BFÖ-blaðið - 01.12.1988, Blaðsíða 9
Miklatorg í skammdegisbirtunni. Innan fárra ára verða hér gatnamót með umferðarljósum.
leyfð sé vinstri beygja inn á fjögurra akreina
stofnbraut í nágrannalöndunum öðruvísi en
með ljósastýringu. Umferðarljós eru talin
fækka slysum um 30-50%.
Hringtorg
Hringtorg eru enn öruggari umferðar-
mannvirki en umferðarljós. Þau eiga þó yfir-
leitt ekki heima á umferðarmiklum stofn-
brautum, því ekki er hægt að hafa græna
bylgju á hringtorgum! Hér verður líka að hafa
í huga, að hringtorg veldur því, að stofnbraut
fær minna aðdráttarafl miðað við þann val-
kost að hafa ljósastýrð gatnamót með grænni
bylgju. Það þýðir aukna slysahættu í íbúðar-
hverfum vegna gegnaksturs, ef rými stofn-
brautakerfisins er ekki nægjanlegt. Hring-
torg koma vel til greina á umferðarminni
stofnbrautum og tengibrautum.
Lagfæring gatnamóta
Sums staðar í aðalgatnakerfinu er gatna-
mótum áfátt. T.d. er nokkuð algengt að
beygjureinar fyrir vinstri beygjur vanti,
þannig að aftanákeyrslur eru óþarflega
margar.
Bætt umferð í íbúðahverfum
í eldri íbúðarhverfum borgarinnar er um-
ferðarskipulagi víða áfátt. Sérstaklega gildir
það um elstu hverfin eins og gamla Austurbæ-
inn og gamla Vesturbæinn. Iþessum hverfum
má víða minnka slysahættu með því að setja
einstefnu á fleiri götur eða með því að setja
hraðahindranir. Best væri að geta lokað íbúð-
argötum í annan endann, en í þessum hverf-
um eru götur það þröngar, að það er ekki
hægt, en í öðrum eldri hverfum er það víða
raunhæfur möguleiki.
í nýjustu íbúðarhverfunum er skipulagi
umferðar gjarnan áfátt að því leyti að safngöt-
ur eru of langar og umferðarmiklar og gegna
stundum jafnframt hlutverki tengibrautar.
Mikil og hröð umferð þvert í gegnum íbúðar-
hverfi skapar mikla slysahættu, sérstaklega
fyrir börn. Til borgaryfirvalda streyma því
erindi um hraðahindranir. Núna eru komnar
um 150 öldur í Reykjavík og enn fremur tölu-
vert af þrengingum. Skiptar skoðanir eru um
ágæti hraðahindrana og finnst mörgum að nú
sér nóg komið þó fæstir efist um að þær dragi
úr slysahættu.
Skipulag umferðar í íbúðarhverfum framtíðar
Við skipulag nýrra íbúðarhverfa í Reykja-
vík verður framvegis lögð meiri áhersla á
umferðaröryggisþáttinn en hingað til. Hafin
er vinna við deiliskipulag nýrra íbúðarhverfa
norðan Foldahverfis. Þar verður öllum
ströngustu reglum um aðgreiningu mismun- 9