Vísir - 23.10.1965, Blaðsíða 2

2
VI SIR . Laugardagur 23. október 1965.
/
7 AF 15 íRU HUSMÆÐUR!
við Dani, en sigurvonin er alltnf fyrir hendi og
það verður örugglega barizt hart. — Sagt frá
landsliðinu, sem fer utan á mánudaginn til keppni.
Kvennalandsliðið okkar á erfiða Eeiki framundan
if- Á mánudaginn fer íslenzka kvennalandsliðið í handknattleik utan. Það
eru Danir, sem keppa á við og eru leikirnir liður í heimsmeistarakeppn-
inni, og heldur það lið áfram, sem hefur betur samaniagt í mörkum eftir
leikina tvo, sem fram fara á fimmtudagskvöldið og á laugardaginn.
Þúsundir manna horfðu á flestar þessar sömu stúikur gera jafntefli við
dönsku stúlkurnar á Norðurlandamótinu í fyrra á Laugardalsvelli. Þá
var barizt og stór sigur unninn. Mig minnir, að íslenzka landsliðinu hafi
verið gefin að vinargjöf lítil fallbyssa úr silfri. Þetta var nokkurs kon-
ar tákn þeirra fallbyssuskota, sem íslenzka liðið hafði sent í mark and-
stæðinganna. Vonandi tekst nú eins vel til gegn Dönum!
Það vekur athygli að lands-
liðið okkar, sem samanstendur
af 15 stúlkum úr 6 félögum í
Reykjavík og Hafnarfirði og var
skipað á mjög líkan hátt I fyrra-
sumar, er mjög samstætt og það
var eins og á vellinum ynni
saman ein órofa heild, en ekki
stúlkur, sem öðru hverju keppa
sín á milli með tilheyrandi metn
aði. Það er sagt að andinn í lið-
inu sé enn sá sami. Það ætti að
vera hið mikla happ landsliðsins
okkar.
Oftást er það svo með ungar
stúlkur, sem hafa iðkað íþróttir
á táningaaldri að þær verða að
hætta afskiptum af íþróttum.
Þær fá flestar nýtt hlutverk,
húsmóðurstarfið kallar á þær og
ekki síður á auglýstum æfinga-
tímum félaganna en öðrum tím-
um. Börnin þurfa alltaf eftirlit
og umönnun, það þarf að sjá
um kvöldmatinn og þegar að
æfingatímanum líður eru hús-
mæður yfirleitt ekki mjög á-
fjáðar í að leggja á sig langa
ferð til íþróttahússins. Þess
vegna hætta flestar stúlkur í
íþróttum, þegar heimilisstörfin
fara að kalla.
Samt eru 7 af 15 stúlkum í
islenzka landsliðinu húsmæður
og er það áreiðanlega met út af
fyrir sig. Tólf börn eiga þær
þessar stúlkur samanlagt og
stundum hefur jafnvel komið
fyrir að börnin hafa orðið að
fylgja með á æfinguna, því eng-
inn var tiltækur til að sjá um
bömin meðan húsmóðirin
skrapp á æfinguna.
Við fórum í gær til tveggja
þessara stúlkna og röbbuðum
stundarkorn við þær á heimilum
þeirra.
Svana Jörgensdóttir, er 31
árs gömul og er elzt stúlknanna
1 landsliðinu að þessu sinni. Hún
byrjaði að leika handknattleik
með Ármanni 13 ára gömul
1947 og hefur leikið síðan með
félaginu með hléum þó, því
hún dvaldist í Munchen I Þýzka
landi með manni slnum og börn
um meðan hann var við verk-
fræðinám þar. Það var árin 1954
—55 og svo aftur 1958—61, en
þá lék hto með liðinu ESV
LAIN, sem er félag stofnað af
jámbrautarstarfsmönnum bofg-
arinnar. Þar lék Svana 78 opin-
bera leiki a'.is, en hér heima eru
leikirnir eitthvað á annað hundr-
að, — 100. leikinn lék hún i
fyrra.
— Hvernig er það fyrir gifta
konu og móður að stunda hand-
knattleiksæfingar?
„Ég á skilningsríkan eigin-
mann og hann hefur frekar
hvatt mig en latt til æfinganna.
Ég segi það satt að ég væri fyrir
löngu hætt í handbolta ef hann
hefði ekki verið mér svo góð
hvatning. Annars er það nauð-
syn hverri konu að stunda ein-
hverja íþrótt, og handboltinn
finnst mér ágæt íþrótt og þess
vegna hef ég haldið áfram að
stunda hana. Hins vegar getur
þetta orðið of mikið af því góða,
t.d. ef mikið væri af utanferðum
sem þessum“.
Svana á 8 landsleiki að baki
á 15 ára ferli sínum í meistara-
flokki. Sex sinnum hefur hún
orðið íslandsmeistari og í nokk-
ur skipti Revkjavíkurmeistari.
Og ekki má gleyma Norður-
landatitlinum, en hún var með
I sigri íslands í fyrra.
