Morgunblaðið - 07.02.1999, Blaðsíða 19
MORGUNBLAÐIÐ
SUNNUDAGUR 7. FEBRÚAR 1999 B 19|p
► RAPPARINN
Warren Beatty í
niyndinni
„Bulworth".
BEATTY hefur leikið í, leik-
stýrt og framleitt bíómyndir
í fjóra áratugi og fáir þekkja
betur innviði Hollywood-kerfisins.
Myndir hans undanfarna tvo ára-
tugi hafa vakið athygli og umtal,
engin þó eins og Rauðir eða
„Reds“ frá árinu 1981. Svo er
einnig um „Bulworth", sem Beatty
gerði á síðasta ári og fékk fína
dóma gagnrýnenda vestra. Warren
leikur hinn lífsþreytta stjórnmála-
mann Jay Billington Bulworth sem
ákveður vegna sérstakra persónu-
legra aðstæðna að gera það sem
hann lystir viku fyrir þingkosning-
ar og m.a. segja það sem honum
býr í brjósti og sleppa öllum fagur-
gala. Hann er orðinn dauðleiður á
sjálfum sér og lýðskruminu sem
fylgir pólitíkinni og kosningunum
og ekki hvað síst amast hann út í
tangarhaldið sem stórfyiirtæki
hafa á stjórnmálamönnum og fer
allt í einu að tala um bilið á milli
ríki-a og fátækra í Bandaríkjunum;
tekur t.d. að segja svertingjum
hvers vegna þeim muni alltaf verða
haldið niðri - og það er aðeins
byrjunin.
Hamskipti
stjórnmálamanns
Sjálfur segist Beatty alltaf hafa
verið demókrati og á árum áður
tók hann þátt í pólitísku starfi. En
„nú er orðið erfitt að greina á milli
demókrata og repúblikana því þeir
eru styi-ktir af sama ríka fólk-
inu svo mér finnst ég vera ut-
angátta í Demókrataflokkn-
um. Ég mundi vilja að hann
hyrfi aftur til hugsjónanna
sem hann barðist fyrir þegar
ég tók þátt í pólitíkinni,“ segii’
hann í samtali við kvikmynda-
tímaritið Neon.
Beatty skrifar handrit, fram-
leiðir, leikstýrir og leikur aðal-
hlutverkið í „Bulworth" en með
önnur stór hlutverk fara Halle
Ben-y, Oliver Platt, Don Chea-
dle og Paul Sorvino. Þegar
myndin hefst hefur öldunga-
deildarþingmaðurinn íhalds-
sami, Bulworth, ekki fest svefn
eða getað borðað svo dögum
skiptir. í kosningaáróðri sínum
talar hann um vaxandi innflytj-
endavandamál og alltof háan
kostnað við velferðarkerfið. Að-
eins viku fyrii- kosningar gerir
hann samning við risastórt
h'yggingafyrirtæki um að kjósa
gegn nýju tryggingafrumvai’pi og
fá í staðinn líftryggingu upp á
milljónir dollara í nafni dóttur
sinnar. Eftir það kemur hann því
svo fyrir að hann verði myrtur.
Það veitir honum auðvitað
ákveðið frelsi í kosningabaráttunni
og hann hellir sér í slaginn af end-
urnýjuðum þrótti því nú getur
hann leyft sér að segja hvað sem er
og haga sér að vild; hann byrjar á
því að segja á fundi með svertingj-
um að Demókrataflokkurinn vilji
ekkert hafa með þá að gera vegna
þess að þeir geti ekki gefið flokkn-
um neina peninga. Hann ræðst á
gyðingana sem stjórna drauma-
verksmiðjunni Hollywood, klæðir
sig eins og hipp hoppari og rappar
frammi fyrir ríka liðinu á fjáröflun-
arsamkomu fyrir flokkinn; „Segið
þetta ljóta orð, sósíalismi," hrópar
hann.
Harmrænn
farsi
Myndin er sögð fínasta háðs-
ádeila þar sem Beatty gengur ansi
langt til þess að gera sig hlægileg-
an en það er víst ekki minnstur
hlutinn af gamninu. Leikarinn seg-
ist hafa kynnt sér til hlítar rapp-
heiminn en galdurinn var að hann
þurfti að vera afkáralegur rappari
og hlægilegur. „Ég fór létt með að
vera lélegur rappari,“ segir hann.
Rithöfundurinn NoiTnan Mailer
kallaði myndina harmrænan farsa.
„Við erum að fást við öfgar og tök-
um mjög öfgafull dæmi,“ segir
Beatty, „og það er það fyndna við
myndina. Ef ekki er neitt til að
hlæja að erum við í vondum mál-
um.“ Hann segist vilja vekja at-
hygli með myndinni á því bili sem
myndast hefur milli ríkra og fá-
Beatty og
stjórnmálin
Bandaríski leikarinn
og leikstjórinn Warren
Beatty rappar í nýj-
_ ustu mynd sinni,
,,Bulworth
er pólitísk háðsádeila
um stjórnmálamann
sem tekur að haga sér
allundarlega nokkru
fyrir kosningar.
sem
Arnaldur Indriða
son kynnti sér feril
Beattys og nýju
EKKI hefðbundin Ilollywood
mynd; Beatty sem stjórnmála
maðurinn Bulworth.
myndina hans.
◄ BEATTY
leikur stjórn-
málamann
sem tekur
mjög róttæk-
um breyting-
.
