Tölvumál - 01.12.1988, Qupperneq 23

Þorvarður Kári Ólafsson:
EDI - hvað er nú það?
Enn ein óskiljanleg skammstöfun, bóla til að halda lífinu í tölvusér-
fræðingum? Grein þessi er tilraun til að varpa ljósi á þetta tiltölu-
lega nýja hugtak í tölvu- og viðskiptaheiminum.
Orðaval
EDI stendur fyrir Electronic Data Interchange, en í hugum flestra er
í raun átt við Electronic Business Data Interchange (EBDI) eða Trade
Data Interchange (TDI). Ég vel að nefna allt þetta einu nafni: við-
skiptagagnaskipti milli tölva. mætti hugsanlega skammstafa VGMT eða
VIT.
Einfalt mál
Hugmyndin er tiltölulega einföld: tölvur eru látnar skiptast á gögnum
viðskiptalegs eðlis. Þetta er gert á þann hátt að viðtökutölvan getur
túlkað og unnið úr gögnunum, nokkurn veginn án þess að mannshöndin
komi þar nærri. Þegar tölvur skiptast þannig á gögnum sem nýta má
beint í viðtökutölvunni, er hægt að segja að tölvurnar skiptist á upp-
lvsingum. (skv. almennri skilgreiningu upplýsinga, sem er: túlkanleg
gögn). Af ýmsum ástæðum eru notaðar pakkasendingar, í stað beinlínu-
tenginga.
Þessu má ekki rugla saman við t.d. rafeindapóst (electronic mail), en
það eru í raun rafeindaskilaboð milli manna (electronic messaging,
Message Handling System/MHS), þ.e.a.s. menn skiptast á upplýsingum,
að vísu með aðstoð tölva og gagnafjarskipta.
Þessu má heldur ekki rugla saman við beinlínutengingu starfsmanns
við tölvu annars fyrirtækis. Þar skiptist maðurinn á upplýsingum við
tölvuna.
En þó flókið í framkvæmd
Er þá ekki bara að labba út í búð og kaupa "pakka" fyrir viðskipta-
gagnaskipti? Málið er ekki alveg svo einfalt. Jafnvel þó til sé viss
búnaður til þessara nota, þarf að huga að fjölmörgum atriðum áður en
TÖLVUMÁL 23