Tölvumál - 01.05.1998, Blaðsíða 3
TOLVUMAL
EFNI
5 Af CeBIT ‘98 Einar H. Reynis
7 Framkvæmd stefnu ríkisstjórnar íslands um upplýsingasamfélagiö Guðbjörg Sigurðardóttir
10 Úr skýrslu sérfræðinefndar um fjarskiptamál
13 Fjarskiptin frjáls Gústav Amar
16 Eru fjarskiptin frjáls? Kristján Gíslason
18 Neteftirlit með Open View Helgi Helgason
20 Kynning: TÍR EHF. Þekking. Lausnir. Bætt samkeppnis- staða með betri upplýsingum Ríkharður Ríkharðsson
Ritstjórnarpistil
í þessu öðru tölublaði Tölvumála 1998 er fjallað nokkuð
um fjarskipti en í apríl kom út skýrsla sérfræðinefndar
um fjarskipti sem samgönguráðherra Halldór Blöndal
skipaði sér til ráðuneytis um stefnumótun í fjarskipta-
málum, og er samantekt nefndarinnar birt í blaðinu.
Næsta tölublað Tölvumála verður helgað 30 ára
afmæli Skýrslutæknifélags Islands og verður það með
breyttu útliti. Er þetta því síðasta tölublaðið með nú-
verandi útliti. Einnig mun verða hægt að nálgast efni
blaðsins á heimasíðu félagsins. Frá og með fjórða tölu-
blaði verða nýjungar á ferðinni sem verða kynntar í
haust. Nokkrar breytingar hafa orðið í ritstjórn en Gísli
Ragnarsson og Ólöf Þráinsdóttir hafa gengið úr ritstjórn-
inni og eru þeim færðar þakkir fyrir góð störf. Ritnefnd-
inni hefur bæst liðsauki, þeir Kristján Arnþórsson og
Kristján Kristjánsson og eru þeir boðnir velkomnir til
starfa.
Samkvæmt dagatalinu hefur sumarið nú gengið í garð
og viljurn við í ritstjórn Tölvumála því óska öllum les-
endurn blaðsins gleðilegs sumars.
Agnar Björnsson
Formannspistill
Eitt fyrsta verkefni nýrrar stjórnar
Skýrslutæknifélagsins á hverju ári
er að setjast niður og móta stefnu
um starfsemi félagsins á komandi
starfsári. Þetta hefur verið gert um
árabil og gefist vel.
Að þessu sinni var stefnumót-
unarstarfið mun markvissara þar
sem fyrir lá viðhorfskönnun
meðal félagsmanna Skýrslutækni-
félagsins sem unnin var í febrúar
sl. Könnunin leiddi í ljós almenna
ánægju með starfsemi félagsins og
var einkar ánægjulegt að sjá að
Tölvumál er í miklum metum á
meðal félagsmanna. Tölvumál er
nánast eini sérhæfði vettvangurinn
á íslandi fyrir fagfólk í upplýsinga-
tækni til að koma á framfæri
áhugaverðum málefnum á sínu sviði.
Alls nefndu 26% aðspurðra Tölvu-
mál sem þann þátt sem í starfsemi
félagsins sem gagnaðist þeim mest
faglega.
Ráðstefnu- og fundahald hefur
verið mjög áberandi í starfsemi
félagsins og er að mati félagsmanna
mikilvægasti þátturinn. Fundirnir
eru ekki einvörðungu mikilvægir
frá fræðilegu sjónarmiði heldur
gefst einnig tækifæri til að hitta
aðra í faginu. Það er því oft erfitt á
ráðstefnum að slíta menn frá áhuga-
verðum samtölum í kaffihléum.
Hvað varðar innihald ráðstefna
var áberandi hversu mikill áhugi er
á að fræðast um hvað íslensk fyrir-
tæki eru að gera á sviði upplýs-
ingatækni og er það til marks um
hversu gróskan er mikil í þessum
geira atvinnulífsins. Hádegisfund-
ir félagsins eru mikilvægur vett-
vangur fýrir upplýsingamiðlun af
þessu tagi en með því formi er unnt
að gera málefnum skil á meðan þau
eru heit í umræðunni. Nýlegur
fundur um gagnagrunn á heilbrigð-
issviði er ágætt dæmi um þetta.
Skýrslutæknifólagið er 30 ára á
þessu ári og verður tímamótanna
minnst með sérstakri ráðstefnu
síðar á þessu ári. Mikilvægt er að
félag eins og Skýrslutæknifélagið
gangi í gegnum öra endurnýjun og
sé stöðugt að leita nýrra leiða í
starfsemi sinni. Ein af niðurstöð-
urn stefnumótunarfundarins var
að vinna að því að setja á stofn sér-
staka faghópa til að fjalla um
ákveðin málefni. Með þessu er
ætlunin að virkja betur áhugasama
félagsmenn og skapa vettvang fýrir
fagleg skoðanaskipti. Faghóparnir
skapa einnig tækifæri til að virkja
fleiri í innra starfi félagsins.
Erlent samstarf hefur ekki
verið áberandi í starfsemi félags-
ins en með aðild að CEPIS sem eru
Evrópusamtök skýrslutæknifelaga
gefst gott tækifæri til að blása til
sóknar á þessu sviði. Unnið er að
mörgum áhugaverðum verkefnum
á vegum CEPIS og mikilvægt að
við fáum tækifæri til að fylgjast
með því sem þar er að gerast.
Mörg spennandi verkefni bíða
nýrrar stjórnar á komandi ári og
vonandi tekst að halda áfram því
góða starfi sem fyrri stjórnir hafa
markað. Félagsmenn geta áfram
átt von á að Skýrslutæknifélagið
verði sá faglegi vettvangur sem
full þörf virðist vera fyrir í okkar
litla en öfluga upplýsingasam-
félagi.
Óskar B. Hauksson
MAÍ 1998 - 3