Dagur - 20.11.1997, Blaðsíða 2

2 —FIMMTUDAGUR 20 .NÓVEMBER 1997
ro^ír
FRÉTTIR
,Ástandiö“ meðal grunnskólaunglinga er með besta móti um þessar mundir og neysla vlmuefna yfirleitt takmörkuð við fáa einstaklinga. En blikur
eru á lofti og það þarf ekki nema nokkra sterka einstaklinga í árgangi til að ástandið versni.
Unglingar í Grafar-
vogi í góðum málum
Enginn gasfaraldur er í
gangi meðal grunnskóla-
unglinga, segja forstöðu-
menn félagsmiðstöðva á
höfuðborgarsvæðinu.
Þvert á móti er þaö sam-
dóma niðurstaða viðmæl-
enda blaðsins að „ástand-
ið“ meðal 13 til 15 ára
unglinga á svæðinu sé
með besta móti.
] Degi í gær var sagt frá því að upp
komst um gassniff hjá nokkrum ung-
lingum í Grafarvogi. Forstöðumaður
félagsmiðstöðvar í öðru hverfi segir að
þetta mál hafi komið sér á óvart. „Við
höfum góða yfirsýn og höfum ekki orð-
ið vör við sniff. Við höfum rætt hvort
við höfum sofnað á verðinum en erum
þess fullviss að þetta sé ekki fyrir hendi
hér og teljum okkur ansi nösk. Hvað
FRÉTTAVIÐTALIÐ
öll vímuefni varðar er nauðsynlegt að
vera sífellt á verði og við vitum að Iítill
hópur í eldri bekkjum grunnskólans er
í neyslu. En þetta eru fáir einstakling-
ar og í heildina séð eru þessi mál með
besta móti og hafa ekki verið betri í
nokkur ár.“
Annar forstöðumaður tók í sama
streng og sagði að áróður og fræðsla
hefðu skilað sér, t.d. auglýsingar borg-
arinnar og „foreldrarölt" með meiru.
„Ástandið er gott núna og engin um-
ræða um sniff. Við vitum auðvitað ekki
nákvæmlega hvað gerist í heimapartí-
um, en við þykjumst geta tekið púlsinn
og ályktum að ástandið sé gott. Vanda-
málin koma upp í sveiflum og það þarf
ekki nema nokkra sterka leiðtoga í ár-
gangi til að breyta munstrinu, en við
erum mjög hjartsýn með þessa kyn-
slóð,“ segir þessi viðmælandi og bætir
við að ávalll sé eitthvað um áfengi hjá
unglingunum, en ekki meira nú en ver-
ið hefur undanfarin ár.
Logn - en hlikur á lofti
Annar forstöðumaður á höfuðborgar-
svæðinu var sammála um að sniffmál
væru ekki í gangi og taldi að ástandið
hefði almennt verið gott síðustu tvö
árin, en taldi sig þó merkja að blikur
væru á Iofti og vísaði þar til reynslu úti-
deildarmanna.
„Mér sýnist að nú gæti verið að síga
á ógæfuhliðina og þörf á því að hefja
sókn á ný - að sparka í rassinn á öllum.
Það er auðvelt fyrir unglingana að fá
hassið, á sama stað og þau fá landann
og það gæti ýmislegt verið að gerast í
heimapartíum sem kemur ekki upp á
yfirborðið svo auðveldlega. Og krakk-
arnir eru mikið að þvælast langt eftir
útivistartíma. Þá hefur neyslualdurinn
verið að færast neðar, en aftur á móti
er mikil neysla bundin við ótrúlega fáa
unglinga,“ segir þessi viðmælandi.
Allir forstöðumennirnir voru sam-
mála um að ofbeldi meðal unglinga
væri ekki stórt vandamál, að einelti
undanskyldu. Einn þeirra merkti þó
„aukna firringu, rifrildi og stríðni, sem
í órólegu ástandi leiðir stundum til of-
beldis.“ — FÞG

Pottverjar í Hafnarfirði velta því
nú mikið fyrir sér hver verði
næsti skólastjóri í Öldutúnsskól-
anuin. Haukur Helgason lætur af
stjóm á næsta ári en hann hefur
stýrt skólanum frá upphafi, eða í
36 ár. Helst telja menn að Magn-
ús Jón Ámason, allaballi og fyrr-
um bæjarstóri í Hafnarfiröi, eða
Ingvar Viktorsson, krati og núverandi bæjar-
stjóri, fái stöðmia. Kommar og kratar í Firðinum
hafa hug á að mgla saman reitum sínum fyrir
sveitarstjómarkosningamar í vor. Ekki geta þeir
báðir, Ingvar og Magnús, orðið bæjarstjórar og
því telja hafnfirskir pottormar að þeir komi sér
saman um að sá þeirra sem sest í bæjarstjórastól-
inn í sumar afhcndi hinum skólastjórastólinn í
Öldutúni. Ekkert getur komið í veg fyrir plottið
ncma Magnús Gunnarsson fái hann og félagar
hans í Sjálfstæðisflokknum fylgi til þess.
Opinbera heimsóknin til Akureyrar færir bónus
inn í veitingabransann: hefðarfólk úr bænum, er-
lendir blaðamenn og tignir gestir komu á Fiðlar-
ann í gær kl. 18 í mat og drykk. Byggðastefna í
reynd: færa glauminn úr höíuðborgarsollinum.
