Morgunblaðið - 08.02.2000, Síða 2

2 B ÞRIÐJUDAGUR 8. FEBRÚAR 2000
MORGUNBLAÐIÐ
KNATTSPYRNA
Verða að veva tilbúnir
að leggja sig fram
Morgunblaðið/Kristinn
Atli Eðvaldsson, landsliðsþjálfari, klappar Indriða Sigurðssyni á kollinn á Norðurlandamótinu á La Manga á Spáni.
Atli Eðvaldsson stjórnaði landsliði íslands í
knattspyrnu í þremur leikjum á Norður-
landamóti karlalandsliða á La Manga á
Spáni í síðustu viku og voru þetta fyrstu
leikir liðsins undir hans stjórn. Landsliðs-
þjálfarinn segir í samtali við Skúla Unnar
Sveinsson að hann sé mjög sáttur við
árangurinn, jafntefli í einum leik og tveir
sigrar, en segir margt ógert því þetta hafí
aðeins verið upphafíð og enn sé margt sem
megi laga og bæta.
ð fórum á vissan hátt nokkuð
blint í þetta mót enda margir
leikmenn sem við gátum ekki fengið
lausa, en ég vil samt ekki gera mikið
úr því og tel að okkar sterkasta lið sé
alltaf það lið sem við getum teflt fram
á hverjum tíma. Menn geta verið
meiddir eða ekki átt heimangengt af
einhverjum sökum og þá er bara að
taka því. Við vissum þegar við fórum
í þetta mót að það yrði erfitt því það
er erfitt að leika þrjá leiki á fimm
dögum, bæði líkamlega fyrir leik-
mennina og einnig er leikið það ört
að lítið er hægt að fara yfir þá hluti
sem maður vill leggja áherslu á. Við
leikum einn daginn og daginn eftir er
létt æfing þar sem menn hlaupa úr
sér þreytuna og við fórum aðeins yfir
helstu atriði næsta leiks sem er
næsta dag. Það gafst því ekki mjög
mikill tími til að fara yfir leikkerfi, en
mér sýnist strákamir samþykkja
það kerfi sem ég vil leika eftir og
þegar búið er að móta stefnuna er
miklu auðveldara að taka einstaka
menn inn og aðlaga þá henni. Það
litla sem við náðum að vinna með í
þessari ferð gafst vel og ég er ánægð-
ur með margt í leik liðsins. Við fórum
aðeins yfir vörnina en sóknin sat á
hakanum að þessu sinni,“ segir Atli.
Hann sagði fyrsta leikinn gegn
Norðmönnum hafa verið vel leikinn á
margan hátt, sérstaklega hafi vam-
arleikurinn verið sterkur. „Svo kom
leikurinn á móti Finnum sem vannst,
en hann var á vissan hátt ekki eins
góður. Við gerðum breytingar á lið-
inu og einbeitingin var ekki eins mik-
il og í leiknum á móti Norðmönnum
þar sem allir vora mjög vel með á
nótunum. Leikurinn við Færeyjar
var svo allt, allt öðravisi. Við stjóm-
uðum leiknum og í fyrri hálfleik var
leikur okkar allt of rólegur og það
gerðist afskaplega lítið en í leikhléi
spurði ég strákana hvort þeir treystu
sér til að auka við hraðann og þeir
sögðust geta það. Eftir að hraðinn
jókst áttu Færeyingar ekkert svar
og okkur tókst að sigra. Færeyingar
komu mjög ákveðnir til þessa leiks
enda töldu þeir tækifærið til að sigra
ísland loksins komið, en þeir
sprangu í síðari hálfleiknum en ekki
við. Ég tel að við höfum skilað mikilli
og góðri vinnu á þessum stutta tíma
sem við höfðum. Hugmyndin er kom-
in og strákarnir era sáttir við það
sem er verið að leggja fyrir þá enda
er mjög auðvelt að vinna eftir þessu
kerfi.“
- Hvaða kerfi er það sem þú ætlar
að leggja áherslu á?
„Eg legg ofboðslega mikla áherslu
á þegar við töpum boltanum að menn
séu fljótir að koma sér í sínar stöður í
vöminni. Maður er oft spurður hvort
liðið manns ætli að sækja í hinum og
þessum leiknum og við því er einfalt
svar því liðið sækir þegar það er með
boltann. Það er ekki enn búið að
finna leið til að sækja þegar mótheij-
inn er með boltann. Ég segi því að
það þurfi að finna bestu leiðina til að
veijast og það er auðvitað best að
verjast þegar allir era fyrir aftan
boltann, á milli hans og eigin marks.
