Dagur - 01.04.1998, Blaðsíða 13

MIÐVIKUDAGUR 1. APRÍL 1998 - 13

ÍÞRÓTTIR
Malone för upp
að hlið Malone!
Karl Malone, miðheiji Utah Jazz
er orðinn fjórði stigahæsti leik-
maður NBA-deildarinnar.
Malone hefur skorað 27.409
stig í deildinni, jafnmörg og
Moses Malone, sem Iengst af lék
með Philadelphia 76-ers. Það er
ekki komið að tómum kofanum,
þegar kemur að upplýsingum
um tölfræði í NBA-deiIdinni, en
nokkrir leikmenn náðu merki-
legum áföngum í deildinni í síð-
ustu viku.
Jordan drjúgur af
vítalinunni
Annar kunnur kappi, Michael
Jordan hjá Chicago Bulls, er nú
í 7. sæti yfir þá leikmenn sem
flest stig hafa skorað úr vítaskot-
um. Jordan hafði fyrir leik liðs-
ins sl. nótt skorað 6.714 stig af
vítalínunni, tveimur stigum
meira en Kareem Abdul Jaabar,
miðherji Los Angeles Lakers,
sem áður vermdi 7. sætið. Jord-
an náði þessu takmarki í leikn-
um gegn Atlanta Hawks, en
62.046 fylgdust með viðureign-
inni í Georgia Dome, sem er að-
sóknarmet í deildinni.
Oakley með 10.000 fráköst
Charles Oakley náði þeim
áfanga um síðustu helgi að taka
sitt 10.000 frákast í deildinni.
Oakley, sem leikur með New
York Knicks, hefur nú tekið
10.008 fráköst á ferlinum og á
örugglega eftir að bæta við þá
tölu á tímabilinu.
Fá stig hjá Indiana
Indiana Pacers, án helstu
stjörnu sinnar, Reggie Miller,
náði aðeins að skora 55 stig gegn
San Antonio Spurs og er það
lægsti stigafjöldi hjá liði í deild-
inni, síðan reglan um 24 sek-
úndna skotldukku var tekin upp.
Meistaratitilliim
til Kentucky
Lið Kentucky varð í fyrrinótt
meistari í bandaríska háskóla-
körfuboltanum í annað sinn á
þremur árum, eftir sigur á Utah,
78:69, í spennandi viðureign.
Lið Utah, sem flestum á óvör-
um sló út Iið Norður-Carob'nu í
undanúrslitum og meistara síð-
asta árs, Arizona, út í svæðisúr-
slitum, hafði fimmtán stiga for-
skot f leikhléi. Hittnin var hins
vegar slök hjá liðinu á lokakafl-
anum og eftir að hafa náð fjög-
urra stiga forskoti, 64:60, stuttu
fyrir leikslok gekk fátt upp hjá
liðinu og Kentucky skoraði 18 af
síðustu 23 stigum leiksins.
„Þetta var sigur heildarinnar,
en það er ekki hægt að lýsa því
hvernig mér lfður með orðum,
þetta er yfirþyrmandi," sagði Jeff
Sheppard frá Kentucky, sem ver-
ið hefur ein skærasta stjarnan í
háskólaboltanum en hann var
valinn maður úrslitaleiksins.
Sheppard skoraði sextán stig fyr-
ir Kentuckyliðið og tók fjögur
fráköst, en Scott Padgett skoraði
17 stig. Hjá Utah skoraði bak-
vörðurinn Andre Miller fimmtán
stig.
Hoddle fer hvergi
næstu tvö árin
I frönskum dagblöðum í fyrradag
var greint frá því að Monaco hefði
reynt að fá Glenn Hoddle, núver-
andi þjálfara enska landsliðsins, til
að taka við liðinu, en Jean Tigana,
sem hefur þjálfað liðið að undan-
förnu, mun taka við franska lands-
liðinu eftir heimsmeistarakeppn-
ina. Umboðsmaður Hoddle, Denn-
is Roach, var fljótur til svars og
sagði að skjólstæðingur sinn
mundi ekki taka að sér félagslið
næstu tvö árin, því hann yrði
áfram með enska landsliðið.
