Fréttablaðið - 02.07.2001, Page 10

10
FRÉTTABLAÐIÐ
2. júlí 2001 MÁNUUDACUR
ERLENT
Stærsti mjólkurvöruframleiðandi
Evrópu, Arla Foods, tilkynnti í
síðustu viku að 19 mjólkurbúum
þess yrði lokað. Það þýðir að 1050
manns í Danmörku og Svíþjóð verð-
ur sagt upp. Lokanirnar eru hluti af
fimm ára áætlun fyrirtækisins sem
hyggst færa út kvíarnar á alþjóða-
vettvangi. Fyrirtækið varð til í
fyrra með samruna danska fyrir-
tækisins Arla og sænska fyrirtæk-
isins MD Foods.
39.000 Danir gengu í hnappheld-
una á síðasta ári. Það er 9,6%
aukning síðan árið á undan. Ekki
hafa fleiri gengið í hjónaband síðan
1969. 857 hjón skildu hins vegar á
siðasta ári.
Einkaframkvæmdir sveitarfélaga:
Bókhaldsreglur
í smíðum hjá Páli
Arsreikningar Nefnd á vegum félags-
málaráðuneytisins er að vinna að
gerð reglna um það hvernig einka-
framkvæmd skuli færð í bókhald og
ársreikninga sveitarfélaga. Þessi
reikningsskila- og upplýsinganefnd
ráðuneytisins tók við af bókhalds-
nefnd Sambands íslenskra sveitar-
félaga sem gaf á sínum tíma út leið-
beiningar til sveitarfélagana. Sá eðl-
ismunur er á starfi þessara nefnda
að þær reglur sem ráðuneytisnefnd-
in mun gefa út um málið hafa ígildi
reglugerðar.
Óvíst er hvenær þessar reglur
verða gefnar út. Gunnlaugur Júlíus-
son hagfræðingur Sambands ís-
lenskar sveitarfélaga sem situr í
nefndinni af hálfu sambandsins seg-
ir að verið sé að vinna að gagna- og
upplýsingasöfnun um efnið. í því
skyni hafa margir sveitarstjórnar-
menn komið til fundar við nefndina
að undanförnu. Meðal sveitarstjórn-
armanna eru skiptar skoðanir um
það hvort einkaframkvæmd eigi að
færa í bókhald sem fjárfesting eða
rekstur. Harðar deilur hafa orðið um
þetta og m.a. í bæjarstjórn Hafnar-
fjarðar. ■
RÁÐHERRANN OC FORMAÐURINN
Verið er að bregðast við nýrri hugsun í vinnubrögðum sveitarfélaga.
Undarlegur
knattspyrnusamningur:
Þarf að
borða soðinn
kindaheila
Ipróttir. Ljóst er að nýundirritaður
samningur knattspyrnumannins
Spencer Prior við enska liðið Cardiff
City verður lengi í minnum hafður
sem einn sá undarlegasti sem um get-
ur. Samkvæmt sérstöku ákvæði í
samningnum þarf Prior á samnings-
tímanum að leggja sér til munns
hrútspunga og soðinn kindaheila.
Ákvæði þetta var sett í samninginn
fyrir tilstuðlan eiganda félagsins,
hins líbanska Sam Hamman, sem trú-
ir því að hnossgætið muni hjálpa leik-
mönnum liðsins við að komast upp úr
2. deildinni. Á frét'avef Reuters kem-
ur fram að Prior, sem keyptur var frá
Manchester City á .im 150 milljónir
króna, hafi hins vegar neitað að
borða matinn hráan, eins og fyrst var
lagt til í samningnum. „Þetta hlýtur
að vera skrýtnasti samningurinn í
sögu knattspyrnunnar," sagði Prior.
„En ég hef alltaf verið til í að prófa
eit.hvað nýtt.“ ■
Stór hluti Aðalstrætis
verður að hlutabréfum
Reykjavíkurborg er þátttakandi í Minjavernd hf. og greiðir hlutaféð, 107 milljónir króna,
með mörgum eignum í miðborginni.
minjavernð Minjavernd, sem var
sjálfseignarfélag, hefur verið breytt
í hlutafélag. Reykjavíkurborg er
meðal hluthafa og á um 40 prósenta
hlut í félaginu, að verðmæti 107
milljónir króna. Borgin greiddi sitt
hlutafé með eignum, en þær eru;
Geysishúsið, en það er fasteignin
Aðalstræti 2 og Vesturgata 1 ásamt
lóðum, Grjótagötu 4 ásamt lóðarrétt-
indum, lóðirnar Aðalstræti 14, 16 og
18 og Túngötu 2 og 4, samtals um
1.800 fermetrar og húsinu Aðalstræti
16.
Auk þessara eigna verður stór
hluti fasteignagjalda og gatnagerðar-
gjalda felld niður í sex ár. Þetta er
metið á 10 milljónir. Samningurinn
var gerður síðastliðið haust og í hon-
um segir að endurskoðandi Minja-
verndar hf. hafi; „metið eignirnar og
staðfest með skýrslu sinni að þær séu
hæfileg greiðsla fyrir hlutabréfin."
Gerður var leigusamningur um
Geysishúsið og gildir hann til 1. októ-
ber 2002. Reykjavíkurborg hefur
húsið á leigu vegna reksturs Hins
Hússins.
