Árbók Hins íslenzka fornleifafélags - 01.01.1990, Side 95

RANNSÓKNIR í VIÐEY
99
Mynd 4. Ljósmynd af rúst, sem talin er vera af miðaldakirkju Viðeyjarklausturs. ígegnum rústina
liöfðu verið teknar grafir á 18. öld, sem bendir til þess að kirkjati hafi þá verið með öllu horfin.
(Ljósmynd: Árbœjarsafn, Margrét Hallgrimsdóttir, 1988).
slíkt hafi haldist einnig eftir siðskipti.24 Umhverfis rústina voru leifar
miðaldagrafreits, sem styrkir þá skoðun.
Af úttektum Munkaþverárklausturs og Þingeyraklausturs að dæma
virðist það sameigínlegt með húsaskipan þeirra að þungamiðja klaust-
ursins hafi verið í sjálfum klausturbænum, sem hefur verið af húsagerð
gangabæjar í samræmi við íslensk stórbýli á síðmiðöldum. Úttekt
Munkaþverárklausturs bendir til þess að auk klausturbæjarins hafi hin
eiginlegu klausturhús, þ.e. ábótastofa, málstofa og konventuhús, verið
gegnt klausturbænum í námunda við klausturkirkjuna og grafreitinn.
Á Þingeyrum má rekja sig aftur til ársins 1684 er gerð var úttekt á
klausturstaðnum, en ljóst er að einhverjar breytingar hafa orðið á hús-
unum frá siðskiptum. Kemur frarn að þá hafi innihús verið 30 talsins.
í frambæjarlengjunni voru m.a. prestaskáli, stóriskáli og langabúr og
voru húsin samtals 45 m að lengd. Líklegt er að húsaskipan hafi haldið
24. Kristinréttur fomi. Kirknaþáttur. Grágás Ia, bls. 14.