Tölvumál - 01.05.1998, Page 10

TÖ LVU MÁ L
Úr skýrslu sérfræðinefndar
um fjarskiptamál
Fjarskiptamálin hafa verið í
brennidepli síðustu mánuði.
Nefnd skipuð af samgönguráð-
herra, Halldóri Blöndal hefur
skilað af sér ýtarlegri skýrslu um
stöðu fjarskiptamála hér á landi
og þróun þeirra fram á næstu öld.
Einnig er í skýrslunni metin staða
Landssíma íslands hf og lagðar
fram tillögur um hvernig eignar-
hluta ríkisins í félaginu verði best
varið.
Nefndina skipuðu kunnir at-
hafnamenn, þeir Eyþór Arnalds,
Frosti Bergsson, Olafur Jóhann
Olafsson, Þorsteinn Þorsteinsson
og Guðjón Már Guðjónsson sem
gengdi formennsku í nefndinni.
Starfsmaður nefndarinnar var Sæ-
mundur Norðfjörð.
Skýrslan ber heitið „Til móts
við nýja tíma“ Hér að neðan er
birtur kaflinn „Samantekt“ úr
skýrslunni, en skýrsluna í heild
er að finna á Internetinu. Slóðin
er http://www.fjarskipti.is
Samantekt
Um aldir voru Islendingar ein-
angraðir frá umheiminum. Með
bættum fjarskiptum hefur þjóðin
náð að yfirvinna fjarlægðir, bæði
innanlands og gagnvart umheim-
inum. Þrátt fyrir fámenni er fjar-
skiptakerfið á Islandi öflugt og
notkun fjarskiptaþjónustu meiri
en víðast hvar annars staðar.
Ahugi og frumkvæði einstaklinga
og fyrirtækja hefur lagt grunn að
því upplýsingasamfélagi sem Is-
lendingar búa nú þegar við og
ekkert lát virðist á vilja fólks til að
taka þátt í tæknibyltingu framtíð-
10- MAÍ 1998
arinnar. Á skömmum tíma hefur
orðið róttæk tæknibylting í heim-
inum og hafa símafyrirtæki ekki
farið varhluta af henni. Um víða
veröld eru slík fyrirtæki að breyt-
ast og aðlaga sig nýjum aðstæðum
enda kemur það æ betur í ljós að
aðgangur að upplýsingatækni og
notkun hennar skilur í sívaxandi
mæli á milli þeirra sem tileinka
sér hina nýju möguleika og hinna
sem sitja eftir.
Nauðsynlegt er fyrir símafyrir-
tækin að fylgjast vandlega með
þróuninni til þess að verða ekki
undir í samkeppninni. Ein leið
símafyrirtækja til aðlögunar er
aukið samstarf. Samvinna síma-
fyrirtækja verður sífellt mikilvæg-
ari, þar sem sum eru sterkari á al-
þjóðasviði og dreifingu, önnur á
sviði þjónustu og sérþekkingar.
Þetta hefur í för með sér fjöl-
breyttari þjónustu við neytendur
og hagstæðara verð. Um leið
styrkjast fjarskiptafyrirtækin og
leita að tækifærum á alþjóðavett-
vangi, berjast á heimsmarkaði.