„Ég þori ekki að spá neinu
um úrslitin í Danmörkfu að
þessu sinni. Hins vegar er and-
inn innan liðsins sérstaklega
góður og ég þori að fullyrða að
við munum gera allt til að
standa okkur sem bezt“.
Margréti Hjálmarsdóttur hitt-
um við suður í Kópavogi. í
Holtagerði 63 hafa hún og eig-
inmaður hennar komið sér upp
stórri íbúð og flutt inn enda
þótt enn sé ekki lokið að fullu
innréttingunni. Margrét íék í
marki hjá Þrótti í 11 ár og lék
fyrst landsleik í fyrra í Norður-
landamótinu. Hún varð tvívegis
íslandsmeistari með Þrótti I
meistaraflokki og jafnoft með
2. flokki.
Margrét er 27 ára, gift Frey
Bjartmarz, en hann var meist-
araflokksmaður með Víkingi fýr
ir nokkrum árum í handkna,tt-
leik og var auk þess í knatt-
spyrnu, en hefur nú lagt íþrótt-
irnar á hilluna að mestu, en
hvetur konu sína til að halda
áfram og gætir barnanna þriggja
á meðan, og það jafnvel þótt
konan yrði að fara með vinkon-
um sínum allt suður á Keflavík-
urflugvöll til æfinga, en þar er
eini keppnissalurinn af löglegri
Svana Jörgensdóttir og Gunnar Torfason, verkfræðingur, maður
hennar, á heimill þeirra á Meiabraut 30 á Seltjarnarnesi. Gunnar
er sjálfur íþróttamaður og formaður Körfuknattleiksféiags Rvíkur.
stærð. Frá þeim æfingum komu
stúlkurnar ekki heim fyrr en
hálf-tvö á næturnar.
„Ég hef kosið að halda áfram
að stunda handknattleik", segir
Margrét. „Ég vil heldur láta
annað mæta afgangi. Áhuginn
hjá stelpunum hefur verið mjög
mikill, en við höfum.ekki feng-
ið eins marga æfingatíma og við
hefðum raunar þurft að fá“.
Margrét viðurkenndi að EF Is-
land vinnur (sem allir vona), þá
eru húsmæðurnar í liðinu, og
raunar allar stúlkurnar ásamt
fararstjórum í vanda. Allir
hafa fengið frí til einnar viku,
hvort sem það er í skólum, í
vinnu eða það að koma börnun-
um 12 fyrir. Fari svo að ísland
vinni, verður liðið að dvelja úti
í viku og bíða eftir keppninni í
Þýzkalandi, sem hefst 7. nóv-
ember. Ferðin stæði þrjár vikur
I stað einnar viku.
Hinar stúlkurnar í liðinu eru:
Sigríður Sigurðardóttir, Val, 23 ára, húsmóðir
Rut Guðmundsdóttir, Ármanni, 27 ára, húsmóðir
Ása Jörgensdóttir, Ármanni, 28 ára, húsmóðir
Sigríður Kjartansdóttir, Ármanni, 27 ára ára, húsmóðir
Jóna Þorláksdóttir, Ármanni, 19 ára, húsmóðir
Sigurlina Björgvinsdóttir, FH, 20 ára, vinnur í lyfjabúð í Osló
Sigrún Ingólfsdóttiir, Val, 18 ára, Verzlunarskólanemi
Jónína Jónsdóttir, FH, 20 ára, starfar á sjúkrahúsi
Sigrún Guðmundsdóttir, Ármanni, 18 ára, skrifstofustúlka
Elín Guðmundsdóttir, Vfking, 19 ára, vinnur á ljósmyndastofu
Edda Jónasdóttir, Fram, 18 ára, starfar í banka
Vigdís Pálsdóttir, Val, 18 ára, í Menntaskólanum
Sylvía Hallsteinsdóttir, FH, 20 ára, vinnur í bakaríi.
Fararstjórar með stúlkunum
verða væntanlega Ásbjöm Sig-
urjónsson, formaður HSl og með
honum Sigurður Bjarnason og
þjálfari liðsins Pétur Bjarnason.
„Við vonum hið bezta“, sagði
Pétur í gær, „við höfum áður
gert það með góðum árangri.
Að vísu vantar stúlkurnar skil-
vrði til æfinga og ég hefði vilj-
að fara með þær í enn betri út-
haldsþjálfun. En ég er að
mörgu leyti ánægður með lið-
ið“
En sem sagt nú er það alvara.
Á fimmtudaginn mun liðið leika
í Lyngby Hallen kl. 20 og á laug-
ardaginn verður leikið í Röd-
ovre-höllinni kl. 16.30 og verður
sjónvarpað frá þeim leik.
Við óskum stúlkunum góðrar
ferðar, og vonumst til að geta
flutt góðar fréttir af för þeirra.
— jbp -
Margrét Hjálmarsdóttir og eiginmaður hennar við ),kaffi“borðið.• Mjólkin er auðvitað vinsælust hjá
börnunum, tilvonandi handknattleiksfólki væntanlega, en þau heita Ragnar 7 ára. Hjálmar 6 ára og
Dagmar 5 ára.