Ég legg því áherslu á að við komumst
í þá stöðu sem fyrst eftir að við töp-
um boltanum. Við reynum að hægja
á sókn mótherjanna á meðan við er-
um að koma okkur í þessa stöðu og
þegar allir eru mættir á sinn stað í
vörninni byijum við að reyna að ná
boltanum af mótherjanum og reyn-
um að þvinga hann til að fara inn á
þau svæði þar sem hentugast er að
ná af honum boltanum og sækja síð-
an hratt. Þetta kom vel í ljós þegar
við komumst þrír inn fyrir vöm Fær-
eyinga á lokamínútunum, boltinn
vannst á miðsvæðinu og við komumst
þrír inn fyrir vömina. Færið nýttist
raunar ekki en það er önnur saga. Til
að leika svona þarf mikinn aga og of-
boðslega mikla þolinmæði, ekki bara
smátíma heldur í 90 mínútur. Ef okk-
ur tekst þetta þá held ég við séum í
góðum málum. Það kom til dæmis
nokkrum sinnum fyrir í leiknum
gegn Finnum að við sóttum of hratt,
við lentum í sókn tveir á móti hellingi
af vamarmönnum og í stað þess að
halda boltanum töpum við honum
strax. Þetta hefur sínar skýringar, í
hópinn vantar menn með gríðarlega
mikla reynslu, menn sem geta tekið
af skarið og gert hlutina og þegar
það er nýr þjálfari vilja strákarnir
kannski sýna hvað þeir geta, og þeir
geta þetta þó svo aðstundum sé þol-
inmæðin í sókninni betri en að taka
boltanum strax. Þetta era hlutir sem
ég held að lagist með tímanum. Fyrir
næsta landsleik verða þrír dagar til
undirbúnings og þá er hægt að fara
betur yfir hlutina. Við Ásgeir Sigur-
vinsson voram að ræða um að koma
með ákveðnar leiðir sem strákamir
geta nýtt sér við ákveðnar aðstæður,
ekki eitthvað sem þeir eiga að fara
eftir heldur frekar leiðir til að leita í
við ákveðnar aðstæður, hvemig eigi
að leysa upp og annað því um líkt.“
- Nú er hópur þeirra leikmanna
sem hafa leikið landsleik og eru enn
að spila á fullu orðinn ansi stór. Verð-
ur ekki erfitt að velja landslið þegar
allirgefa kost á sér?
„Jú, það er alltaf erfitt að velja lið,
enda vili maður leyfa öllum að spUa.
Ég held það sé óhætt að segja að það
séu um 25 leikmenn í þeim hópi sem
kemur til greina, sumir era mjög
ungir en það er aldrei að vita hvenær
þeir fá tækifæri og gætu orðið fastir
menn í liðinu fljótlega. Auðvitað
byggjum við á þeim kjama sem við
teljum sterkastan hverju sinni, en
það hefur mikið að segja að menn séu
tilbúnir að leggja sig fram fyrir liðið.
Norskir fjölmiðlar sögðu til dæmis
fyrir leikinn við okkur að sterkt lið
Norðmanna ætti ekki að vera í nein-
um vandræðum með að vinna þar
sem það vantaði svo marga í okkar
Uð. Annað kom á daginn enda var
samstaðan mjög mikil í okkar hópi og
það hefur gríðarlega mikið að segja.“
- Varst þú sérlega ánægður með
einhverja í ferðinni?
„Ég var mjög ánægður með strák-
ana sem era með reynsluna og era í
forystuhlutverkum í hópnum. Stráka
eins og Rúnar Kristinsson, sem er
búinn að leika alla þessa leiki, hann
er bara einn af hópnum og það sama
má segja um þá alla, Birki, Pétur og
hvem sem er. Þeir taka á sig
ákveðna og mikla ábyrgð en eru á
sama tíma miklir félagar allra. Her-
mann og Pétur unnu mjög vel saman
í vöminni og ég er mjög ánægður
með það og einnig vora miðjumenn-
irnir duglegir að hjálpa þeim við að
stöðva sóknarmenn mótherjanna."
- Er landsliðsþjálfarastaðan fullt
starfhjáþér?
„Nei, ég er ekki í fullu starfi hjá
KSÍ. Þetta era svona skorpur sem
era teknar og ég vinn eins mikið við
þetta þess á milli og þarf. Það kemur
langur tími á milli landsleikja og ég
sé mig ekki í þeirri stöðu að vera að
búa mér til eitthvað að gera, segjum
til dæmis nóvember og desember,
það er ekki mikið að gerast í íslenskri
knattspyrnu þessa mánuði. Ég held
að ég sé þannig gerður að ég verði að
hafa aðra vinnu, bæði til að losna að-
eins frá fótboltanum því þó að maður
sé alltaf að hugsa eitthvað um fót-
bolta er gott að losna aðeins frá hon-
um. Auðvitað er ég með hugann við
landsliðið en á ákveðnum tíma árs er
afskaplega lítið sem maður getur
gert í tengslum við landsliðið. Það er
frábært starfslið hjá KSÍ og ég fæ
allt upp í hendurnar þannig að það
eina sem ég þarf í raun að gera er
það sem snýr að leik liðsins sem ég
vel hverju sinni.“
- Áttu von á að framhald verði á
Norðurlandamótinu eins og það var
núna?
„Já, og ég vona það svo sannarlega
því á La Manga er frábær aðstaða og
ekki hægt að hugsa sér hana betri.
Það er mjög gott fyrir þjálfara að
vera á svona stað þar sem auðvelt er
að halda fullri einbeitingu því þama
er í rauninni ekkert sem glepur, eng-
inn bær til að vera að rápa um og því
um líkt. Ég heyrði ekki betur en allir,
þjálfarar og forráðamenn Norður-
landaliðanna, hefðu verið í sjöunda
himni með allt og því vona ég að
framhald verði á,“ sagði Atli Eð-
valdsson, landsliðsþjálfari karla í
knattspymu.
I