Tölvumál - 01.03.1988, Blaðsíða 4
OPIN UMRÆÐA í TÖLVUMÁLUM
í síðasta tölublaði birtist grein um tölvuráðgjöf eftir Halldór
Kristjánsson verkfræðing. Greinin hefur vakið mikla athygli. Sama
máli gegnir um erindi Halldórs um sama efni sem hann flutti á
félagsfundi í lok janúar. Mörg atriði sem koma fram í greininni hafa
vakið athygli fjölmiðla. Hefur af þeim sökum skapast nokkur umræða
um þá ráðgjöf sem fáanleg er í tölvumálum hér á landi. Þessi umræða
er af hinu góða. Fyrirtæki og stofnanir sem hyggja á tölvuvæðingu
eru farin að huga betur að vali á ráðgjöfum en áður. Því fer fjarri að
allir séu ánægðir með að málefni tölvumanna séu rædd með þeim hætti
sem áður er nefnt. Hinir fjölmörgu stjórnendur fyrirtækja og
stofnana sem þurfa að leita sér ráðgjafar hafa hins vegar þegar
upplifað þann vanda sem Halldór gerði að umtalsefni. Grein hans
hefur staðfest ýmsar af grunsemdum þeirra. Undanfarna mánuði hefur
komið í ljós að lesendur Tölvumála og aðrir áhugamenn um nútíma
upplýsingatækni kunna að meta gagnrýna umfjöllun um tölvumál. Sá
tími er liðinn að notendur tækninnar líti á hana sem einkamál
sérfræðinga. Til þess að standast hina miklu samkeppni í nútímaþjóð-
félagi verða fyrirtæki að halda rekstrarkostnaði í lágmarki. Mönnum
hefur verið talin trú um að besta leiðin til að fylgjast með tímanum
felist í tölvuvæðingu. Nú hefur sá sannleikur runnið upp fyrir þeim að
meira þarf að koma til en skjáir, seguldiskar og tölvur með tilheyr-
andi leiðslum og prenturum. Mistök í tölvuvæðingu fyrirtækja eru
ekki óalgengari hér á landi en erlendis. Flestir þekkja orðið af eigin
raun dæmi um kostnaðarsama misheppnaða tölvuvæðingu. Kostnaðar-
áætlanir hafa farið úr skorðum, kerfin hafa verið lengi að komast í
notkun og þau hafa ekki leyst þau verkefni sem þeim var ætlað.
Margir stjórnendur hafa staðið hjálparvana gagnvart vandamálum sem
þessum.
Tölvumál vilja leggja sitt af mörkum til að koma faglegri umfjöllun
um allar hliðar upplýsingatækninnar á framfæri. Greinar um alla
þætti upplýsingamála eru velkomnar. Tölvumál munu sjá til þess að
allir sitji við sama borð. Lesendur þurfa ekki að óttast að við stingum
undir stól gagnrýni á blaðið sjálft og Skýrslutæknifélagið. Greinar um
málefni sem áður hefur verið vakið máls á eru sérstaklega velkomnar.
Þær verða að sjálfsögðu birtar án allra athugasemda.
í síðasta blaði birtist grein eftir ábyrgðarmann blaðsins með gagnrýni
á tölvustefnu Háskólans. Hún vakti allnokkra gagnrýni. Voru ekki
allir sammála sjónarmiðum greinarhöfundar. Tölvumál Háskólans verða
- 4 -