Tölvumál - 01.12.1991, Side 23

Desember 1991
Tölvumál framtíðarinnar
Ágúst Úlfar Sigurðsson, ritstjóri
Eins og fram kemur annarsstaðar
í blaðinu ætlum við að breyta
útliti og frágangi þess. Verður
þetta hefti það síðasta af gamla
sniðinu. Helstu breytingar munu
felast í nýrri litprentaðri forsíðu
og litprentun á öðrum síðum
eftir þörfum. Allur lokafrágangur
verður unninn f prentsmiðju og
af hæsta gæðaflokki.
Stefnt er að því að árlega verði
gefin út sex blöð og verði
útgáfudagar fyrirfram ákveðnir.
Þetta þýðir að samvinna við
greinarhöfunda og auglýsendur
verður skipulegri og skilvirkari.
Sama gildir um val á meginefni
blaðsins. Það verður ákveðið
fyrirfram og efnisöflun unnin
samkvæmt því. Þetta hefur verið
reynt áður og gefist vel.
Um næstu hefti Tölvumála Iiggur
eftirfarandi fyrir:
Fyrsta tölublað mun koma út í
janúar og verður efni þess einkum
byggt á fyrirlestrum frá ET
deginum. Skilafrestur á innsendu
efni hefur verið ákveðinn 2.
janúar.
Megineftii 2. tölublaðs verður
útflutningur á hugbúnaði og í 3.
tölublaði verða öryggismálin sett
á oddinn.
Rimefnd er þess fullvís að margir
Iesenda Tölvumála muni nýta
jólafrfið til að setja skoðanir sínar
og reynslusögur á blað og nýt
Tölvumál til að koma þeim á
framfæri.
23 - Tölvumál