Tölvumál - 01.09.1986, Blaðsíða 17

framleiðslu, sölumálum og öðrum þáttum, sem máli
skipta i rekstrinum. Þetta jafngildir þvi að nú er
unnt að fækka yfirmönnum frá þvi sem verið hefur.
Enn hefur þó orðið óverulegur árangur hvað það varðar
að draga úr yfirbyggingu fyrirtækja á vesturlöndum.
Sérfræðingar telja, að 20%-30% af stjórnendum
bandariskra fyrirtækja sé ofaukið. Máli sinu til
stuðnings vitna þeir til japanskra fyrirtækja, en þau
hafa mun færri stjórnendur en gerist i Bandarikjunum.
Ekkert bendir til þess að hér á landi hafi orðið
betri árangur en i Bandarikjunum hvað það varðar að
einfalda stjórnfyrirkomulag fyrirtækja með
tölvunotkun.
Þá skapar tölvutæknin fyrirtækjum möguleika á þvi að
byg<?ja UPP liprara stjórnfyrirkomulag en gerist nú.
Endurskipulagning fyrirtækja getur orðið mun
auðveldari en verið hefur.
í þessu sambandi má benda á að risafyrirtækið IBM
hefur á undanförnum árum gert gagngerar skipulags-
breytingar. Svo virðist sem fyrirtækið hafi farið
auðveldlega og átakalitið i gegn um breytingar, sem
minna tæknivæddum fyrirtækjum hefði reyst ofviða.
Stjórnendur hægfara
Þrátt fyrir að afrakstur tölvuvæðingarinnar hafi
hingað til reynst rýrari en menn dreymdi um fyrir
einum til tveimur áratungum eru til mýmörg dæmi um
snjallar og áhrifarikar lausnir. Þegar róttækar
tæknibreytingar ganga yfir heiminn krefjast þær oft
þess, að grundvallarbreytingar verði á lifsviðhorfum
og sjónarmiðum fólks áður en hin raunverulega þyðing
þeirra kemur i ljós.
Þær upplýsingar sem könnun Stephen Roach hefur leitt
í ljós um ávinning tölvuvæðingarinnar syna okkur ef
til vill helst hversu langan tima við þurfum til að
fella tölvutæknina inn i tilveru okkar og ná fram
kostum hennar.
Þegar Jóhann Gutenberg hafði komið fram með hina
byltingarkenndu prenttækni sina, sem markaði upphaf
að mestu uppiysingabyltingu allra tima, liðu áratugir
þar til hið prentaða mál varð að hversdagslegum
17