Tölvumál - 01.12.1988, Blaðsíða 22

og ekki getað eða viljað slíta sig aftur frá vinnumarkaðnum til að
ljúka náminu. Burtséð frá þessu blasir hins vegar við frekar uggvænleg
þróun aðsóknar í tölvunarfræði. Eins og sést á mynd 3 hefur aðsókn
í tölvunarfræði dregist verulega saman síðustu árin. Ýmsar ástæður
geta legið hér að baki. Tölvunarfræði getur hafa verið tískufag á
árunum 1981 - 1985. Einnig geta tekjumöguleikar hafa freistað margra,
en síðustu árin hafa þessir tekjumöguleikar ekki verið taldir eins
glæstir og þess vegna getað dregið úr aðsókn. Mjög mikið vinnuálag
þessara starfsmanna hefur verið staðreynd og gæti það einnig haft
neikvæð áhrif á eftirspurn í þessa grein. Eins getur verið að um
tímabundið ástand sé að ræða. Ýmsar skýringar geta því verið á þessari
þróun en haldi þessi þróun áfram getur svo farið að á einhverju tíma-
skeiði komi upp skortur á vinnuafli í þessari grein. Það er kannski
ekki líklegt í náinni framtíð sérstaklega ekki eins og ástandið í þjóð-
félaginu er í dag, en íslenskt þjóðfélag hefur hingað til alltaf lyft
sér aftur úr þeim öldudal sem það hefur ratað í og vonandi gerist það
einnig nú. Blasi góðærið við okkur einu sinni enn og þensla á vinnu-
markaðnum verði staðreynd, þá er einnig nauðsynlegt að til staðar sé
fólk með rétta menntun og þekkingu til að takast á við ný og aukin
verkefni.
í dag eru um 160 nemendur við nám í tölvunarfræði i Háskóla íslands
og rúmlega 20 nemendur í tölvunarfræði erlendis. í Tölvuháskóla
Verzlunarskóla íslands eru um 100 nemendur og um 40 nemendur
stunda sambærilegt nám erlendis. Næstu ár má því reikna með að
markaðurinn hafi úr nægu vinnuafli að spila en þess ber að geta að
núna eru að koma á markaðinn þeir stóru árgangar sem hófu nám í
Háskóla íslands. Hvernig ástandið verður eftir t.d. 5, 10 eða 15 ár
er hins vegar erfiðara að spá um og fer eftir hver þróun þjóðfélags-
ins verður.
Hugbúnaðariðnaður á íslandi er ung grein, en mjög mikilvæg fyrir
þróun þjóðfélagsins á tímum tækni og hraða. Eins og fyrr sagði þurfa
hugbúnaðarhús að búa yfir fjölbreyttri þekkingu. Markaðsþekking
innan íslenskra hugbúnaðarfyrirtækja er af skornum skammti, en það
er reyndar ekkert einsdæmi hjá íslenskum fyrirtækjum. í þeirri
miklu samkeppni sem ríkir á þessum markaði er þessi þekking mikilvæg
og íslensk hugbúnaðarfyrirtæki þurfa því að bæta þar úr. Þekking
íslenskra forritara er hins vegar almennt talin góð í dag og fyllilega
sambærileg við það sem gerist erlendis. Mikilvægt er að sú staða
haldist og því verður að hlúa vel að menntun þessa hóps og styrkja
tengsl menntastofnana og atvinnulífs svo hugbúnaðariðnaður á íslandi
geti haldið áfram að vaxa og dafna.
22 TÖLVUMÁL