Dagur - 31.10.1997, Blaðsíða 7

X^MT-
HVAÐ ER í BOÐI
FÖSTUDAGUR 31. OKTÓBER 1997 - 23
NORÐURLAND
Basar og kaffisala
í Sunnuhlíð
Haustbasar verður haldinn í Dagdvöl
Sunnuhlíðar, Kópavogsbraut 1, laug-
ardaginn 1. nóv. kl. 14. Seldir verða
handunnir munir, margt fallegt til
jólagjafa, einnig heimabakaðar kökur
og veglegir lukkupakkar. Kaffisala
verður í matsal þjónustukjarna með
heimabökuðu meðlæti. Allur ágóði
rennur til styrktar starfsemi Dagdvai-
ar, þar sem aldnir Kópavogsbúar
dvelja daglangt og njóta marghátt-
aðrar þjónustu.
Franskir dagar á Akureyri
Gilfélagið í samvinnu við franska
sendiráðið, Alliance Francaise og
Listvinafélag Akureyrarkirkju, hafa
staðið fyrir Frönskum dögum á Akur-
eyri í vikunni sem er að líða. Föstu-
daginn 31. okt. átti að vera dagskrá
sem bar heitið Frönsk lög og Ijóð, en
af óviðráðanlegum orsökum verður
þeirri dagskrá frestað fram í nóvem-
ber. Lokatriði Frönsku daganna
verður laugardaginn 1. nóv. kl. 12 en
þá mun Björn Steinar Sólbergsson
leika frönsk orgelverk eftir Louis-
Nicolas Clérambault og Marcel
Dupré á Hádegistónleikum. Aðgang-
ur ókeypis og eru allir velkomnir.
Músík- og villibráðarveisla
á Kaffi Akureyri
Fimmtudagskvöld: Hey Joe leika
Ijúfa tónlist frá kl. 22-01.
Föstudagskvöld: Villibráðarveisla
og skemmtikvöld skotveiðimanna.
Laddi og Stefán frá Útistöðum mæta
og Gulli og Maggi sjá um danstón-
listina.
Laugardagskvöld: Villibráðarveisla
og dansleikur með Stjórninni.
Mannabreytingar hafa orðið í Stjórn-
inni en auk Siggu og Grétars eru nú
Eiður Arnarsson á bassa, Sigfús Ótt-
arsson á trommur, Kristján Grétars-
son á gítar og Davíð Jónsson á
hljómborð og saxófón.
Flóamarkaður N.L.F.A.
Flóamarkaður N.L.F.A. í Kjarnalundi
verður opinn á morgun, laugardag,
frá kl. 14-16. Þar er verið að taka
fram jólaskraut og efni til jólaskreyt-
inga á gjafverði. Og sem endranær
er í boði góður fatnaður, ýmsir munir,
skór og vefnaðarvara.
Gallerý Svartfugl
Undanfarnar tvær vikur hefur staðið
yfir í Gallerý Svartfugl á Akureyri
sýning á verkum Ragnheiðar Þórs-
dóttur vefara. Sýningunni, sem nefn-
ist „Hugmyndabrot" lýkur nú um
helgina og mun hún verða opin frá
kl. 14 til 18 bæði laugardag og
sunnudag. Á sýningunni eru 14 verk
sem unnin eru á þessu ári, bæði
hefðbundinn myndvefnaður og verk
unnin í pappír.
Flóamarkaður
Hjálpræðishersins
Flóamarkaður Hjálpræðishersins að
Hvannavöllum 10 er opinn alla föstu-
daga frá 10-17. Á markaðnum er
hægt að gera mjög góð kaup á not-
uðum fatnaði. Tekið er á móti fatnaði
á sama stað alla daga vikunnar.
Listasafnið á Akureyri
Helgina 1.-2. nóv. lýkur sýningu
Kristjáns Steingríms í Listasafninu á
Akureyri. Sunnudaginn 2. nóv. kl. 16
verður safnaleiðsögn fyrir almenn-
ing. Allir velkomnir, aðgangur ókeyp-
is.
HÖFUÐBORGARSVÆÐIÐ
Tónleikar-TÚN
Nk. föstudagskvöld verða haldnir
tónleikar í Norðurkjallara MH. Tón-
leikar þessir kallast TÚN, en það
stendur fyirr Tónleikaupptökur úr
Norðurkjallara. Tónleikarnir hefjast
stundvíslega kl. 21. og þeim lýkur kl.
01. Mlðaverð er kr. 500 fyrir almenn-
ing, en 400 kr. fyrir félaga í Nem-
endafélagi MH.
Unglingurinn í skóginum
Núna um helgina er síðasta sýning-
arhelgi á sýningunni „Unglingurinn í
skóginum" í Gallerí „Nema hvað?