Á ritstjórn Dags býsnuðust menn yfir því að eng-
inn hefði reiknað út „hanastélshallann" milli
landsbyggðar og höfuðborgar!
Og einhver lagði til að ráðherrar stefndu á að
færa glasaglauminn út á land frekar en einhverj-
ar þurrprumpulegar skrifstofur með örfáum
launaþrælum. Það myndi hafa mun betri áhrif á
móralinn utan Elliðaáa. Og liagvöxtinn, bætti
einn hagsýnn pottverji við, sem hefur kynnt sér
risnutölur.
Og helgarpottur síðustu viku var aðeins á skjön
vió veruleikann um Sigurð G. Tómasson; hann er
ekki að undirbúa ráðstefnu fyrir Alþýðubanda-
lagið eins og hermt var, heldur Menningar- og
fræðslusamband Alþýðu, sein er allt annað, en al-
þýöuvænt þó, eins og Sigurður.
Ólafur
Þorgeirsson
framkvæmdastjóri Fossliótela
Fosshótel gerðu samning
við Kaupfélag Eyfirðinga
semfelur í séryfirtöku
rekstrarhótelsins frá ára-
mótum. Þarmeð bætist
tíunda hótelið í keðjuna.
Knnnum allt sem hótel heitir
-Hversu gömul er hótelkeðjnn Fosshótel?
„Þetta er ekki gamalt fyrirtæki. Saga þess
hefst með því að Fosshótel tóku yfir rekstur
hótels Lindar 1. maí 1996, þannig að þetta
er ekki mjög gamalt fyrirtæki. Fyrirtækið
hefur vaxið mjög hratt og nú eru tíu hótel í
keðjunni víða um land. Það er reyndar enn-
þá smá gat á Suðurlandi frá Vatnajökli til
Reykjavíkur sem þarf að fylla í til þess að við
Iokum hringnum í kringum landið.“
- Nm eru stórir eigendur Fosshótela
einnig eigendur atinars vegar Flugfélags
Islands og Islandsflugs, skopar það ein-
hverja togstreitu i rekstri liótelanna?
„Nei, samvinnan er mjög góð og engin
pressa af þeirra hálfu. Flugfélögin koma
hvorug beint að þessu, heldur eiga Ómar
Benediktsson og Úrval-Útsýn í fyrirtækinu.
Ég hef alveg frjálsar hendur með rekstur-
inn. Við höfum verið í pakkaferðum með Is-
landsflugi og Hótel KEA hefur verið í
pakkaferðum með Flugfélagi Islands. Við
vinnum með þeim sem vilja vinna með okk-
ur og ég er mjög bjartsýnn á samstarf við
þessa aðila.“
- Það hefur verið nokkurt tap á Hótel
KEA. Eruð þið með mótaðar hugmyndir
um hvernig þið sntíið tapi í hagnað í
rekstri þess?
„Það fyrsta sem við gerum auðvitað er að
líta yfir þá þætti í rekstrinum sem hafa orð-
ið þess valdandi að tap var á honum. Við
munum að sjálfsögðu endurskoða kostnað-
arliði. Við erum bjartsýnir á að geta snúið
rekstrinum við. Okkur hefur tekist það áður
með hótel sem við höfum tekið við og tap
hefur verið á, en það er ljóst að mikil vinna
er framundan."
- Hótelkeðjur eru þekktar víða um
heim. Er þetta það form sem hentar
einna best i þessum rekstri?
„Eg held að þróunin verði sú hér á landi
að innan fárra ára verði hér tvær til fjórar
keðjur á þessum markaði. Það er það dýrt að
markaðssetja eitt hótel úti á landi að hag-
ræðing af svona keðju er augljós. Ég vann
hjá Scandic-hótelkeðjunni í tíu ár í Svíþjóð
og kom þaðan hingað og ég vil nýta reynsl-
una þaðan hér. Við sem erum í ferðaþjón-
ustu erum að vinna að því að lengja ferða-
mannatímann. Það hefur sýnt sig að við
erum að fá ráðstefnugesti yfir vetrartímann
frá Skandinavíu og mér sýnist að Akureyri
geti boðið upp á mikla möguleika."
- Ntí leigið þið veitingarekstur Hótel
KEA tneð hótelrekstrinum, en hafið ekki
mikil umsvif í þeim rekstri?
„Það er engin launung með það að veit-
ingareksturinn er það stór jráttur í rekstri
Hótel KEA að áhugi okkar beinist að því að
fá góða menn með okkur í þann þátt rekstr-
arins og leigja hann frá okkur. Við kunnum
allt sem hótel heitir og viljum einbeita okk-
ur mest að því sem við kunnum best, þannig
að fólk viti alltaf hvað Jrað er að fá fyrir pen-
ingana.“
- Nm hafði KEA sagt upp starfsmönnum
hótelsins. Verða þeir endurráðnir?
„Við munum að sjálfsögðu skoða alla
þætti rekstrarins og þá einnig starfsmanna-
mál. Komi í ljós að þurfi að fækka, þá ger-
um við það. Þetta er það stórt hótel að það
yrði aldrei mikil breyting frá þvf sem nú er.“
- Erufleiri landvinningar í sjónmáli?
„Við erum í viðræðum við fleiri aðila, en
ég vil ekki tjá mig um þær viðræður að svo
stöddu.“ — HH