Kirkjublaðið - 01.12.1893, Síða 8

216
rjettu prjedikunaraðferð: að prjedika blaðalaust. Sú prje-
dikunaraðferð ætti að vera kennd við prestaskólann«. Jeg
vil láta breytinguna komast þannig á, að ungir prestar
og guðfræðingar íslands taki upp blaðalausan framburð.
Ef það yrði, þá hyrfi upplesturinn smátt og smátt úr
kirkjunum og drægi eigi lengur úr kirkjurækni þjóðar-
innar.
Hverjir eru með upplestrinum og móti blaðalausum
framburði? Eru það áheyrendurnir? Nei, alls eigi. Engin
slik rödd heyrist frá þeim. Þeir eru allir undantekning-
arlaust með blaðalausum framburði. Enda er það næsta
eðlilegt, þar sem sá framburður er margfalt áheyrilegri
og áhrifameiri en upplesturinn. En hvers vegna eru þá
íslenzku prestarnir með upplestrinum og móti blaðalaus-
um framburði? Það kemur af því, að upplesturinn er
allraljettasta framburðaraðferð. Hann er jafnljettur og
auðveldur, eins og hann er áhrifalítill og óáheyrilegur.
Honum er nálega enginn undirbúningur, engin andleg
vinna samfara. En blaðalaus framburður hefir mjög mik-
inn undirbúning, mjög mikla andlega vinnu í för með
sjer. Með því að taka upp þessa framburðaraðferð, þá
þyrftu prestar á íslandi að leggja á sig miklu meiri and-
lega vinnu, en þeir nú gjöra. Til þess treysta þeir sjer
ekki. En mjer finnst, að hver prestur ætti að vera fús
á að leggja á sig sem mesta andlega vinnu, svo hann
geti leyst verk sitt sem bezt af hendi
EAFSTEINN PJETURSSON.
Kbl. flytur eigi meíra um þetta að sinni. Sjera V. B. telur eigi þær nýjar rölc-
semdir komnar fram, ab hann þuríi að taka til máls.
Vantrúarguðfræðin.
í Fjallk. hefir alveg nýskeð verið þýdd grein eptir
þýzkan vantrúarguðfræðing, sem flytur þessa »alvarlegu,
vísindalegu« guðfræði, að endurlausnarverk Jesú Krists
sje hjegóminn einber.
Það er mikið rjett sem blaðið segir, að þetta skrifar
guðfræðingur í guðfræðistímariti; »kirkjulegt« vil jeg ekki
kalla það.
Kbl, á fyrirliggjandi fróðlega grein um vantrúarguð-