Nemendagallerí Myndlista og hand-
íðaskóla Islands. Á sýningunni sýna
þekktir íslenskir myndlistarmenn
sem og aðrir menn verk frá unglings-
árum sínum og er sýningin og er
sýningin því n.k. freudiskt innlegg í
myndlist í dag. Sýningin er opin frá
14-18 og er í Þingholtsstræti 6,
kjallara.
Ljóðakvöld
Föstudaginn 31. okt. verður Ijóða-
kvöld í Tjarnarbíói á Ungilist ¥97.
Dagskráin hefst kl. 20.30 þar sem
fram koma Didda, Einar Sigurður,
Berglind Ágústsdóttir, Kristín, Berg-
sveinn og Björgvin ívar. Einnig koma
Stína Bongó og Þórdís Klassen og
berja húðir af alkunnri snilld og Ör-
lygur Örlygsson mun spila á
Þeremín.
Fundur Kvenfélags
Háteigssólknar
Kvenfélag Háteigssóknar heldur
fund þriðjudaginn 4. nóv. kl. 20.30 í
safnaðarheimili krikjunnar. Gestur
fundarins er Guðrún Nielssen. Allar
konur í sókninnni eru velkomnar.
Skaftfellingafélagið
Félagsvist sunnudaginn 2. nóv. kl.
14. í Skaftfellingabúð, Laugavegi
178.
Sýning Umsjónarfélags
einhverfra
Sýning á vegum Umsjónarfélags ein-
hverfra í tengslum við 20 ára afmæli
félagsins verður haldin í Ráðhúsi
Reykjavíkur frá 2. - 9. nóv. Á sýning-
unni verða verk eftir listamenn sem
eru með einhverfu. Eins mun sýning-
in gefa innsýn í líf fólks með ein-
hverfu á l’slandi.
Félag eldri borgara
Félagsvist í Risinu kl. 14. í dag. Allir
veikomnir. Göngu Hrólfar fara í létta
göngu um borgina kl. 10 laugardag.
Dankennsla í Risinu laugardag kl. 10
fyrir lengra komna og kl. 11.30 fyrir
byrjendur.
Spíritisminn og kirkjan
Umræðufundur í Loftsalnum, Hóls-
hrauni 3, Hafnarfirði, sunnudaginn 2.
nóv. kl. 14. Guðfræðingarnir Björgvin
Snorrason og Steinþór Þórðarson
sitja fyrir svörum. Allir velkomnir og
aðgangur er ókeypis.
Skólakeppni Tónabæjar
Skólakeppni Tónabæjar 1997 lýkur
föstudaginn 31. okt. með körfubolta-
keppni. Um kvöldið verður síðan
slegið upp Skólaballi í Tónabæ, þar
sem verðlaunaafhending fer fram og
Skólameistarar Tónabæjar verða
krýndir.
Halloween 1997
Veitingastaðurinn Hard Rock Café
ætlar að halda upp á Halloween
(Hrekkjavöku) 30. okt.-1. nóv. Þetta
er án efa stærsti viðburðurinn á árinu
hjá Hard Rock og aldrei hefur Hall-
oween hátíðin verið jafn glæsileg og
í ár. Hljómsveitin Skítamórall mun
ríða á vaðið og opna Hrekkjavökuna
með tónleikum fimmtudagskvöldið
30. okt. kl. 22.
LANDIÐ
Opið hús á Sólvöllum
Þann 1. nóv. nk. eru 10 ár liðin síðan
fyrstu heimilismenn fluttu inn á dval-
arheimilið Sólvelli á Eyrarbakka. Af
því tilefni verðu opið hús á Sólvöllum
laugardaginn 1. nóv. og sunnudag-
inn 2. nóv. frá kl. 14 til 17. Þess er
vænst að sem flestir velunnarar
heimilisins líti inn, heilsi upp á heimil-
ismenn og þiggi veitingar þessa
daga.
Veturnætur á ísafirði
Föstudagur 31. okt. Kaldalónstón-
leikar ( ísafjarðarkirkju kl. 20. Fram
koma Sunnukórinn, Karlakórinn Ern-
ir, Söngfelagið úr Neðsta, Guðrún
Jónsdóttir, Ingunn Ósk Sturludóttir
og Jónas Tómasson.
Laugard. 1. nóv. Markaðstorg í
Rammagerð ísafjarðar frá kl. 10-16.
Harmonikuleikarar frá Tónlistarskóla
ísafjarðar skemmta kl. 14. og villi-
bráðarkvöld verður á Hótel fsafirði.
Sunnud. 2. nóv. Kl. 10 mun Sr.
Gunnar Björnsson flytja erindi í safn-
aðarheimili ísafjarðarkirkju um bók-
menntir, listir og kirkjutónlist. Kl. 11
verður Allrasálnamessa í ísafjarðar-
kirkju með altarisgöngu. Kl. 20 til 22
verður lokapunktur Veturnátta með
vestfirskri karnivalstemmningu.
Dansað verður við undirleik harmon-
ikufélaga á Silfurtorgi.