Fréttablaðið - 29.10.2001, Blaðsíða 2

Heimilisblaðið
29. október til 4. nóvember 2001
Miðlarar og sölumenn samtímis
Margt fólk hér á landi hefur keypt sér tryggingar án þess að hafa kynnt sér þær nægilega vel.
Lög um vátryggingamiðlara leggja
á þá kröfur sem varla er mannlegt
að standa undir, að mati Jóns Magn-
ússonar, formanns laganefndar
Neytendasamtakanna. „Þeim er
gert að vera með hlutlausa ráðgjöf
við að meta tryggingaþörf meðan
þóknunin til þeirra er undir því
komin að þeir geti selt tryggingu.
Síðan liggur fyrir að vátrygginga-
miðlarar eru með fólk á launum út
og suður þar sem, eins og gengur,
er misjafn sauður í mörgu fé.“ Jón
telur að í mörgum tilvikum vanti
nokkuð upp á að fólki séu kynntir
mismunandi tryggingamöguleikar.
„Það er bara verið að kynna þennan
eina möguleika sem viðkomandi
söluaðili er með,“ sagði hann og
taldi að neytandinn fengi almennt
mun takmarkaðri upplýsingar en
hann ætti að fá miðað við ákvæði
laga um vátryggingastarfsemi.
„Vátryggingamiðlarar geta unn-
ið ágætis vinnu þegar þeir gegna
sínu hlutverki. Þeir geta oft hjálpað
bæði fyrirtækjum og einstakling-
um að finna hagkvæmustu leiðirn-
ar í tryggingum. Því skal ekki gera
lítið úr þeirra hlutverki," sagði
hann og bætti við að komið hafi
fram hjá forstjóra fjármálaeftir-
litsins að hann teldi vátrygginga-
miðlara góða viðbót inn á íslenskan
fjármálamarkað. „Vandamálið er
að ákveðinn hluti þeirra hefur
meira komið fram í hlutverki sölu-
mennskunnar en raunverulegrar
vátryggingamiðlunar," sagði hann.
Af þeim sökum sagði hann nauð-
synlegt að hafa opna umræðu um
þessa starfsemi. „Það á alls ekki að
líta á það sem einhvern óvinafagn-
að, eða slæmt, þótt málin séu rædd
og tekið á vandamálunum.“ Jón
taldi jafnvel að umræðan gæti orð-
ið til að einhverjir miðlarar endur-
skoðuðu sína starfsemi og stæðu
betur að málum en áður. „Meginat-
riðið er að fólk sé upplýst frá A til Ö
um gerð þeirra trygginga sem það
er að kaupa,“ bætti hann við. „Þessi
starfsemi er til og henni er ætlað
ákveðið hlutverk annað en að selja
einhverjar líftryggingar." ■
JÓN MAGNÚSSON
Hann segir að vátryggingamiðlarar geti i
mörgum tilvikum hjálpað bæði fyrirtækj-
um og einstaklingum að finna hagkvæm-
ustu og bestu lausn sinna tryggingamála.
Tilvalið fyrir
Fréttablaðið
Húseigendur í miðbænum rákust
á þetta hólf fyrir dagblöð í
Þýskalandi. Það er vel merkt og
þýskir blaðberar ættu ekki að
velkjast í vafa þegar þeir ber út
blöðin þar hvar ber að láta þau.
Þeir íslensku gætu hins vegar
þurft að hugsa sig um. Óneitan-
lega er þetta skemmtilegt hólf og
eigendurnir sjá mest eftir að
hafa ekki keypt sér nýjan póst-
kassa sem passaði við en hann
fékkst einmitt á sama stað. ■
Freistandi að svara því til
að það sé maðurinn minn
Mín einlæga löngun um
„Þarna hittirðu vel á vondan og
freistandi væri að svara því til
að mitt uppáhalds „heimilis-
tæki“ sé maðurinn minn,“ svarar
Ellen Ingvadóttir skjalaþýðandi
hlæjandi. „En þetta er erfið
spurning og að öllu gamni slepp-
tu er ég eins og flestar nútíma-
konur ákaflega háð þeim tækj-
um sem létta okkur störfin."
Hún segir útvarp og sjónvarp
vera sér afar miklvæg tæki og
það helgist af þeirri veiki sem
hún gangi með og kallist
fréttafíkn. „Ég læt helst ekki
fréttir og fréttatengda þætti
fram hjá mér fara og legg tals-
vert á mig til að missa ekki af
