Morgunblaðið - 24.11.1999, Qupperneq 52

52 MIÐVIKUDAGUR 24. NÓVEMBER 1999
I DAG
MORGUNBLAÐIÐ
AFMÆLI
SIGURÐUR
HALLMARSSON
Vinur minn og
æskufélagi Sigurður
Hallmarsson leikari,
fyrrverandi kennari,
skólastjóri og fræðslu-
stjóri, er 70 ára í dag.
Hann er fæddur á
Húsavík og hefur nær
allan sinn starfsaldur
dvalið þar. Eg er bú-
inn að þekkja Sigurð
frá því við ólumst upp
saman á Stangarbakk-
anum en Helgastaðir
þar sem Sigurður, eða
Diddi eins og hann var
þá kallaður, átti heima
var mikil fjölskyldumiðstöð því auk
foreldra hans bjuggu þar líka föður-
afí hans og -amma og föðursystir
með sína fjölskyldu. Það er margs
að minnast frá þessum glöðu æsku-
dögum en kannski muna flestir eftir
Didda með harmonikuna, en hann
var farinn að spila fyrir dansi aðeins
tíu ára gamall. Síðan hefur tónlistin
átt í honum sterk ítök. Hann er
snillingur að leika á harmonikuna
en hann hefur líka tekið að sér að
stjórna bæði lúðrasveit og kór. Þá á
málaralistin ríkan þátt í Sigurði og
enn er hann afkastamikill á því
sviði. Fjölmargar einkasýningar
hefur hann haldið. Hann hefur mál-
að bæði með olíu og vatnslit en
vatnsliturinn hefur dregið hann
meira og meira til sín. Hann mennt-
aði sig í þessum geira með því að
stunda nám til réttinda sem mynd-
menntakennari auk þess að vera í
einkanámi hjá Pétri Friðriki list-
málara. En sú listgrein þar sem
framlag hans er mest er leiklistin.
Hann er búinn að standa á leiksviði
í yfír 50 ár. Þar hefur hann fengist
við að túlka persónur í mörgum
verkum heimsbókmenntanna, jafnt
erlendum sem íslenskum. Færni
hans á þessu sviði er með því besta
sem gerist hjá íslenskum leikurum.
Ógleymanleg eru mörg hlutverkin
eins og í Puntilla og Matta, Tehúsi
ágústmánans og Ef ég væri ríkur,
svo á eitthvað sé minnst. Þá hefur
hann stjómað fjölda uppsetninga
víða um land og setti m.a. á svið
Síldin kemur - síldin fer í Færeyj-
um. Þau leiktjöld sem hann hefur
hannað og málað eru ófá.
Sigurður hefur haft mikið yndi af
hestum gegnum tíðina og var for-
maður Hestamannafélagsins Grana
á Húsavík nokkur ár og stjómar-
maður í Landssambandi hesta-
mannafélaga. Það var haft eftir
Gunnari heitnum Bjarnasyni
hrossaræktarráðunaut að hann
hefði sagt um Stjömu í Amarnesi
að hún væri hafsjór af hæfileikum.
Þessi lýsing á vel við vin minn Sig-
urð Hallmarsson.
Hann er einmitt haf-
sjór af hæfileikum.
Nánast allt sem Sig-
urður sneri sér að virt-
ist leika í höndunum á
honum. Það var haft
eftir aldraðri konu á
Húsavík einhverju
sinni er til stóð að
kjósa prest á Húsavík
að það væri ástæðu-
laust, Sigurði yrði ekki
skotaskuld úr að leysa
það verkefni. Hann
hafði þá reyndar í
nokkur ár verið fram-
kvæmdastjóri Sjúkrahúss Húsavík-
ur og meðal annars aðstoðað við
uppskurði.
En þótt afrekaskrá Sigurðai' sé
löng og fjölbreytt, því hér hefur að-
eins verið drepið á hluta af þeim
fjölmörgu félagsstörfum sem hann
hefur sinnt um ævina, er það þó
maðurinn sjálfur og kynnin af hon-
um sem mest hafa gefið. Samleið
okkar í gegnum lífið hefur verið
nokkuð náin. Sem fyrr segir vomm
við nágrannar í æsku. Síðar vorum
við saman í Kennaraskóla Islands
og útskrifuðumst saman. Við urðum
svo samstarfsmenn á Húsavík þau
ár sem ég var þar skólastjóri. Við
áttum mikla samleið í hestamennsk-
unni og höfum í gegnum tíðina haft
mikil samskipti þótt við byggjum
hin síðari ár hvor á sínu landshorn-
inu. Sigurður er einstaklega
skemmtilegur félagi. Hann er frá-
bær eftirherma og afbragðs sögu-
maður. Það var því alltaf tilhlakk að
hitta hann þegar komið var tii
Húsavíkur bæði til að rifja upp
gamla daga og spjalla saman um
fólk og hross.
