BFÖ-blaðið - 01.10.1988, Síða 5
Ég tel þessi samtök hafa mjög mikilvægu
hlutverki að gegna og þar vantar fleiri hugi og
hendur til starfa. Nú í sumar (1988) tókum við
fáeinir hjólreiðamenn okkur það á hendur á
vegum samtakanna að athuga gaumgæfilega
nokkra göngu- og hjólreiðastíga í Reykjavík
og senda gatnamálastjóra mat okkar á þeim
og tillögur um úrbætur. Niðurstöður okkar
urðu einkum þessar:
í Reykjavík hafa verið gerðir allmargir
göngu- og hjólreiðastígar sem eru nú þegar
talsvert notaðir. Þeir væru þó eflaust mun
meira notaðir ef betur væri gengið frá þeim,
einkum þar sem þeir skera akbrautir, og ef
þeir væru betur merktir og meira kynntir
almenningi.
Göngu- og hjólreiðastíga er ekki að finna á
Reykjavíkurkortinu í símaskránni, né heldur
á kortum fyrir erlenda eða innlenda ferða-
menn. Strætisvagnaleiðum eru sömuleiðis
gerð engin eða ófullnægjandi skil á kortum
þessum. Úr þessu þarf að bæta. Auk þess að
merkja helstu stíga inn á almenn gatnakort
þyrfti einnig að gera sérkort yfir helstu
göngu- og hjólreiðaleiðir í Reykjavík eða á
höfuðborgarsvæðinu.
Alvarlegasta málið er að okkar mati frá-
gangur göngu- og hjólreiðastíga við gatna-
mót. Mjög víða eru háir og brattir kantsteinar
sem torvelda umferð hjólastóla, barnavagna
og reiðhjóla. Þetta á við um nýlagða stíga ekki
síður en gamlar stéttir. Sums staðar vantar í
stígana og þarf að hjóla yfir gras eða for. Víða
á gatnamótum er gangbrautarmerkingu
ábótavant. Bréfinu til gatnamálastjóra fylgdi
greinargerð þar sem við lýstum fjölmörgum
dæmum af þessu tagi.
Við teljum of lítið hafa verið byggt af göng-
um undir akbrautir fyrir gangandi og hjól-
andi fólk. Undirgangar greiða fyrir allri
umferð og draga úr slysahættu. Þeir þurfa
ekki að vera dýrir ef þeir eru hóflega víðir og
íburðarlausir, einkanlega ef þeir eru byggðir
strax þegar vegur er lagður. Miklu skiptir að
staðsetja undirganga rétt ásamt stígum að
þeim. í því efni hafa verið gerð nokkur mistök,
en aðrir eru til fyrirmyndar, t.d. undirgangur
undir nýja hluta Bústaðavegarins.
Það er vel hægt að hjóla á íslandi
Við íslendingar breyttumst svo seint og
snögglega úr fátækri bændaþjóð í ríka eyðslu
5