BFÖ-blaðið - 01.04.1989, Blaðsíða 5

Ef um verulegt eignatjón er að ræða er betra
að kalla til lögreglu svo að sem best sé frá öll-
um málum gengið. Kalla skal lögreglu til á
vettvang, ef minnsti grunur leikur á, að um
slys á fólki sé að ræða. Það er alltaf verra að
koma nokkrum dögum síðar og segjast fmna
til einhvers staðar.
í um 90% tilvika kemur ekki upp ágreining-
ur varðandi bótaskyldu eða niðurstöður
tryggingafélaga. Þá eru um 10% eftir þar sem
um ágreining er að ræða. Helst er það í málum
þar sem skipta verður tjóni miðað við sök.
Hvað geta menn gert ef þeir sætta sig ekki við
niðurstöðu tryggingafélaganna?
Lögmannanefndin
Frá ársbyrjun 1977 hefur starfað lög-
mannanefnd á vegum tryggingafélaganna,
þangað sem óánægðir viðskiptamenn geta
áfrýjað niðurstöðu tryggingafélagsins eða
félaganna ef um tvö félög er að ræða. í þessari
nefnd eru 5 lögmenn, einn frá hverju trygg-
ingafélagi, og ræður einfaldur meirihluti um
niðurstöðu. Einnig geta menn skilað séráliti.
Nefndin íjallar m.a. um skiptingu á sök eða
bótaskyldu. Er þá aftur komið að því, hversu
mikilvægt það er að fylla vettvangsskýrsluna
nákvæmlega út, því hún er það eina sem lög-
mannanefndin hefur í höndunum til að byggja
niðurstöðu sína á. Lögmannanefndin aflar
ekki gagna, heldur byggir hún á þeim gögnum
sem hún fær send til sín.
Það er tryggingafélagið sem vísar máli til
lögmannanefndarinnar, uni viðskiptamaður
ekki niðurstöðu þess. Kostar slík áfrýjun 15
þúsund krónur og greiðir viðkomandi trygg-
ingafélag þann kostnað. Hafa tryggingafélög-
in skuldbundið sig til þess að hlýta niðurstöð-
um lögmannanefndarinnar. Nefndin heldur
vikulega fundi að meðaltali og er tekin hlut-
læg afstaða í hverju máli fyrir sig og skilað
rökstuddum úrskurði í sakamati. Nefndin
hefur sparað mönnum fé og fyrirhöfn þar sem
yfirleitt eru niðurstöður komnar eftir 4 vikur.
Alls fékk lögmannanefndin um 450 mál á
síðasta ári. Yfirleitt eru þessi mál komin til
vegna sakarskiptingar í árekstramálum. í
fyrra voru árekstrar um 13 þúsund talsins og
er því mikill minnihluti sem er óánægður með
niðurstöðu tryggingafélaganna og leitar til
lögmannanefndarinnar með niðurstöðu á sín-
um málum. Yfirleitt virða menn niðurstöður
nefndarinnar og leita ekki til dómstóla með
mál sín. Fólk er upplýstara í dag um mistök
sín og er tilbúnara til þess að viðurkenna þau,
þar sem umferðarlögin taka oft á tíðum af all-
an vafa, hver sé í rétti og hver ekki.
Neytendaþjónusta Tryggingaeftirlitsins
Ef tryggingatakar eru ekki sammála úr-
skurði tryggingafélags geta þeir leitað til
Neytendaþjónustu Tryggingaeftirlitsins.
Hún er til húsa á Suðurlandsbraut 6 í Reykja-
vík og svarar í síma 91-685188 miðvikudaga
til föstudaga kl. 10—12. Hlutverk Trygginga-
eftirlitsins er að hafa eftirlit með starfsemi
tryggingafélaganna, hvort eitthvað sé að-
finnsluvert í starfsemi þeirra eða niðurstöð-
um í einstaka málum. Á síðasta ári höfðu um
260 aðilar samband við Neytendaþjónustuna
og þeim fjölgar ár frá ári sem nýta sér þessa
þjónustu. Tryggingaeftirlitið skiptir ekki sök
í einstaka málum og hefur ekki úrskurðar-
vald. Hins vegar ef því finnst eitthvað vera
ábótavant í starfsemi einhverra tryggingafé-
laga þá er slíkt athugað. Mest eru það árekstr-
armál sem eru tekin fyrir. Þarf þá að sætta
tjónþola og tryggingafélag og er Neytenda-
þjónustan eins konar milligönguaðili í málum
sem þessum. Neytendaþjónustan tekur fyrir
allar tegundir trygginga og er mönnum frjálst
að koma með hvers konar athugasemdir til
Tryggingaeftirlitsins, bæði í sérstökum
málum, sem og því, sem betur mætti fara í
starfsháttum tryggingafélaganna.
p.þ. 5