Skólablaðið - 01.07.1910, Blaðsíða 12

108
SKÓLABLAÐIÐ
þurfti því ekki mikið eftirlit. Hjól bjó hann til, er draga mátti
eftir sér til að mæia með vegalengdir og mátti lesa á því, hve
langa leið það hafði oltið.' í ritgerð un æðarvarp í Andvara
(4. ár) er mynd af klukku, sem hringir til að hæna fuglinn að;
klukkan hreyfist af vatnsafli; sá umbúnaður er ofur einfaldur, en
þurfti þó hugvit til. Eggert Helgason fann hann upp, þó að
þess hafi ekki verið getið. Margt fleira er nefnt til dæmis um
hugvit hans.
Hann kom bláfátækur að Helgu’nvammi, stórri rýrðar-jörð.
Lengst at' var hann einyrkji; en með alveg dæmalausri elju og
iðni bætti hann þessa jörð svo, að hún ber nú tvö myndarbú.
Hann hlaut að verðleikum, fyrstur manna verðlaun úrsjóði Chr. IX.
Eigi er kunnnugt um margar ritsmíðar eftir Eggert, helst
munu það vera stuttar blaðagreinar. En þó síst fyrir að synja
að eitthvað markvert hafi verið prentað eftir hann, þó að nafns
hans væri ekki getið.
Herma má það, eftir séra Eiríki Breim, að Eyólfur Guðmunds-
son á Eyjarbakka, sem skráður er höfundur ritgerðar þeirrar
um æðarvarp er áður var á minnst, hefur sjálfur sagt séra Eiríki,
að Eggert sé höfundur þeirrar ritgerðar að öllu leyti eins og hún
ersamin og skráð,en Eyjólfur auðvitað lagt til efnið; hann var fram-
úrskarandi athugull maðurum þetta mál oghafði allra manna mesta
þekkingu á æðarvarpi af eigin athugun; en hann var ekki ritfær.
Eggert færði í stílinn, og það svo vel, að enginn mentamaður
þyrfti að skammast sín fyrir, Öllum kunnugum ber saman um,
að það, sem hann reit, beri inerki snildarinnar.
Einkennilegt og óvenjulegt yfirlætisleysi er það að vinna
slík verk undir annara nafni, láta sjálfs sín hvergi nærri getið.
En það kemur vel heim við hógværð og aðra lyndiseinkunn
Eggerts.
Kynsæll maður var Eggert, og munu 30 börn hans og barna-
börn vera fædd í Helguhvammi.
Ver vonum að síðar verði tækifæri til að sýna í Skólablað-
inu mynd af þessum merkismanni, og þá meira frá honum sagt.