Nú er Sigurður að æfa hlutverk í
leikriti sem Leikfélag Húsavíkur
frumsýnir í Samkomuhúsi Húsavík-
ur næsta laugardag undir stjórn
Hallmars sonar hans. Þessi sýning
er þakklætisvottur leikfélagsins fyr-
ir óeigingjamt framlag þeiira hjóna
í þágu félagsins, en Herdís Birgis-
dóttir kona Sigurðar leikur einnig í
þessu verki en hún hefur verið mót-
leikari hans í gegnum tíðina bæði í
eiginlegri og óeiginlegri merkingu.
Þau hjónin hafa því í sameiningu
lagt stórt og mikið lóð á vogarskál í
menningarsögu Húsavíkur. Fyrir
byggðarlagið í heild sinni var það
ómetanlegt að þau skyldu velja sér
þar búsetu. A þessum tímamótum
flytjum við hjónin Sigurði og fjöl-
skyldu hans innilegar hamingjuósk-
ir. Sigurður og Herdís taka á móti
gestum í sal Dvalarheimilisins
Hvamms á Húsavík nk. laugardag.
Kári Arnórsson.
BRIDS
Umsjón Arnór G.
Ragnarsson
Bridsfélag
Hafnarfjarðar
EFTIR 8 umferðir af 10 í aðal-
sveitakeppninni er staðan nú
þannig.
Sveit Högna Friðþjófssonar 164
sveit Huldu Hjálmarsdóttur 163
sveit Guðmundar Magnússonar 131
I fjölsveitaútreikningi eru þessi
pör nú efst: (spilaðir leikir í
sviga). Aðeins þau pör sem hafa
spilað helming þeirra leikja, sem
lokið er, koma til greina við röðun
í sæti.
Friðþj. Einarss. - Guðbrandur Sigurbergss.
21,00(7)
Hulda Hjálmarsd. - Hallur Pórólfss.
20,00(4)
Hulda Hjálmarsd. - Andrés Þórarinss.
18,19(4)
Björn Amars. - Halldór Þórólfss. 18,19 (4)
Jón N. Gíslas. - Snjólfúr Ólafss. 16,16 (8)
Það stefnir sem sagt í hörku-
baráttu í síðustu tveimur umferð-
unum bæði hvað varðar meistara-
titilinn í sjálfri sveitakeppninni og
eins um efsta sætið í fjölsveitaút-
reikningum en það gefur rétt til
spila fyrir hönd félagsins í Kjör-
dæmakeppninni í vor.
Nýtt netfang BSÍ
Bridgesamband Islands hefur
fengið nýtt netfang:
bridge@bridge.is Ný slóð á
heimasíðu BSI er:
http://www.bridge.is
Islandsmót kvenna í tvímenn-
ingi verður spilað um næstu
helgi. Spilamennska hefst laugar-
dag kl. 11.00. Skráning í s.
587 9360 eða bridge@bridge.is
Evrópumót í paratvímenningi
og parasveitakeppni verður hald-
ið á Rimini, Ítalíu, 18.-24. mars
2000. Allar nánari upplýsingar og
skráning á skrifstofu BSI.
Landstvímenningur 1999
Landstvímenningur 1999 og
Samnorræni tvímenningurinn
verður spilaður víða um land
föstudaginn lO.des. nk. (ath.
breyting frá áður auglýstri dag-
skrá.)
Að þessu sinni eru það Norð-
menn sem sitja við stjórnvölinn.
Þau bridsfélög sem hafa hug á að
vera með eru beðin um að hafa
samband við skrifstofu BSÍ sem
fyrst.
