BFÖ-blaðið - 01.10.1988, Blaðsíða 13

Tími vetrardekkjanna nálgast
Hvers konar dekk á að kaupa
Nú líður að því, að menn fari að huga að
kaupum á vetrarhjólbörðum eða skipta um -
af sumardekkjum yfir á vetrardekk. Þá koma
upp spurningar varðandi öryggi í vetrarum-
ferð og hvernig besti búnaðurinn í umferðinni
sé til þess að forðast slys eða verða slysavald-
ur, ef menn eru á vanbúnum bílum í umferð-
inni. Fyrst verður fjallað um kaup á hjólbörð-
um, sóluðum eða nýjum og síðan naglar teknir
fyrir, hvort þeir eigi að vera í hjólbörðunum
eða ekki.
Hér á landi er meira keypt af sóluðum hjól-
börðum en nýjum. Segja sumir, að um 80% af
markaðnum séu sóluð dekk og afgangurinn
ný dekk og notuð innflutt. Þessi venjulegu 13
tommu dekk, sem notuð eru undir allflesta
fólksbíla kosta frá 1800 kr. til 2300 kr. sóluð.
Ný dekk kosta einum þriðja meira eða um
3000 kr. til 3400 kr. Lætur nærri að ending
nýrra hjólbarða sé um einum þriðja lengri
heldur en sólaðra.
Gæði á sóluðum hjólbörðum hafa batnað
mikið á síðustu árum og það kemur ekki fyrir
nú orðið, að barðinn losni af belgnum eins og
stundum gerðist fyrst. Kvartanir eru um 1-
2% af heildarsölu á sóluðum hjólbörðum og
þær yfirleitt teknar til greina og menn fá þá
nýja í staðinn. Ef menn vilja vera þjóðhollir og
styrkja innlendan iðnað, ættu þeir að kaupa
sóluð dekk, þar sem þeir eru ekki að kaupa
köttinn í sekknum með því.
Erfitt er að segja til um meðal endingu hjól-
barða. Sumir segja, að venjulegir sólaðir hjól-
barðar ættu að geta enst í tvo vetur og eitt
sumar. Hins vegar fer slit á hjólbörðum mikið
eftir aksturslagi viðkomandi og hjólbarðar
sem settir eru undir sams konar bíla á sama
tíma, geta verið mismunandi slitnir eftir vet-
urinn, þótt um álíka marga ekna kílómetra
hafi verið að ræða. Allt fer það eftir því, hvort
verið er að spyrna mikið, gefa í í beygjum,
hemla skarpt, eða hvað það annað, sem eykur
slit að óþörfu. Því er erfitt að tala um slit. Slíkt
fer eftir aksturslagi hvers og eins.
Undanfarið hafa verið auglýst notuð inn-
flutt dekk, sem hafa verið seld hér með veru-
legum afslætti. Var það samdóma álit flestra
gúmmíkarla, að menn skyldu ekki kaupa not-
uð dekk. Sum hver væru undan bílum, sem
hefðu lent í óhöppum og gætu hafa skaddast
án þess að það væri sýnilegt í upphafi. Síðan
gerðist það oft, að þessir leyndu gallar kæmu
fram og þá væri ekki gerlegt að gera neitt í
þeim málum, þar sem þau væru seld notuð og
því ábyrgð ekki fylgjandi þeim. Jafnframt
gætu þetta verið gölluð dekk í framleiðslu,
sem hefðu verið tekin undan eftir stutta notk-
un og framleiðendur eða aðrir að reyna að
koma þeim í verð með því að selja þau til
íslands. Hins vegar væru alltaf undantekn-
13