanelli hefur verið meiddur og það er dagsformið sem skiptir máli," sagði Sacchi þeg- ar hann var spurður út í val sitt á liðinu. Hann bætti ennfremur við að í framherjastöðurnar tvær hefði hann fjóra mjög góða leikmenn og valið hefði því verið erfitt. En Sacchi er ekki eini þjálfarinn í keppninni sem á í erfiðleikum. Varnarmenn Rússa ganga ekki heil- ir til skógar og nýlega varð það ljóst að hinn geysisterki Yuri Nikiforov getur ekki leikið með Rússunum í fyrsta leiknum gegn ítölum. Annað áhyggjuefni fyrir Oleg Romantsev, þjálfara Rússanna, er að leikmenn hans tapa flestum skallaeinvígum og er það því ekki að ástæðulausu að margar af síðustu æfingum Rússa hafa farið í að æfa skalla- bolta. Fjölmiðlar á ítalíu hafa þó kallað leikinn einvígi milli eins sterkasta varnarmanns heims, Paolo Maldin- is, og hins eldfljóta Andrei Kanch- elskis, sem þó er hvergi banginn: „Ég hef leikið gegn Maldini tvisvar áður og hræðist hann ekki. Hvernig á maður að geta dæmt manns eigin styrk nema með því að spila gegn þeim bestu?" sagði Kanchelskis og brosti í kampinn. En ítalirnir hugsa ekki eingöngu um knattspyrnu á Englandi og eins ,og þeirra er siður skiptir ekki minna máli að líta vel út í framan en að líta vel út á knattspyrnuvellinum. Eyddu leikmenn ítalíu dágóðum peningaupphæðum í að endurnýja búningsaðstöðu sína í Crewe og Alsager-framhaldsskólanum, en þeir létu koma þar fyrir nýjum sturtum, hárþurrkum og speglum til þess að þeir gætu litið sem best út eftir æfíngar. Iðnaðarmenn voru yikum saman að endurnýja aðstöðu ítalanna og að eigin sögn eru leik- menn ánægðir með árangurinn, en hvort útlitið nýja kemur Itölum að gagni á knattspyrnuvellinum kemur væntanlega í ljós í dag. Króatartilbúnir Við miklu er búist af liði Króata í Evrópukeppninni og þeir hefja leik í dag gegn Tyrkjum. Leikmenn þessa litla, nýstofnaða lýðveldis í fyrrum Júgóslavíu segja ekki erfitt að búa sig andlega fyrir baráttuna í dag. Segja þjáningar landa sinna í stríðinu á Balkanskaga hafa þjappað þeim vel saman. „Friður hefur ríkt í eitt ár en við erum samt staðráðnir í að sigra því það er mjög mikilvægt fyrir Króatíu," sagði framherjinn Davor Suker og fyrirliðinn Zvonimir Boban, leik- maður AC Milan, sagði: „Knatt- spyrna er fólkinu í Króatíu mikil- vægari en nokkur önnur íþrótt." Þeir segjast þó ekki vanmeta Tyrki, sem taka nú þátt í úrslita- keppni stórmóts í fyrsta sinn síðan 1954, er þeir voru með í HM. Sterk- asta hlið Tyrkjanna eru stórhættu- legar skyndisóknir og reiknað er með að þær geti reynst vel gegn Króötum. „Margir leikmanna liðsins vilja sækja stíft að andstæðingun- um en í nútíma knattspyrnu verða menn að hugsa fyrst um vörnina," sagði Króatinn Suker. Stórtap gegn Dönum í SLENSKA piltalan dsliðið í handknattleik, skipad leik- mönnum 20 ára og yngri, tapaði illa fyrir Dönum 35:19 í síðari lciknum i 8. riðli E vrópukeppninnar á siiun u- dagogerþarmeðurleikí keppninni. íslenska liðið vann Finna 26:19 í fyrri Ieiknum. Danir unnu Finna einnig stórt, 29:13, og komast í úrslit keppninnar. Arnar Pétursson ur tBV var marka- hæstur í íslenska liðinu í báð- um ieikjunum; gerði 8 mörk á móti Döi it i m og 7 mörk á móti Finnum. Úrslitakeppni Evrópumóts- ins fer fram í Oradea í Rúmcníu 16.-25. ágúst í sum- ar. Þau lið sem I eika þar eru Króatía, Daumörk, Tékkland, Fortugal, Frakkland, og Sví- þjóð sem leika í A-riðli, og í B-riðli leika Júgoslavía, Grikkland, Hvíta-Rússland, Rússland og Rúmenía. FOLX ¦ ÍTÖLSK dagblöð voru allt ann- að en hrifin af frammistöðu ehska liðsins í opnunarleiknum gegn Sviss. Gazzetta dello Sport sagði í fyrirsögn að enska liðið hefði verið eins og „sauðir á Wembley". íþróttafréttamaður La Repubblica sagði að leikurinn hefði verið hund- leiðinlegur. „Ef marka má þennan leik eru Englendingar líklega með slakasta liðið í keppninni." ¦ ÍTALSKA landsliðið lék æfinga- leik gegn unglingaliði Stoke City á laugardaginn og vann aðeins 2:0. Arrigo Sacchi landsliðsþjálfari gaf leikmönnum sínum þau skilaboð eftir leikinn að aðeins þeir sem væru tilbúnir að leggja sig fram yrðu í byrjunarliðinu í dag gegn Rússum og átti þá við leikmenn Juventus og AC Milan sem honum fannst ekki leggja nógu hart að sér gegn Stoke. „Leikurinn var frekar hægur vegna þess að leikmenn tóku ekki neina áhættu á að meiðast," sagði Sacchi. ¦ FABRIZIO Ravanelli, leikmað- ur Juventus, og Gianfranco Zola, Parma, voru í framlínunni gegn Stoke. Enrico Chiese, sem hefur aðeins leikið einn landsleik, kom inn á sem varamaður í síðari hálfleik og skoraði annað markið og gerði um leið tilkall til þess að vera val- inn í byrjunarliðið í dag. Byijunarliðin á Anf ield ÍTALSKA byrjunarliðið gegn Rúss- um á Anfield Road í Liverpool í dag samanstendur af leikmönnum frá einungis fjórum Iiðum: AC Milan, Juventus, Parma og Lazio, en liðs- uppstilling ítala í leiknum gegn Rússum í dag er eftirfarandi: Peruzzi, Mussi, Costacurta, Apolloni, Maldini, Di Livio, Albertini, Di Matteo, Del Piero, Zola og Casiraghi. Nokkrir leikmanna Rússa hafa hins vegar verið meiddir undanfarið en líklegt byrjunarlið þeirra er: Kharin, Kovtun, Tetradze, Onopko, Yanovsky, Kanchelskis, Mostovoi, Tsymbalar, Karpin, Kiryakov og Kolyvanov. Ekki var búið að tilkynna byrjun- arliðin í viðureign Króatíu og Tyrk- lands í gærkvöldi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.