Skólablaðið - 01.09.1919, Síða 16
144
SKÓLABLAÐIÐ
Bókin er 314 blaðs. í stóru broti og með mörgum myndum, og munu
bóksalar hjer útvega hana. VerSið mun vera 8—10 kr.
TAKT OG TONE. Hvordan vi omgaas. Af EMMA GAD. (237
bls.). Gyldendalske Boghandel. — Kbh. og Kria, — 1918,
Þetta er ekki skólabók, og skal þó getið hjer stuttlega.
Bókin fjallar um almenna mannasiði — i fám orðum sagt — og er
óvenjurösklega og hispurslaust skrifuð, ráðleggingar og hugleiðingar
um sjálfsögðustu kurteisisvenjur og viðfeldni í umgengni, eða um rjetta
breytni við náungann, vini sina og börn og sjálfan sig. Höf. er dönsk
hefðarkona, og bókin í sjerstökum atriðum einkum miðuð við danskt
lif, því að nokkuð verður sinn siður í landi hverju. En aðalefni bókar-
innar og meginhugsun öll er almenns eðlis og kemur víða við. Einn
aðalkaflinn er t. d. um uppeldi og breytni við börn. Og bókin ber vott
um þá lífsreynslu og athygli og heilbrigða skynsemi, og er svo fjörug
og hnittin og krydduð kvenlegri gletni, að ánægja er að lesa.
Við Mörlandar fáumst litt um slik fræði, sem þessi, enda skin það
á okkur í framkomunni. Mörgum þykir og sómi að skömmunum í þess-
um efnum. — Auðvitað verður kurteisi og prúðmenska ekki „flutt inn“,
eða lærð eins og reikningsregla; hjartalag mannsins ræður þar mestu
um. En siðirnir, bæði illir og góðir, verka og á hjartað, og í því liggur hið
mikla menningargildi góðra siða fyrir hvern mann og hverja þjóð.
Uppeldismál heitir hin langþráða uppeldisfræði Magnúsar
Helgasonar skólastj., og er hún nú að koma á bókamarkaðinn.
Dráttur hefir orðið á útkomu blaðsins nú um hríö, og hefir
ritstjóranum reynst erfitt að þjóna tveim herrum í senn, blaS-
inu og Mammoni; hefir nú Mammon orðið að ganga fyrir um
skeiS. En nú mun ekki tjá annað en aö biðja lesendur afsök-
unar og lofa bót og betrun að góðra manna dæmi.
SKÓLABLAÐIÐ kemur út einu sinni í mánuði, ein örk les-
máls hvert blað, 12 arkir á ári. Ræðir einkum uppeldismál og alþýðu-
menning. Kostar 3 kr. á ári. Greiðist fyrir 1. maA hvert ár. Eigandi
og ritstjóri: ILelgi Lljörvar kennari. Utanáskrift: SKÓLABLAÐIÐ,
Reykjavík. (Pósthólf 84).
Reykjavík — Fjelagsprentsmiðjan