VELVAKAMH
Svarað í síma 569 1100 frá 10-12 og 13-15
frá mánudegi til föstudags
Hið kristna
tímatal
„BRÁÐUM koma blessuð
jólin“ og þá fáum við enn
að heyra gleðiboðskapinn:
„Yður er í dag frelsari
fæddur... og englarnir
sungu: Dýrð sé Guði í
Upphæðum. Og við syngj-
um: Heims um ból, helg
eru jól, signuð mær son
Guðs ól... „ og: „I Bet-
lehem er barn oss fætt.“
Við þennan einstæða at-
burð hér á jörð „Er Guðs
son gjörðist maður ...“ við
fæðingu hans, er hið
kristna tímatal miðað, en
ekki við 1 árs afmæli þessa
barns. Þess vegna eru
aldamót og árþúsundamót
nú, er 1999 og 2000 mæt-
ast. Börn fæðast ekki 1
árs. Það gerði Jesúbarnið
heldur ekki. Við fæðingu
upphefst fyrsta aldursárið
og að 365 dögum liðnum er
eins árs afmæli fagnað.
Lítum á málstokk, hann
byrjar á 0, en eftir 100 mm
kemur 1 cm. Á þessum
einföldu staðreyndum er
vakin athygli, því enn
halda áfram að birtast
langar greinar í Morgun-
blaðinu, sem hafna 0, en
þrábenda á 1, sem upphaf
alls. Þótt menn á fyrri tíð
kunni að hafa ruglast í
ríminu í þessu sambandi,
þá skulum við ekki við-
halda því rugli, heldur nú
á komandi aðventu, sem
mun þýða „tilkoma“ að
sögn gamla prestsins
míns, skulum við búa okk-
ur undir komandi jól -
einnig hið innra - sem
verða hin síðustu á þessari
öld og árþúsundi. Lifið
heilir, lesendur góðir. I
Guðs friði.
HVÞ
Þakklæti
EG vil koma á framfæri
þakklæti til O. Johnson og
Kaaber fyrir frábært
framtak að taka að sér að
flytja inn efni í smákökur
sem heitir Butterscotch
molar. Þetta kemur frá
Bandaríkjunum og hefur
aldrei verið til sölu hér
fyrr en nú. Þar sem bökun-
artíminn er framundan þá
er þetta notað í smáköku-
bakstur. Bestu smákökur
sem ég hef smakkað eru
kökur þar sem þessir mol-
ar eru notaðir. Fólk á öll-
um aldri er yfir sig hrifið
af þessum kökum. Upp-
skriftina má finna aftan á
umbúðunum. Nýkaup sel-
ur góðgætið en það er í
lagi að benda þeim í Ný-
kaupi á að setja þetta í hill-
urnar hjá bökunarvörun-
um en ekki í sælgætis-
deildina. Þetta bjargar al-
veg jólabakstrinum. Kær-
ar þakkir.
Edda.
Tapað/fundið
Barnasokkur
Á GÖNGU okkar „stíflu-
hringinn“ fundum við vin-
konurnar afar fallega
prjónaðan smábarnasokk.
Sokkurinn er bleikur og
hvítur með fallegu mynstri
og er áreiðanlega hluti af
stærra setti. Ef einhver
kannast við að hafa týnt
slíkum sokk, þá vinsamleg-
ast hafðu samband í síma
587-8686.
Drengjaúlpa
týndist
FYRIR um það bil mánuði
týndi 7 ára strákur úlpunni
sinni á Stór-Reykjavíkur-
svæðinu. Hann fór þennan
dag vítt og breitt um
Reykjavík og nágrenni.
Úlpan er dökkblá með
grænum ermum og hettu-
laus. Skilvís finnandi er
beðinn að hafa samband
við Klöru í síma 588-7087.
Svört hliðartaska
týndist
SVÖRT hliðartaska með
GSM-síma o.fl. týndist fyr-
ir utan Aistró á Verslunar-
skólaballi aðfaranótt föstu-
dagsins 19. nóvember sl.
Skilvís finnandi hafi sam-
band við Bryndísi í síma
862-8995.
Dýrahald
Kettlingur óskast
KETTLINGUR óskast,
helst gul læða, u.þ.b. átta
vikna, um jólaleytið. Upp-
lýsingar hjá Þórhildi í síma
896 3351.
SKAK
limsjnn Margeir
Pétnrsson
STAÐAN kom upp í viður-
eign tveggja stórmeistara á
þýska meistaramótinu sem
var að ljúka. Robert
Hiibner (2.595) hafði hvítt
og átti leik gegn Jörg Hickl
(2.550).
18. d6! - cxd6
19. Rf5 - Dc7
20. Bxb7
Dxb7 21. Rxd6
- De7 22. Rxe8
- Hxe8 23. a3
og með skipta-
mun yfir vann
Hiibner skák-
ina örugglega.
