Tölvumál - 01.03.1988, Blaðsíða 5

enn í brennidepli hér í Tölvumálum. f þessu blaði birtist grein eftir
formann Skýrslutæknifélagsins, Pál Jensson. Páll hefur nýverið tekið
við prófessorsstöðu í vélaverkfræði en veitti áður forystu Reikni-
stofnun Háskólans. í grein Páls er fjallað um tölvumál Háskólans og
ávinning okkar af tölvuvæðingunni. Vitnar hann þar til greinar eftir
Stefán Ingólfsson sem birtist hér í blaðinu haustið 1986. Til fróðleiks
fyrir lesendur er sú grein endurbirt í þessu tölublaði. Stofnun
sérstakrar "upplýsingatæknistofnunar" hefur einnig verið til umræðu
innan Háskólans. Menn eru ekki á einu máli um ágæti hennar. Við
höfum fengið innlegg í þá umræðu sem birtast mun í næsta blaði.
Undirtektir stóru fjölmiðlanna við greinum í Tölvumálum hafa verið
góðar. Það er ljóst að margir fréttamenn þekkja blaðið okkar og lesa
það reglulega. Af þeim sökum eru þeir sem senda okkur greinar ekki
einungis að höfða til félaga í Skýrslutæknifélaginu. Ef efnið á erindi
til almennings eru líkur á því að stóru fjölmiðlarnir komi því til
skila.
Stefán Ingólfsson