Morgunblaðið - 11.09.1998, Page 43

MORGUNBLAÐIÐ
FÖSTUDAGUR 11. SEPTEMBER 1998 43
HESTAR
Aukin menntun ger-
ir greinina sýnilegri
Morgunblaðið/Rax
Hrossaútflutningur
gengur vel
HEILDARÚTFLUTNINGUR á
hrossum frá áramótum var í gær
kominn upp í 1.142 hross sam-
kvæmt upplýsingum frá Félagi
hrossabænda. Á sama tíma á síð-
asta ári höfðu verið flutt út 1899
hross eða 757 fleiri en nú.
Langflest hross hafa verið flutt
út til Svíþjóðar og Þýskalands,
eða 371 til Svíþjóðar og 331 til
Þýskalands. í þriðja sæti er síðan
Danmörk með 141 hross. Á þess-
um tíma í fyrra höfðu aftur á móti
flest farið til Þýskalands eða 593,
492 til Svíþjóðar og 162 til
Kanada.
Allt árið í fyrra voiu 2.566 hross
flutt úr landi til fimmtán landa.
FRAMBOÐ á menntun viðvíkj-
andi hrossarækt og hesta-
mennsku hefur verið að aukast á
undanförnum árum. Framhalds-
skólinn í Skógum, sem setti í
fyrra á fót hestabraut, og Hesta-
skólinn á Ingólfshvoli í Ölfusi,
sem tekur til starfa í haust, hafa
farið þess á leit við Félag tamn-
ingamanna að fá að útskrifa
tamningamenn úr þessum skól-
um. Að sögn Ólafs Hafsteins Ein-
arssonar, formanns FT, er málið
flóknara en svo að hægt sé að
taka ákvörðun um þetta strax, en
stjórn félagsins fjallaði um málið
á fundi sínum í vikunni.
Ólafur sagði í samtali við Morg-
unblaðið að námið sem þessir
skólar byðu upp á væri lofsvert
framtak og yrði greininni áreiðan-
lega til framdráttar. Hins vegar
væri menntun tamningamanna nú
bundin í lögum félagsins og sam-
kvæmt þeim væri aðeins um tvær
leiðir að ræða að tamningamanna-
prófi FT. í fyrsta lagi þyrftu þeir
sem það þreyttu að hafa stundað
nám í skóla sem útskrifaði bú-
fræðinga og í öðru lagi gætu
reyndir tamningamenn fengið
undanþágu og tekið prófið utan
skóla. Ef breyta ætti þessu þyrfti
að gera lagabreytingu, sem aðal-
fundur félagsins þyrfti að sam-
þykkja.
Auk þess er félagið samnings-
bundið við Bændaskólann á Hól-
um þar sem nám í tamningum og
reiðkennslu hefur farið fram á
undanförnum árum. Sérstök reið-
kennslunefnd, skipuð félögum í
FT og fulltrúum skólans, hefur
séð um að þróa námið á Hólum.
Þróunin hefur verið sú að námið
er orðið hluti af menntakerfi
landsins og lánshæft hjá Lána-
sjóði íslenskra námsmanna.
Ólafur sagði að nú stæðu fyrir
dyrum breytingar á náminu. Með-
al annars verður fyrsta árið á
Hólum almennt undirbúningsnám
og ekki boðið upp á að taka tamn-
ingaprófið fyrr en að loknu öðru
ári, ekki fyrsta ári eins og nú er.
Hann segir að hugsanlega verði
hægt að stunda þetta undirbún-
ingsnám í öðrum skólum í fram-
tíðinni og þá kæmu áðurnefndir
skólar auðvitað til greina. Allt of
snemmt væri þó að fullyrða nokk-
uð um það.
Nú hefur einnig tekist samstarf
með Bændaskólunum á Hólum og
Hvanneyri um að þeir nemendur
sem stunda búvísindanám á
Hvanneyri geti sérhæft sig í
hrossarækt og hestamennsku á
Hólum á þriðja og síðasta árinu.
En leiðin liggur líka í hina áttina.