(Svartur gaf
eftir 23. - h5
24. axb4 - hxg4
25. hxg4 - De6
26. f3 - He7 27.
Hadl - f5 28.
Hd8+ - Kf7 29.
Dd3 - fxg4 30. Hd6 og
svartur gafst upp.
Hiibner sigraði á mótinu
með 7 vinninga af 9 mögu-
legum, en aðflutti Rússinn
Rustem Dautov kom næst-
ur með 6V2 v. Hubner, sem
er 51 árs að aldri hefur
þrátt fyrir glæsilegan feril
aðeins einu sinni áður orðið
Þýskalandsmeistari. Það
var árið 1967!
Takk,
manni!
Víkverji skrifar...
AFSKAPLEGA er hvimleitt að
sjá til ferða ökumanna sem
ekki hafa haft hugsun á því (og er
það þó miklu fremur hreinræktuð
leti) að skafa snjó og klaka af rúð-
um og lpktum. Nú er vetur farinn
að sýna sig og nauðsynlegt að
sýna dugnað á þessu sviði.
Það er eiginlega hámark letinn-
ar að geta ekki varið svo sem einni
mínútu og örlítilli orku að skafa
rúður þannig að ökumaður sjái út.
Auðvitað á það að gilda um annað
og meira en smáglufu í framrúð-
una, ökumaður verður að hafa alla
rúðuna hreina og líka hliðarrúður.
Og það er ekki síður nauðsynlegt
að skafa af luktunum því þær geta
ekki fremur en mannsaugað „séð“
gegnum holt og hæðir, eða þykkt
snjólag.
Ef leita á skýringa á því hvers
vegna sumir ökumenn, sem eru á
ferðinni snemma morguns án þess
að hafa skafið rúður, má helst láta
sér koma í hug að skafan sé ekki
við hendina, það sé búið að vera
svo milt veður í haust að engin
ástæða hafi verið til að færa sköf-
una úi' skottinu eða ná í hana úr
bílskúrnum. Víkverji hallast þó
miklu fremur að upphaflegu skýr-
ingu sinni, að um sé að kenna leti.
xxx
UR ÞVÍ farið er að fjalla um
umferðina getur Víkverji al-
veg haldið áfram nöldrinu. Það er
nefnilega aldeilis merkilegt
hversu margir ökumenn aka eftir
einhverjum sérlögum og reglum,
sem virðast aðeins gilda um þá en
ekki okkur hin sem reynum að
hafa í heiðri það sem við lærðum
fyrir bílprófið. Á þetta ekki síst
við um umferðarljós. Sumir virð-
ast halda að þau séu miklu fremur
til skrauts en að hafa einhverja
stjórn á umferð á gatnamótum.
Þegar umferð er mikil er mjög al-
gengt að menn aki yfir löngu eftir
að rauða ljósið er farið að loga.
Ökumenn skáka í því skjólinu að
ekki hafi þá enn skipt yfir á grænt
fyrir hina og er það mikið rétt en
það gefur þeim samt sem áður
engan rétt til að halda áfram eftir
að rautt ljós er komið. Þetta veld-
ur því líka að þeir sem eru í vinstri
beygju og bíða þess að umferðinni
á móti sloti geti komist leiðar
sinnar, hreinsað gatnamótin áður
en grænt kemur hjá hinum.
Annað dæmi má minnast á sem
ökumenn sem virðast „eiga“ götur
og stræti eru afskaplega duglegir
við að nýta sér. Það eru þessi sér-
stöku bílastæði sem þeir notfæra
sér, til dæmis á gangstéttum,
þannig að umferð gangandi manna
truflast, við gular línur, t.d. þar
sem brunahanar eru, í stæðum
sérmerktum fyrir fatlaða en oft
má sjá (að því er virðist) vel hreyf-
anlegt fólk stíga út úr bílum á slík-
um stæðum. Það er svo þægilegt
að leggja þar af því stæðið er
ónotað og rétt við búðardyrnar!
Það er þetta almenna skeyting-
ar- og kæruleysi sem einkennir of
oft umferðina hjá okkur á höfuð-
borgarsvæðinu. Og á náttúrlega
ekki bara við umferðina, þetta er
kannski hluti af hinni margum-
ræddu þjóðarsál; við erum bara
svona og teljum okkur ekki geta
breytt neinu.