Morgunblaðið - 10.08.1999, Blaðsíða 11

MORGUNBLAÐIÐ
LANDSMÓT í GOLFI
ÞRIÐJUDAGUR 10. ÁGÚST 1999 B 111
gerði mikið gagn.“
Hvernig tókstu á því að vera með
svo mikla forystu, sérstaklega á
síðari níu holunum?
„Það eina sem ég stefndi að var
að leika undir þrjú hundruð högg-
um. Ég fékk skolla á þrettándu og
fjórtándu, sem eru báðar auðveldar
holur, en náði að rífa mig upp úr því
og náði markmiðinu."
Þú varðst íslandsmeistari í
fyrsta sinn fyrir tveimur árum, en í
kjölfarið fór í hönd tímabil þar sem
þú náðir ekki að fylgja góðum ár-
angri eftir. Geturðu lýst því?
„Hugarfarið var einfaldlega ekki
rétt og einbeitingin var engin. Ég
vann allt árið áður og gekk mjög
vel. Hugsanlega bjóst ég við að
þetta héldi áfram án þess að ég
þyrfti að æfa. Ég missti einbeiting-
una og áhugann. Ég vann á golf-
vellinum til kiukkan fjögur á dag-
inn og hafði í raun fengið nóg þegar
vinnudeginum var lokið, þótt það
hefði verið mjög gaman. Ég nennti
ekki að æfa. Ég ákvað því að vinna
ekki á golfvellinum í sumar,“ sagði
Ólöf María, sem sá um leikjanám-
skeið á vegum Hafnarfjarðarbæjar
í sumar.
Hvernig brástu við á Landsmót-
inu í fyrra, þegar þú varðst að horfa
á eftir bikarnum?
„Það var allt annað en skemmti-
legt. Ég vann útsláttarmótið á Nes-
inu skömmu áður. Það fannst mér
meiriháttar og missti einbeitinguna
í Landsmótinu sjálfu eftir það. Ég
sló vel fyrstu tvo dagana, en ef ég
man rétt var ég með þrjátíu og átta
pútt á fyrri hringnum og fjörutíu og
eitt á þeim síðari. Ég mætti ekki
með réttu hugarfari til leiks og
keppnisskapið var ekld fyrir
hendi.“
Ertu mikil keppnismanneskja?
„Já, ég myndi segja það,“ segir
Ólöf og hlær. „Sem barn mátti ég
ekki einu sinni tapa í ólsen ólsen.“
Hvernig áhrif hefur keppnisskap
á írammistöðu kylfinga?
„Það hefur mikið að segja. Þetta
er nauðsynlegt. Golf er þannig
íþrótt að menn geta leikið vel en
orðið óheppnir. Þá má ekki gefast
upp, heldur verða menn að sýna
hörku,“ segir Ólöf María.
Hún hefur áður lagt stund á
handknattleik og knattspyrnu á
yngri árum. Knattspyrnuiðkuninni
hætti hún fljótlega eftir að hafa
byrjað í golfi, en þá var hún þrettán
ára. Handknattleikinn stundaði hún
öllu lengur, eða allt þar til hún hóf
nám í Iþróttaháskólanum haustið
1997 - lék með FH allt þar til hún
fór til Fram í eitt ár.
Ólöf María hyggur á háskólanám
í Texas-ríki í Bandaríkjunum eftir
áramót, en fyrst heldur hún til
Winchester í Englandi, þar sem
hún sækir enskuskóla auk þess að
leika golf.
Jón Eiríksson, faðir og
kylfusveinn Ólafar Maríu
„Spilaði eins
og engill“
JÓN Eiríksson, faðir Ólafar Mar-
íu Jónsdóttur, íslandsmeistara
kvenna, var kylfusveinn hjá dóttur
sinni á Landsmótinu. Jón lamaðist
fyrir neðan mitti í hörmulegu
bflslysi fyrir þremur árum og ók um
Hvaleyrina á sérútbúnum bíl með
kylfur Ólafar. „Hann sagði að hann
yrði hreinlega að vera kylfusveinn
hjá mér í Landsmótinu, vegna þess
að ég hef unnið öll mót þar sem
hann hefur dregið fyrir mig,“ segir
Ólöf María, en Jón hefur oft verið
henni innan handar á golfvellinum,
gerði það fyrst árið 1993. „Við náum
mjög vel saman og ég er róleg og
yfirveguð þegar hann er með mér,“
segir Ölöf.
Jón var afar stoltur af leik dóttur
sinnar í mótinu. „Hún spilaði eins
og engill, eins og það væri enginn
þrýstingur á henni. Hún lét það
heldur ekki á sig fá þegar hún gerði
mistök eða eitthvað kom uppá. Hún
vissi vel að margir tugir högga eru
slegnir á einum golfhring og að hún
yrði bara að taka slæmu höggunum
eins og hverju öðru,“ sagði Jón.

■
Morgunblaðið/Golli
VIÐ náum mjög vel saman og ég er róleg og yfirveguS þegar hann er með mér,“ segir Ólöf María
um föður sinn, Jón Eiríksson, sem var kylfusveinn hjá dóttur sinni á Landsmótinu.
Morgunblaðið/Golli
LEIKUR Ólafar Mariu Jónsdóttur skaraði framúr í meistaraflokki kvenna. Ragnhildur Sigurðardóttir úr GR, helsti keppinautur hennar,
náði ekki að velgja henni undir uggum og ekkert varð úr einvíginu mikla sem spáð var þeirra á milli.
Elías og
minkurinn
ELÍAS Magmísson, sem vann
sem framásveinn á Landsmót-
inu á Hvaleyrinni, komst í
kynni við mink nokkurn á
sunnudag. Frammásveinar sjá
um að fylgjast með boltum er
þeir eru slegnir yfir holt og
hæðir eða á staði þar sem erfitt
er að fylgjast með þeim. Elías
var við störf á þriðju brautinni,
sem er stutt par-4 hola, og
fylgdist með teighöggum næst-
síðasta ráshópsins i meistara-
flokki kvenna þegar minnkur-
inn skaut upp kollinum. Hraun-
drangarnir, sem Elías hafðist
við á er hann sinnti skyldu
sinni, eru rétt framan við flöt-
ina, sem kylfingamir þurfa að
slá yfir hyggjist þeir ná alla
leið á flötina. „Þetta var svolít-
ið skondið því ég vissi ekki í
hvora fótinn ég átti að stíga.
Hann var ekki meira en metra
frá mér og var eflaust jafn-
undrandi og ég - hvæsti á
mig,“ sagði Elías. „Það er
sennilega greni þarna. Ég hef
séð mink þarna áður og litla
tófu skammt frá Álverinu. Það
er greinilega mikið líf þama,“
sagði hann, en Álverið í
Straumsvík er ekki langt und-
an þegar kylfingarnir leika
þriðju brautina.