Að sögn Bjöms Þorsteinssonar,
rannsóknarstjóra á Hvanneyiá, hef-
ur aðsókn að búvísindadeildinni þar
aukist mikið og er nú í sögulegu há-
marki. Aftur á móti segir hann
áhyggjuefni að aðsókn að almennu
búfræðinámi sé að minnka. Björn
segir að í vetur muni um þrjátiu
manns stunda nám við búvísinda-
deildina, þar af sautján á fyrsta ári.
Hlutfall nemenda sem koma þang-
að af hrossaræktarbraut á Hólum
hefur aukist mikið og verða þeir
a.m.k. sex í vetur. Björn segist
sannfærður um að nú sé greinilega
að verða fagleg vakning innan
hrossaræktarinnar. Með þessu
fólki sé að vaxa fram ný kynslóð
breiðmenntaðra búfræðikandidata
sem hafa hross fyrir meginvið-
fangsefni. Námið mun nýtast til
dæmis þeim sem hafa áhuga á að
gerast ráðunautar og ef heldur
fram sem horfir ætti að verða
meira úi-val af vel menntuðum
ráðunautum í greininni en hingað
til hefur þekkst auk kennara. Auk
þess mun fólk sem lýkur þessu
námi og fer út í einkarekstur á
hrossabúum hafa allt annan bak-
grunn í fagþekkingu búrekstrarins.
Það kom fram í máli bæði Ólafs
og Björns að aukin menntun í
hrossarækt og hestamennsku eigi
eftir að gera greinina sýnilegri, -
koma búgi-eininni úr undirdjúp-
unum upp á yfirborðið, eins og
Björn orðaði það.
Laufí og Hans óumdeilan-
legir sigurvegarar í tölti
Ársþing Landssambands
hestamannafélaga
Kjörnefnd
gerir tillögu
um skipan
stjórnar
STJÓRNARKJÖR á ársþingi
Landsambands hestamannafélaga
verður með nokkuð öðrum hætti
en verið hefur áður eftir samein-
ingu LH og Hestaíþróttasam-
bands Islands. Skipuð hefur verið
kjörnefnd sem mun gera tillögu
um skipan stjórnar en síðan ræðst
það á sjálfu þinginu hvort um ein-
hver mótframboð verður að ræða
eða tillaga kjömefndar samþykkt.
I kjömefnd hafa verið skipaðir
Guðmundur Jónsson fyrrverandi
formaður LH sem er formaður
nefndarinnar, Sigbjörn Björnsson
fyrrverandi stjórnarmaður í LH
og Jón Ólafur Sigfússon fram-
kvæmdastjóri landsmótsins í sum-
ar.
Ljóst er að Sigurgeir Bárðarson
núverandi gjaldkeri mun ekki gefa
kost á sér til áframhaldandi setu en
aðrir stjórnarmenn munu gefa svar
á næsta stjómarfundi hvort þeir
gefi kost á sér til áhramhaldandi
setu í stjórn. Arsþingið er að þessu
sinni haldið á Akureyri 30. til 31.
október nk. og verða tillögur sem
leggja á fyrir þingið að berast
skrifstofu LH í síðasta lagi fjómm
vikum fyrir þing. Gei-t er ráð fyrir
að þingstörf muni mjög einkennast
af sameiningarferlinu en almennt
tekur um tvö ár að ganga frá öllum
endum tengdum því.
Aðalfundur Alþjóðasambands
eigenda íslenskra hesta (FEIF)
verður haldinn í London 26. og 27.
september nk. og munu fulltrúar
Islands á fundinum verða Birgir
Sigurjónsson formaður LH og
Kristinn Hugason hrossaræktar-
ráðunautur en auk þeirra munu
mæta á fundinn til ráðuneytis Sig-
urður Sæmundsson sem situr í
íþróttanefnd FEIF og Hallgrímur
Jónasson framkvæmdastjóri LH til
að kynna sér málefni samtakanna.
