BFÖ-blaðið - 01.12.1988, Síða 4

Árni Einarsson:
Áfengi í umferðinni
Áhætta sem við eigum ekki að
sætta okkur við
Bílstjórar með meira en 0,5 prómill vínanda í
blóði eru í 160 sinnum meiri lífshættu en þeir
sem aka með minna en 0,5 prómill vínanda í
blóði!
Hvað segja umferðarlögin um ölvunarakstur?
í umferðarlögum segir að ökumaður skuli
vera líkamlega og andlega fær um að stjórna
því ökutæki sem hann fer með. Kveðið er á um
að ökumaður megi ekki neyta áfengis eða
annarra örvandi eða deyfandi efna við stjórn
vélknúins ökutækis.
Ef vínandamagn í blóði ökumanns nemur
0,5 prómill til 1,2 prómill, eða hann er undir
áhrifum áfengis, þótt vínandamagn í blóði
hans sé minna, telst hann ekki getað stjórnað
ökutæki örugglega.
Ef vínandamagn í blóði ökumanns nemur
1,2 prómill eða meira telst hann óhæfur til að
stjórna ökutæki.
Ef brotið er gegn þessum ákvæðum skal
ökumaður sviptur ökuréttindum eigi skemur
en eitt ár nema til komi sérstakar málsbætur
og við ítrekað bort missir hann réttindin í
a.m.k. tvö ár og sé um ítrekaða ölvun yfir 1,2
prómill að ræða er sviptingin a.m.k. þrjú ár.
Annars getur brot á þessum ákvæðum
umferðarlaganna sem öðrum varðað varð-
haldi eða fangelsi allt að tveimur árum.
Af þessu er ljóst að löggjafinn lítur svo á að
ölvunarakstur sé alvarlegt mál.
En hve alvarlega taka ökumenn ákvæði
4
Árni Einarsson er ritari nefndar
um áfengisvarnir.
umferðarlaga og þá áhættu sem augljóslega
fylgir ölvunarakstri?
Ölvun og umferðarslys
í lögregluskýrslum frá 1987 kemur fram að
ölvunarakstur er íjórði stærsti orsakavaldur-
inn í umferðarslysum en 11,6% þeirra eru
rakin til áfengisneyslu ökumanns.
Ölvaðir ökumenn sem eiga aðild að umferð-
arslysum eru fjölmennastir í aldurshópnum
17-20 ára. Á móti hverjum einum drukknum
ökumanni á aldrinum 25-64 ára koma sex
17-20 ára!
Árlega eru um 2.500 ökumenn sviptir öku-
réttindum vegna ölvunar við akstur. Af þeim
er meira en helmingur með vínandamagn yfir
1,2 prómill í blóðinu og eru því alls ófærir um
að stjórna vélknúnu ökutæki.
Áhættan
Engin raunhæf vitneskja er til um hve
mikil brögð eru að ölvunarakstri hérlendis.
Tölur um grunaða um ölvunarakstur og öku-
leyfissviptingar segja aðeins takmarkaða
sögu.