Tölvumál - 01.09.1988, Page 5

skipulagt rekstur sinn til að skera niður kostnað. Niðurskurður á
kostnaði og samdráttur hefur nú hitt fyrir upplýsingadeildir íslenskra
fyrirtækja svipað og gerðist vestanhafs. Fyrirtækin hafa frestað
tölvukaupum og endurskoðað áform sín um að stækka búnað sem fyrir
er. Það kemur verst niður á nýstofnuðum tölvufyrirtækjum. Gróin
fyrirtæki búa oft betur. Þau hafa drjúgar tekjur af viðhaldi vélbún-
aðar og endurnýjun tækja. Þá þætti er erfitt að skera niður. Lítil
og fjárvana fyrirtæki eru viðkvæmari fyrir samdrættinum en hin
efnaðri. Eins og gerðist í Bandaríkjunum er útlit fyrir að sam-
drátturinn muni hitta fyrir framleiðendur hugbúnaðar ekki síður en
innflytjendur. í þessari ungu atvinnugrein hefur verið mikil gróska.
Mörg fyrirtæki hafa verið stofnuð og ekki verið hörgull á verkefnum.
Það hefur breyst. Samkeppni hefur aukist og fyrirtæki lent í erfið-
leikum vegna verkefnaskorts. Til skamms tíma höfum við ekki átt að
venjast yfirtöku fyrirtækja í upplýsingaiðnaði. Á síðasta ári hafa
hins vegar mörg fyrirtæki sameinast. Ekki er ósennilegt að sam-
dráttar muni gæta í sölu vélbúnaðar fram á næsta ár. Þá er hætta á
að samdráttur sem vart hefur orðið í framleiðslu hugbúnaðar sé upphaf
að áframhaldandi erfiðleikum.
Samdrátturinn markar viss tímamót fyrir íslenskan hugbúnaðariðnað.
Undanfarin ár hafa mörg athyglisverð fyrirtæki verið sett á laggirnar.
Þeim hefur flestum vegnað nokkuð vel. Nú mun reyna á hver eru
lífvænleg. Þegar samdrætti linnir og markaðurinn tekur að vaxa af
eðlilegum krafti verða færri fyrirtæki eftir. Ekki er ósennilegt að
þau sem hafa sterka stöðu, trygg verkefni og sterka eiginfjárstöðu
styrki stöðu sína. Hin veikari munu hætta starfsemi eða sameinast
öðrum fyrirtækjum.
Það er tímabært að taka framtíð upplýsingaiðnaðarins til athugunar.
Skýrslutæknifélagið á að hafa frumkvæði að úttekt á stöðu hans og
framtíðarsýn. Sú úttekt má ekki stjórnast af óskhyggju og dag-
draumum. Undirritaður hefur bent á að gagnrýnislaus umfjöllun um
upplýsingamarkaðinn, byggð á óskhyggju og góðum vonum sé ekki til
góðs. Margir hafa talið umfjöllun hans hér í blaðinu vera neikvæða.
Á það verður ekki fallist að fagleg gagnrýni sé af hinu illa þó hún sé
ekki eintómur lofsöngur. Nú er tímabært að kanna stöðu upplýsinga-
iðnaðarins. Hann hefur slitið barnsskónum. í framtíðinni mun hann
ganga í gegnum tímabil velgengni og mótlætis eins og aðrar atvinnu-
greinar. Það er nauðsynlegt að menn læri af reynslu erfiðleikaáranna
til að geta betur tekist á við vandamálin síðar.
Stefán Ingólfsson
TÖLVUMÁL 5