Óhjákvæmilega vaknar sú spurn-
ing hvað Minjavernd hf. ætlist fyrir
með þessum eignum. í samningnum
segir að fyrirtækið hyggist nota þær;
„til að styrkja rekstur félagsins og
gera það öflugra til að..stuðla að
varðveislu mannvirkja og mannvist-
arleifa...sem hafa menningarsögu-
legt gildi í víðtækasta skilningi."
Ennfremur segir að í undirbúningi sé
samstarfssamningur milli Minja-
verndar hf. og Þyrpingar um bygg-
ingu hótels á lóðunum við Aðalstræti
14, 16 og 18 og Túngötu 2 og 4. Ráð-
gert er að leigja rekstur hótelsins til
þriðja aðila. Fyrsta skrefið í þessa átt
var stigið með fornleifarannsóknum
sem stóðu yfir á lóðunum í vetur.
Áætlað er að Reykjavíkurborg kanni;
„kosti þess að gera bílastæðahús á
lóðinni Suðurgötu 2, sem hugsanlega
nái inn undir lóðirnar Túngötu 2 og
4.“
bryndis@frettabladid.is
Tí/RB
C O M P A C T
MHG söluaðilar -lymo á íslandi
Dalvegur 16a • 201 Kópavogur • Pósthólf 564 • Sími: 544 4656 Fax: 544 4657 • Netfang: mhg@mhg.is
OPNUNARTILBOÐ
25% afsláttur af rafmagnssláttuvélum, -orfum og
-hekkklippum. Erum einnig með bensínsláttuvélar á
góðu verði frá kr. 19.900
Öflugu Flymo bensín-loftpúðavélarnar eru komnar. 3 stærðir
MHG verslun Dalvegi 16a Kópavogi
sími 544-4656
AÐALSTRÆTI 2.
Geysishúsið svokallaða er eitt þeirra sem áður voru eign Reykjavíkurborgar en eru nú í
eigu Minjaverndar hf.
„Minjavernd hæfust
til uppby ggingar
segir Ingibjörg Sólrún um gömlu húsin í miðbænum
minjavernp „Samningurinn var gerður
vegna þess að við leggjum meginá-
herslu á að þessi eldri hús í Kvosinni
verði byggð upp og
Minjavernd hefur
þá þekkingu sem
þarf og hún hefur
líka haft lag á því að
leigja út og koma
starfsemi í húsin.
ísafoldarhúsið, sem
hún tók að sér og
flutti í Aðalstrætið,
er órækasti vitnis-
burðurinn um það.
Við teljum að Minja-
vernd hafi þá fag-
legu burði sem þarf
til að halda vel á
þessum málum.
Þetta er því sam-
starf félagasamtaka
á þessu sviði, ríkis
og borgar,“ segir
INGIBJÖRG
SÓLRÚN GÍSLA-
DÓTTIR BORG-
ARSTJÓRI.
Hún segir engan
vafa á því að
Minjavernd standi
faglega best að
vígi við endurgerð
hinna gömlu fast-
eigna í hjarta
borgarinnar.
Ingibjörg Sólrún Gísladóttir borgar-
stjóri um samning Reykjavíkurborg-
ar og Minjaverndar.
Hlutur rikis og borgar er svipaður
í fyrirtækinu, um það bil 40% hvor, að
sögn Þorsteins Bergssonar fram-
kvæmdstjóra þess. Auk þeirra eiga
Minjar, sem er sjálfseignastofnun, að-
ild að því, en segja má að þar sé niður-
kominn hinn veraldlegi afrakstur ann-
arra en ríkissjóðs, sem skapaðist í
rekstri Torfusamtaka frá 1979 og
Minjaverndar sem sjálfseignastofn-
unar frá 1985-2000.
f samningi Reykjavíkurborgar og
Minjaverndar kemur fram að endur-
skoðandi Minjaverndar hafi metið
eignirnar og staðfest að þær væru
hæfileg greiðsla fyrir hlutabréfin.
Varðandi þetta mat segir Ingibjörg
Sólrún borgina hafa haft ákveðnar
hugmyndir um það áður en til samn-
ingsins kom hvert væri eðlilegt end-
urgjald fyrir þessar fasteignir og
hvert yrði hlutafé borgarinnar í
Minjavernd. Endurskoðandi Minja-
verndar féllst síðan á það mat. „Mark-
miðið var að styrkja Minjavernd til að
takast á við þessi verkefni sem eru
mörg í Kvosinni og þeir hafa þá
reynslu og burði til að gera það með
hagkvæmari og betri hætti en borgin
hefði sjálf getað gert það.“
Aðspurð um starfsemi Hins Húss-
ins í Geysishúsinu sagði borgarstjóri;
„starfsemin sem er í Geysishúsinu er
óháð því hvort það er borgin sem á
þetta eða Minjavernd. Minjavernd
leigir út húsnæðið og þess vegna væri
hægt að leigja húsið út vegna starf-
semi á vegum borgarinnar þannig að
ég lít á starfsemi Hins Hússins og
eignarhald á Geysishúsinu sem tvö
aðskilin mál.“ bryndis@frettabladid.is