Árbók Hins íslenzka fornleifafélags - 01.01.1990, Side 113

RANNSÓKNIR í VIÐEY
117
Mynd 18. Vaxspjald 4A. Á þeirri hlið er kirkjulegur texti á latínu í átta lieilum línum, sem ekki
hefur tekist að lesa nema að litlu leyti. (Ljósmynd: Þjóðminjasafn íslands, ívar Brynjólfsson,
1991).
yngri. Skýringin á því er trúlega sú að íslenski textinn hafi verið
skrifaður á auðan vaxflöt þar sem eldri skrift kynni að hafa verið strokin
út áður. Skriftina á hollensku textunum og þeim latneska segir Stefán
Karlsson ólíka íslenskri skrift, þannig að engar líkur eru á að á þau hafi
verið skrifað af íslenskum manni. Ekkert verður hins vegar fullyrt um
hvort þessir textar hafa verið skrifaðir erlendis eða af hollenskum manni
hér á landi. í síðarnefnda tilvikinu lætur Stefán sér detta í hug að Maríu-
kvæðið hollenska hafi verið skrifað á spjöldin með það fyrir augum að
það yrði þýtt á íslensku í Viðeyjarklaustri.
Gozewijn Comhaer, hollenskur biskup í Skálholti á 15. öld
f ljósi þess að á vaxspjöldunum er hollenskur kirkjulegur texti er
athyglisvert að á árunum 1435—1446 var Hollendingurinn Gozewijn
Comhaer, munkur af reglu Karþúsa, biskup í Skálholti og kann hér að
gæta áhrifa frá honum. Fyrstu frásögn af tímabili Gozewijns sem Skál-
holtsbiskups er að finna í skjali dagsettu 22. nóvember 1436 gefnu út af
Hinrik VI. í Westminster. Þar stendur að biskupi skuli heimilt að fara
til íslands með fylgdarliði og að skipa út vistum, nauðsynjavörum til