Breiðablik - 01.12.1906, Blaðsíða 6
io6
BREIÐABLIK.
að vera þar einir um hitu. Kristn-
ir leikmenn mega þar ekki liggja
á liði sínu. Eins og nú stendur
yrði ef til vill orð þeirra bezt til
greina tekin.
Öllum, sem ant er um velferð
þjóðar sinnar og eigi hafa glatað
því úr eigin sálu, ætti að vera það
brennanda áhugamál, að fá faðir
vor letrað lifandi stöfum í sálar-
líf íslenzkrar þjóðar.
f GÓDVIDRI.
Til kveldboðs mig’ sumar-stund kveður
I kyrþeysins flugrúmu höll,
Og- handa mér vermir svo veður
Þau verði mér hollsamleg öll,
I dældum að dögg verður kalt —
Hún sæld hefir alið í alt.
Hún sýnir mér blæjurnar bláar
Um breiðloft og grænskrúð um völl,
Og glitsaum og gljáandi áar,
Og guðvefjuð kveldroða-fjöll,
Og hæðirnar heimilið við —
Sem kvæði, er kveða um frið.
Og bláeygu tjarnirnar tindra
sem tillit sem hug'fangið er,
Og brosleitu bjarkirnar sindra,
Og brekkurnar setjast hjá mér
Með skautin af skrautblómum full —
Hver lautin er lifandi gull.
Mér vindblær, með vængjaða fótinn,
Lék vísu á blöðin á meið.
Hann kveður sér götu um grjótin,
Um grundirnar syngur sér leið,
Um ófærðir yrkir sér veg —
Svo ólærður alt eins og eg.
Hver einasti’ geisli’ er mér góður,
En gjafmilda jörðin þó bezt.
Þau systkinin, unun og óður,
Mig anuast sem velkominn gest.
Eg hrifinn af sumrinu svíf —
Já, líðandi er þetta líf.
Stephan G. Stephanson.
JÓHANN MAGNÚS BJARNASON.
UG hefi tekið mér fyrir hendur
minnast að litlu leyti á góðvin minn
J. Magnús Bjarnason, og hin helztu ein-
J. Mag-nús Bjarnason.
kenni hans sem skálds. Og þar sem
hugsjónir skáldanna koma fram í rit-
verkum þeirra, en þær myndast að miklu
leyti, eða að minsta kosti haga fatasniði
sínu eftir því, hvað æfikjörin hafa dátt
ruggað vöggu höfundanna, verð eg að
nokkuru leyti að segja æfisögu þess höf-
undar, er eg nú gjöri að umræðuefni.
Jóhann Magnús Bjarnason er fæddur
í Norður-Múlasýslu á Islandi, 24. maí
1867. Fluttist hann, barn að aldri,með
foreldrum sínum til Nova Scotia. Var
faðir hans einn af fyrstu landnámsmönn-
um íslenzkum, er Vínland námu á ný.
Það var all-ólíkt að koma til Ameríku