MEÐ strákunum í hverfinu; úr „Bulworth".
tækra í Bandaríkjunum og að það
bil sé alltaf að breikka. „Mér er
sama þótt ég móðgi eitthvert fólk
vegna þess að ég er ekki í pólitík.
Ég þarf ekki á atkvæðum að
halda. Ég bý við þann mikla mun-
að að geta sagt það sem mér sýn-
ist.“
Beatty er fæddur árið 1937 og er
yngri bróðir Shirley MacLaine.
Hann lék í fjölda bíómynda á sjö-
unda áratugnum, þeirra þekktust
er líklega „Splendor in the Grass“,
þar til hann vakti heimsathygli
ásamt Faye Dunaway árið 1967 í
Bonnie og Clyde, sem hann fram-
leiddi sjálfur. Hann tók sér hlé í
þrjú ár og lék næst í kvikmyndinni
„The Only Game in Town“ árið
1970 og árið eftir í mynd Robert
Altmans, „McCabe and Mrs. Mill-
er“. Hann lék m.a. í samsæristryll-
inum góða „The Parallax View“ en
síðan kom önnur mynd sem hann
framleiddi og ski-ifaði handrit að
ásamt Robert Towne, Sjampó; hún
var mjög vel sótt og hann var út-
nefndur til Óskarsins fyrir handrit-
ið. Beatty fékk orð á sig fyrir að
taka sér góðan tíma í að undirbúa
myndirnar sínar og það liðu þrjú
ár þar til hann sendi frá sér þá
næstu, „Heaven Can Wait“, sem
hann byggði á mynd frá 1941,
„Here Comes Mr. Jordan"; hann
skrifaði handritið ásamt Elaine
May, leikstýrði ásamt Buck
Henry, framleiddi og fór með aðal-
hlutverkið en mótleikkona hans
var Julie Christie, sem einnig hafði
verið í Sjampóinu; Beatty hlaut
fjórar Oskarstilnefningar.
Enn liðu þrjú ár og þá gerði
hann það sem margir mundu segja
að væri hans meistarastykki,
Rauða. Það var rómantískt drama
um rússnesku byltinguna eins og
hún kom bandaríska kommúnist-
anum og blaðamanninum John
Reeds fyrir sjónir og enn gegndi
Beatty öllum helstu störfunum við
gerð hennar og átti hana raunar
með húð og hári. Sex ár liðu þar til
hann lék í gamanmyndinni „Isht-
ar“ eftir vinkonu sína, Elaine May,
en litið var á myndina sem mistök.
Eftir það gerði Beatty Dick Tracy
byggða á samnefndri teikni-
myndahetju og réð Madonnu til að
leika á móti sér og átti í ástarsam-
bandi við hana á tímabili (hann
hefur lengi haft orð á sér að vera,
kannski ásamt Jack Nicholson,
mesti kvennabósi draumaverk-
smiðjunnar). Eftir það gerði hann
bestu mynd sína frá dögum
Rauðra en það var „Bugsy“,
sem fjallaði um glæpafor-
ingjann Bugsy Siegel.
Þremur ái’um síðar
gerði hann mis-
heppnaða ást-
armynd með
eiginkonu
sinni, Ann-
ette Bening,
„Love Affa-
ir“.
Kvik-
mynda-
gerðin
breyst
Eins og sést á
þessari yfirferð hef-
ur Beatty gei-t bæði
metnaðarfullar, per-
sónulegar myndh’ og
myndir sem eiga að
höfða sérstaklega til
áhorfenda og fellur
„Bulworth" í fýrr-
nefnda flokkinn.
Hún er að vonum
mjög lituð af hans
eigin pólitík, sem
mótuð var á sjöunda
áratugnum, og lýsir
hvernig stjórnmálin
í Bandaríkjunum,
óréttlætið í samfé-
laginu og kynþátta-
misréttið kemur hon-
um fyrir sjónir í dag.
En hann talar einnig
um hvernig kvikmynda-
gerðin hefur breyst á
þeim áratugum frá því
hann gerði Bonnie og
Clyde. „Það besta við tíma-
blilið sem stundum er kallað
„gullöld" bandarískra kvikmynda,
eftir að stóru kvikmyndaverin
misstu tökin á hæfileikafólkinu og
áður en menn fóru að dreifa
hasarmyndum í 3.000 kvikmynda-
hús, er að enginn vissi hvað gekk í
áhorfendur. Þá var ekki farið eins
mikið eftir vinsældakönnunum og
áhorfendakönnunum og allskonar
könnunum um hvað fólk vill. Þá
fóru kvikmyndagerðannennirnir
eftir sinni eigin sannfæringu og
tilfinningu. Við horfum með sökn-
uði til þessa tímabils. Við fáum
ekki lengur að gera það sem við
viljum.“
Nema í undantekningartilvikum
og „Bulworth" er eitt slíkt. Heiti
maður Warren Beatty í Hollywood
er líklegi-a að maður geti gert það
sem honum dettur í hug. „Ég
þurfti aldrei að hafa áhyggjur af
því hvort þessi mynd ætti eftir að
græða eða ekki og „Bulworth" er
kannski sú mynd mín sem er hvað
óhefðbundnust og alls ólík því sem
Hollywood stendur fyrir.“
Næsta mynd Beattys er róman-
tíska gamanmyndin „Town and
Country" með Diane Keaton en
leikstjóri er Peter Chelsom.