Óðinn - 01.07.1923, Síða 28

76
ÓÐINN
víðsvegar starfað fyrir sjóð þennan á afmælisdegi kosn-
ingarjettarins, 19. júní, ár hvert. Ingibjörg Bjarnason
hefur frá byrjun verið formaður sjóðsnefndaringar og
unnið að eflingu sjóðsins með sínum vanalega áhuga
og einbeitni; er ekki ólíklegt að þetta aðaláhugamál
hennar, bygging landsspítala, hafi ýtt undir hana með
að gefa kost á sjer á lista kvenna til landskjörs síð-
astliðið ár. Hlaut hún efsta sæti á listanum og varð
þannig fyrsta konan, sem tekið hefur sæti á alþingi
íslendinga.
Þingsaga Ingibjargar Bjarnason er ekki löng, þar
sem hún hefur að eins setið á einu þingi. Hún gekk
hjer að störfum sínum að vanda, með alúð og sam-
viskusemi. Sæti átti hún í tveim nefndum: fjárveiting-
anefnd og mentamálanefnd efri deildar, sem formað-
ur í hinni síðari. Þótti hún fyrri hluta þingtímans
draga sig allmjög í hlje við umræður, og mun það
engan furða, því vandnumið er nýgræðingum land á
sviði löggjafarinnar. Fyrstu ræðu sína flutti hún við
framsögu frumvarps til laga um lögfylgjur hjóna-
bandsins, eða eins og lögin hafa nú verið nefnd: lög
um skyldur og rjettindi hjóna, en þetta er fjórði og
síðasti þátturinn í hinum nýja sifjalagabálki.
Ingibjörg Bjarnason talar látlaust og skýrt og aldrei
nema hún hafi eitthvað að segja. Hún taldi sig utan
flokká í þinginu og gerir það aðstöðu hennar auð-
vitað vandasamari. Það var ekki laust við að sum
blöðin gerðu sjer að leik að færa orð hennar og
gerðir í þinginu til verri vegar, og má vera að trún-
aður hafi verið lagður á sumt af þessu, því Ingibjörg
ljet sig það litlu skifta, hefur líklega fundið tíma sín-
um og kröftum betur varið til annara hluta.
Ingibjörg Bjarnason hefur að vísu engan fastan
flokk að baki sjer. Konurnar studdu hana til kosn-
inga, en þeirra starf hefir gegnum aldirnar verið að
skapa jafnvægi, sætta sig heldur við skarðan hlut en
gefa sig að reipdrætti eiginhagsmuna, sem oft virð-
ist aðalgrundvöllurinn undir skiftingu flokkanna. En
eitt er víst, hinum nýja þingmanni fylgir ást og þakk-
læti margra íslenskra kvenna og traust og virðing
hinna eldri.

Kona.
Til Þorst. Gíslasonar
(hafði ekki svarað mörgum brjefum).
Eflaust vakir ekki neinn,
er andans gáfu hefur,
fyrst oddvitinn er eins og steinn,
sem ekkert bergmál gefur.
Fnjóskur.
Einar Gunnarsson ritstjóri.
Hann er stofnandi fyrsta dagblaðsins, sem fótfestu
náði í Reykjavík. Það er blaðið »Vísir« og byrjaði
það að koma út 14. desember 1910. Nokkrum árum
áður hafði Jón Ólafsson reynt þetta. Hann var þá rit-
stjóri »Reykjavíkurinnar« og útgáfufjelag hennar gaf
út blað, sem hjet »Dagblaðið«, og kom út á hverjum
degi, frá 2. október 1906 og til 9. janúar 1907. Síma-
sambandið var þá nýkomið á, og ætlaðist J. Ól. til
þess, að sú breyting skapaði hjer undir eins þörf
fyrir dagblað. En fyr-
irtækið bar sig ekki
og varð því að hætta.
Næstu tilraunina gerði
svo Einar Gunnarsson
fjórum árum síðar og
hepnaðist hún svo, að
blað það, sem hann
stofnaði, lifir enn, og
á næstu árunum fædd-
ust tvö ný dagblöð
hjer í bænum, svo að
upp frá því hafa þau
verið þrjú. Einar
Gunnarsson var rit-
Einar Gunnarsson.
stjóri »Vísis« í nokk-
ur ár, en seldi hann síðan Gunnari Sigurðssyni Iög-
fræðingi og síðar alþingismanni. Þar næst varð blaðið
hlutafjelagseign í nokkur ár, þar til Jakob Möller
keypti það 1918 og hefur hann síðan gefið það út.
Einar Gunnarsson hafði fengist við blaðamensku
áður en hann stofnaði »Vísi«. Fyrst hafði hann verið
við riðinn blaðið »Landvörn« 1903 og var hann þá
einn af forvígismönnum Landvarnarflokksins, en blað
þetta lifði skamma stund. 1905 stofnaði hann barna-
blaðið »Unga Island«, sem enn kemur út, og var
lengi ritstjóri þess. Náði það mikilli útbreiðslu og hylli
meðan hann hafði á hendi útgáfu þess og ritstjórn.
Fleiri blaðastofnunum átti hann þátt í síðar, en þau
blöð áttu sjer stultan aldur. Hann fjekst og töluvert
við bókaútgáfu.
Hann var fæddur í Nesi í Höfðahverfi 28. maí
1874, sonur Gunnars Einarssonar, síðar kaupmanns í
Reykjavík, og fyrri konu hans, Jónu Sigurðardóttur.
Ólst hann upp hjá afa sínum, Einari alþingismanni
Ásmundssyni í Nesi, sem var þjóðkunnur maður á
sinni tíð og í miklu áliti. Einar Gunnarsson varð stú-
dent vorið 1897 og tók vorið eftir heimspekispróf við