Tölvumál - 01.01.1988, Page 4

FAGFÉLAG TÖLVURÁÐGJAFA
Fyrir nokkrum árum hafði ungur snyrtilega klæddur maður samband
við undirritaðan. Hann kvaðst vera rekstrarráðgjafi með tölvur sem
sérsvið. Erindi hans var að spyrjast fyrir um faglega hæfni ákveðins
manns, sem hafði sótt um vinnu hjá meðalstóru fyrirtæki. Ungi
maðurinn var ráðgjafi fyrirtækisins við að stofna tölvudeild og ráða
starfsfólk. Hann hafði þegar hér var komið sögu unnið í tæpt ár við
að forrita litlar tölvur. Menntun hans fólst í þriggja mánaða nám-
skeiði í tölvuforritun á ónefndum skóla í Bandaríkjunum auk þess að
hann hafði lokið grunnskólanámi.
Þeir sem kalla sig tölvuráðgjafa eiga ekki nema nafnið sameiginlegt. í
hópi þeirra eru margir hæfir menn sem hafa mikinn starfsmetnað og
hafa skilað góðu starfi. Aðrir kalla sig ráðgjafa í tölvumálum þó að
störf þeirra eigi lítið sammerkt með ráðgjöf. Oft er um illa dulbúna
sölumennsku að ræða.
Ráðgjöf í tölvumálum er einn þáttur í almennri rekstrarráðgjöf. Til
rekstrarráðgjafa eru gerðar miklar kröfur um faglega hæfni og að þeir
séu hlutlausir í ráðgjöf sinni. Til dæmis gerir Félag ráðgjafar-
verkfræðinga, sem er eitt elsta fagfélag ráðgjafa hér á landi,
strangar kröfur til félaga sinna.
Aðili, sem leitar ráða hjá sérfróðum aðila um hvernig hann geti best
komið tölvumálum sínum verður að geta treyst því að ráðgjafinn eigi
ekki hagsmuna að gæta. Þessi hagsmunatengsl eru af ýmsum toga.
Augljósust eru þau að sjálfsögðu þegar "ráðgjafi" mælir með því að
keyptur sé tölvubúnaður sem hann flytur sjálfur inn eða notað
tölvukerfi sem hann eða fyrirtæki hans hafa hannað. Sama máli gildir
þegar "ráðgjafinn" tekur við þóknun frá tölvuinnflytjenda. Það gerist
oftast þannig að tölvusalinn sendir ráðgjafanum eins konar umboðs-
laun fyrir að mæla með sínum tölvum. Oftast eru hagsmunatengslin þó
óljósari.
Hér á landi er ekki starfandi fagfélag ráðgjafa í tölvumálum. Margir
þeirra eru þó starfandi í öðrum félögum. Rekstrarráðgjafar, ráðgjafar-
verkfræðingar og fleiri lúta siðareglum sinna samtaka og eru bundnir
af þeim þegar þeir starfa að tölvuráðgjöf. Það er skoðun margra að
tímabært sé tölvuráðgjafar stofni sérstakt félag. Félag tölvuráðgjafa
þarf ao gefa út siðareglur fyrir félaga sína. Siðareglur leggja áherslu
- 4 -