þessar mundir er að eignast nuddtæki í baðkerið mitt.
því sem mig fýsir að sjá. Reynd-
ar er það svo að það kemur fyrir
að fjölmiðlar stjórna lífi mínu að
hluta.“
En ef litið er til þeirra tækja
sem nauðsynleg eru hverju
heimili segist Ellen síst af öllu
vilja vera án eldavélarinnar.
„Hún er mikið þarfaþing og ný-
lega eignaðist ég nýja vél sem
mér þykir ákaflega vænt um.
Hún er með tveimur gashellum
og tveimur keramikhellum en
eitt það skemmtilegasta sem ég
geri er að elda sælkeramat. Ég
dunda stundum við það um helg-
ar að útbúa þrí- eða fjórrétta
máltíð fyrir þá gesti sem sækja
okkur heim eða okkur hjónin og
hef mikið yndi af.
Fyrir veiklyndan tækjakaup-
anda eins og mig þá er oft freist-
andi að láta eftir sér að eignast
nýja hluti. Það var þannig með
brauðvélina sem mig langaði svo
mikið í á sínum tíma og ég hlakk-
aði heil ósköp til að fá nýbakað
ilmandi brauð á hverjum
morgni. Það var líka svo í nokkr-
ar vikur en síðan endaði sú
ágæta vél í geymslunni innan
um önnur tæki og tól sem keypt
höfðu verið með góðum ésetn-
ingi.“
Ellen segist langt í frá vera
læknuð af þeirri löngun að eign-
ast hluti sem eigi að gera henni
lífið ánægjulegra eða léttara.
Því sé það hennar einlæga löng-
un um þessar mundir að eignast
nuddtæki í baðkerið sitt. „Ég á
stórt og mikið baðker sem gott
er að flatmaga í og ég hef oft
hugsað á slíkum stundum að
bara ef ég fengi nú vatnsnudd á
kroppinn þá væri líðanin full-
komin. En ég á ekki von á að það
verði í bráð því það kann að
reynast erfitt að koma því fyrir í
gömlu baðkeri. Þangað til læt ég
mig dreyma." ■
HVÍLDARSTAÐUR
Það vaeri ekki amalegt að fá sér smá lúr í
þessu rúmi.
Dúnn sem
kemst næst
æðadúni
að gæðum
Allt nema rúmið sjálft er hægt að
fá í nýrri verslun við Laugaveginn
sem nefnist Dún-og fiður sér-
verslun. Sængin er úr 98% alhvít-
um dún og er framleidd fyrir
verslunina í Evrópu. Þar ér einnig
hægt að kaupa lök og sængurfatn-
að sem við á auk þess sem dúnn er
hreinsaður og þveginn. ■
Nagladekkin hafa ekki yfírburði
umferðin I prófi á hemlunarlengd
nokkurra dekkja á blautu og þurru
malbiki var ekki mikill munur á
milli mismunandi tegunda dekkja.
„Helst var að lofbóludekk sýndu
tilhneigingu til að fara lengra á
blautu malbiki," segir Pétur Pét-
ursson, sérfræðingur á vegtækni-
deild Rannsóknastofnunar bygg-
ingariðnaðarins. Hann er höfundur
skýrslu um hemlunarvegalengd
hjólbarða við ákveðnar aðstæður
ásamt Þóri Ingasyni.
Þegar bremsað er á þurrum ís
þurfa ökutæki á lofbólu- og ný
negldum vetrardekkjum minni
vegalengd til að nema staðar held-
ur en ökutæki á ónegldum dekkj-
um eða harðkornadekkjum.
Pétur leggur áherslu á að þess-
ar mælingar eigi eingöngu við um
þær aðstæður sem talað er um í
skýrslunni. Ekki sé hægt að yfir-
færa þær á aðrar aðstæður. Hann
segir niðurstöðurnar staðfesta áð-
urfengnar að hemlunarvegalengd
lengist mikið með auknum hraða.
Einnig fannst honum fróðlegt að
ABS bremsukerfi virkaði ekki
mun betur en venjulegt hemla-
kerfi. í prófununum var þó reynd-
ur bílstjóri sem varaðist að læsa
bremsunum þegar hann nam stað-
ar, sem ekki er alltaf raunin þegar
stíga þurfi á bremsuna óvænt í
umferðinni.
Pétur segir bílstjórann og hraða
ökutækis skipta miklu máli, alveg
sama á hvernig dekkjum fólk
ekur. ■
Hvaða dekk duga best i hálku
Hemlunarvegalegnd í metrum
á svelli með venjulegu bremsukerfí

40 KW/K

133,00)