Barist um forsetastólinn hjá FIFA
Ljóst er að Lennart Johansson og Sepp Blatter munu berjast um for-
setastöðu alþjóðaknattspyrnusambandsins og kosningabarátta þeirra
gæti orðið með líflegasta móti. Blatter hefur sakað Johansson um að
vera handbendi þýska sambandsins, en Svíinn, sem meðal annars
kom hingað til lands í vetur, segir að Blatter, sem tilkynnti framboð
sitt sl. föstudag, sé lítið annað en strengjabrúða núverandi forseta,
Brasilíumannsins Joao Havelange. Þess má svo geta að Blatter telur
sig hafa stuðning fimmtán þjóða, þar á meðal Brasilíu, en hann hef-
ur tilkynnt að Frakkinn Michel Platini verði ráðinn sem aðstoðar-
maður hans, ef hann fær kjörgengi þann 8. júní.
Glenn Hoddle.
Mark frá Maradona valið „mark aUra
tíma66
Annað mark Argentínumannsins Diego Maradona, sem hann skoraði
gegn Englandi í lokakeppni HM árið 1986 hefur verið valið mark
allra tíma, af dómnefnd sem skipuð var núverandi, jafnt sem fyrrver-
andi knattspyrnumönnum. Knattspyrnutímaritið Fjórir-fjórir-tveir
gekkst fyrir könnuninni og fékk mark Maradona næstum helmingi
fleiri atkvæði, en það næsta. Eftirtalin tíu mörk þóttu standa upp úr
í könnun tímaritsins.
1. Diego Maradona (Argentína-England 1986)
2. Marco Van Basten (Holland-Rússland 1988)
3. David Beckham (Wimbledon-Man. Utd. 1996)
4. Carlos Alberto (Brasilía-Ítalía 1970)
5. Trevor Sinclair (QPR-Barnsley 1996)
6. Roberto Carlos (Brasilía-Frakídand 1997)
7. Geoff Hurst (England-V. Þýskaland 1966)
8. Pele (Brasilía-Ítalía 1970)
9. Ronnie Radford (Hereford-Newcastle 1971)
10. John Barnes (Brasilía-England 1984).
Tímaritið 4-4-2 er gefið út í Bretlandi og ekki er ólíklegt að góður
hluti þeirra knattspyrnumanna sem þátt tóku í könnuninni hafi ver-
ið breskir, að minnsta kosti er helmingur markaskoraranna á listan-
um frá Bretlandseyjum.
Frá slysstað í fyrrakvöld eftir að flugvél með átján leikmenn Leeds innanborðs
hlekktist á.
Sluppu með skrekkiim
Átján IeÍKmenn enska úrvalsdeildarliðsins Leeds, sluppu með skrekk-
inn, þegar flugvél sem hugðist fljúga með þá frá London til Leeds,
hlekktist á í fyrrakvöld, eftir leik Iiðsins við West Ham. Við flugtak
kom upp eldur í hreyfli vélarinnar og hún brotlenti nokkrum sekúnd-
um síðar við enda flugbrautarinnar. Meiðsl leikmanna voru minni-
háttar. „Það er erfitt að útskýra hvað fer f gegn um huga manns, þeg-
ar vélin rennur stjórnlaust áfram, en við vonuðumst eftir því að hún
myndi ekki lenda á neinu og að ekki yrði sprenging," sagði David
O’Leary, aðstoðarframkvæmdastjóri Leeds, sem meiddist á öxl. Leik-
menn Leeds skiluðu sér á Elland Road ldukkan 7:20 í morgun, með
langferðabíl, þar sem leikmenn höfðu ekki mikinn áhuga á að stíga
upp í flugvél eftir brotlendinguna.
Tvöföld (tveggja laga) einangrun
með Hollow-trefjum. Verðdæmi:
-5°C kr. 5.990- (1,8 kg.)
-15°C kr. 6.790- (2,1 kg.)
-20°C kr. 7.140- (2,5 kg.)
Grisport gönguskór (tegund 389) úr
öndunarefni. Termoform-innrisóli og
höggdempun í sóla.
.Jíocus (3.675)
Vinsælu sjónaukarnir með sjálfvirkum
fókus. Engar stillingar. Leðurtaska.
% ' : (3(968)
Flísjakkar í úrvali. Margir litir.
Ómissandi útivistarflík sem nýtist allt
árið. Verð frá 3.968-
ÞRJÁR FLÍKUR í EINNI
Ein vinsælasta útivistarflík síöari
ára. Þrjár flíkur í einni.
Grandagarði 2 - Rvík.
Sími 552-8855 og 800-6288
OPIÐVIRKA DAGA 8-18
LAUGARDAGA 10-14