HESTAR
Andvaravellir í
G a r ö a b <r
OPIÐ MEISTARAMÓT
ANDVARA
HANS Kjerúlf og Laufi frá Kollu-
leiru höfðu erindi sem erfiði að
austan frá Reyðarfirði eftir átta
tíma ferðalag aðra leiðina. Þeir voru
hinir öruggu sigurvegarar, vel yfir
átta í bæði forkeppni og úrslitum
8,47 og 8,93 og ljóst að þar fer besti
töltari landsins. Sigurbjörn Bárðar-
son kom næstur á Oddi frá Blöndu-
ósi með 8,29 í úrslitunum en hafði
verið í fimmta sæti eftir forkeppn-
ina með aðeins 7,13 sem þykir
knappt á þeim bænum. Hafa ber í
huga að einn dómarinn gaf rúmlega
heilum lægri einkunn en hinir tveir.
Hugrún Jóhannsdóttir og Blær frá
Sigluvík féllu úr öðru sæti í fjórða
sætið, fyrst og fremst fyrir yfirferð-
ina þar sem þau voru lægst í úrslit-
um. Sævar Haraldsson og Glóð frá
Hömluholti héldu sínu þriðja sæti
og Vignir Siggeirsson og Kjarkur
féllu um eitt sæti.
Óhætt er að segja að dómarar
töltkeppninnar hafi oft á tíðum
sungið hver með sínu nefi því af
þeim tuttugu og sjö keppendum
sem fengu dóm var aðeins í fjórum
tilvikum minni munur en 0,5 á milli
efsta og lægsta dómara og í tólf til-
vikum var munurinn 1,0 eða meira.
I úrslitum var útkoman mun betri
en þá munaði í fjórum tilvika 1,0 eða
meira á hæsta og lægsta dómara.
Úrslit
Tölt
1. Hans Kjerulf á Laufa frá Kollu
leiru, 8,47/8,93.
2. Sigurbjörn Bárðarson á Oddi frá
Blönduósi, 7,13/99,50.
3. Sævar Haraldsson á Glóð frá
Akureyri, 7,40/7,53.
4. Hugrún Jóhannsdóttir á Blæ frá
Sigluvík, 7,63/7,44.
5. Vignir Siggeirsson á Kjarki frá
Egilsstaðabæ, 7,23/7,24.
Morgunblaðið/Valdimar Kristinsson
LAUFI FRÁ Kolluleiru og Hans Kjerúlf voru öryggið uppmálað í töltkeppninni
og var sigur þeirra mjög sannfærandi.
Hita-
sóttin að
ganga
yfir
HITASÓTTAR hefur nú
orðið vart í hrossum uin
allt land. Að sögn Sigríðar
Björnsdóttur, dýralæknis
hrossasjúkdóma, hefur
henni ekki borist vitneskja
um ný tilfelli að undan-
förnu. Hins vegar væru til-
fellin oft svo væg að fólk
verður ekki vart við veik-
ina. Hún telur að hitasóttin
muni brátt ganga yfir, en
enn sé hún eitthvað að
malla í hrossum.
Sigríður segir að svo
virðist sem sóttin hafi verið
vægari á stöðum þar sem
hross eru fá og dreifð svo
sem á Vestfjörðum. Nú er
verið að byija að smala
hrossum af afréttum, en
ekki segist hún hafa haft
spurnir af því hvort hross
hafi veikst eða drepist á
fjalli.
Þegar banni við útflutn-
ingi var aflétt voru settar
reglur um að hross sem
flutt eru út þurfi að hafa
verið í sóttkví. Sigríður
segir að vel hafi gengið
með sóttkvíarnar. I byrjun
hafi nokkrum sinnum
komið upp smit og þá hafi
þurft að fresta útflutningi.
Hún telur þó að af þessu
hafi ekki hlotist mikið
tjón.
Þrátt fyrir að stöðugt sé
verið að vinna að því að
finna orsakir veikinnar
hafa engar nýjar niðurstöð-
ur komið fram. Sigríður
segir mögulegt að veiran sé
af þeirri tegund sem ógern-
ingur sé að rækta. Rann-
sóknum verður þó haldið
áfram.